കണ്ണൂർ ആസ്റ്റർ മിംസ് ഹോസ്പിറ്റൽ ഉത്തര മലബാറിൽ ആദ്യമായി വൃക്കമാറ്റിവെക്കൽ ശസ്ത്രക്രിയ വിജയകരമായി പൂർത്തിയാക്കി, മേഖലയിലെ ആരോഗ്യസേവന രംഗത്ത് പുതിയ ചരിത്രം രചിച്ചു

കണ്ണൂർ: (KVARTHA) ഉത്തര മലബാറിലെ ആദ്യത്തെ വൃക്കമാറ്റിവെക്കൽ ശസ്ത്രക്രിയ കണ്ണൂർ ആസ്റ്റർ മിംസ് ഹോസ്പിറ്റലിൽ വിജയകരമായി പൂർത്തിയാക്കി. ആധുനിക വൈദ്യശാസ്ത്രത്തിലെ ഏറ്റവും സങ്കീർണ്ണമായ അവയവമാറ്റിവെക്കൽ പ്രൊസീജറുകൾ കൂടി വിജയകരമാകുന്നതോടെ കണ്ണൂരിന്റെ ആരോഗ്യ സേവന മേഖല ആഗോള നിലവാരത്തിലേക്ക് വളരുകയാണ്. ഇതോടെ, വൃക്ക മാറ്റിവെക്കൽ ആവശ്യമുള്ളവർക്ക് മംഗലാപുരത്തേയോ കോഴിക്കോടിനേയോ ആശ്രയിക്കേണ്ടി വരുന്ന സാഹചര്യത്തിന് അറുതിയായി.

ഗുരുതരമായ വൃക്കരോഗത്തെ തുടർന്ന് ഡയാലിസിസിന് വിധേയനായിരുന്ന തലശ്ശേരി സ്വദേശിയായ 51 വയസ്സുകാരനാണ് ഈ ശസ്ത്രക്രിയയിലൂടെ പുതിയ ജീവിതം നേടിയെടുത്തത്. ഏതാനും മാസങ്ങൾക്ക് മുൻപ് ആസ്റ്റർ കേരള മെഡിക്കൽ ഡയറക്ടർ ഡോ. കെ.എം. സൂരജും, കണ്ണൂർ ആസ്റ്റർ മിംസ് സി.ഒ.ഒ ഡോ. അനൂപ് നമ്പ്യാരും നൽകിയ വാഗ്ദാനമാണ് ഇതോടെ യാഥാർത്ഥ്യമായത്. 

ഉത്തര കേരളത്തിൽ ഏറ്റവും കുറഞ്ഞ നിരക്കിൽ, ഏറ്റവും മികച്ച നിലവാരത്തിൽ വൃക്കമാറ്റിവെക്കൽ ശസ്ത്രക്രിയാ സംവിധാനങ്ങൾ ഒരുക്കുമെന്നായിരുന്നു അവരുടെ വാഗ്ദാനം. നെഫ്രോളജി വിഭാഗം മേധാവി ഡോ. ബിജോയ് ആന്റണി, ഡോ. പ്രദീപ് വി.ആർ., ഡോ. സാരംഗ് വിജയൻ, യൂറോളജി വിഭാഗം മേധാവി ഡോ. സത്യേന്ദ്രൻ നമ്പ്യാർ, ഡോ. അക്ബർ സലീം, അനസ്തേഷ്യ വിഭാഗത്തിലെ ഡോ. അനീഷ്, ഡോ. വന്ദന, ഡോ. പ്രശാന്ത്, നഴ്സിംഗ് വിഭാഗത്തിലെ സോണിയ, രമ്യ എന്നിവർ ശസ്ത്രക്രിയയ്ക്ക് നേതൃത്വം നൽകി.

നിലവിൽ, വൃക്ക മാറ്റിവെക്കുന്ന വ്യക്തിക്ക് അനുയോജ്യമായ വൃക്ക ലഭിക്കുവാനുള്ള ബുദ്ധിമുട്ടാണ് ഈ മേഖലയിൽ അഭിമുഖീകരിക്കുന്ന പ്രധാന വെല്ലുവിളി. മസ്തിഷ്ക മരണം സംഭവിച്ച വ്യക്തികളുടെ അവയവവും, അടുത്ത ബന്ധുക്കളുടെ അവയവവുമാണ് പ്രധാനമായും വൃക്ക മാറ്റിവെക്കലിന് സ്വീകരിക്കപ്പെടുന്നത്. 

ഈ വെല്ലുവിളികളെ അതിജീവിക്കാൻ, വൃക്ക ആവശ്യമായി വരികയും എന്നാൽ സ്വീകർത്താവിന് യോജിക്കാതെ വരികയും ചെയ്യുന്നവർക്ക് അനുയോജ്യമായ വൃക്കകൾ പരസ്പരം കൈമാറാനുള്ള സ്വാപ് ട്രാൻസ്പ്ലാന്റ് സംവിധാനം വ്യാപകമാക്കുമെന്ന് ആസ്റ്റർ മിംസ് കണ്ണൂർ സി.ഒ.ഒ ഡോ. അനൂപ് നമ്പ്യാർ അറിയിച്ചു.

വാർത്താസമ്മേളനത്തിൽ, ആസ്റ്റർ മിംസ് സി.ഒ.ഒ ഡോ. അനൂപ് നമ്പ്യാർ, സി.എം.എസ് ഡോ. സുപ്രിയ രഞ്ജിത്, ഡി.ജി.എം ഓപ്പറേഷൻസ് വിവിൻ ജോർജ്, നെഫ്രോളജി വിഭാഗം മേധാവി ഡോ. ബിജോയ് ആന്റണി, ഡോ. പ്രദീപ് വി.ആർ., ഡോ. സാരംഗ് വിജയൻ, യൂറോളജി വിഭാഗം മേധാവി ഡോ. സത്യേന്ദ്രൻ നമ്പ്യാർ, ഡോ. അക്ബർ സലീം തുടങ്ങിയവർ പങ്കെടുത്തു.

ഈ നേട്ടം ഉത്തര മലബാറിലെ ആരോഗ്യമേഖലയിൽ എത്രത്തോളം മാറ്റങ്ങളുണ്ടാക്കും? നിങ്ങളുടെ അഭിപ്രായം പങ്കുവെക്കുക.

Article Summary: Aster Mims Kannur successfully performs North Malabar's first kidney transplant.

#AsterMimsKannur, #KidneyTransplant, #NorthMalabar, #HealthcareMilestone, #KannurHealth, #OrganDonation