കണ്ണൂർ ആസ്റ്റർ മിംസിൽ പുതിയ അഡ്വാൻസ്ഡ് എംആർഐ യൂണിറ്റ് പ്രവർത്തനമാരംഭിച്ചു

കണ്ണൂർ: (KVARTHA) രോഗനിർണയ സംവിധാനങ്ങൾ വിപുലപ്പെടുത്തിക്കൊണ്ട് കണ്ണൂർ ആസ്റ്റർ മിംസിൽ രണ്ടാമത്തെ അഡ്വാൻസ്ഡ് എം.ആർ.ഐ യൂണിറ്റ് പ്രവർത്തനമാരംഭിച്ചു. 

ഹൃദയം, കരൾ, സന്ധികൾ, ന്യൂറോ, സ്തനങ്ങൾ എന്നിവയുടെ മികച്ച നിലവാരത്തിലുള്ള ചിത്രങ്ങൾ വളരെ കുറഞ്ഞ സമയത്തിനുള്ളിൽ ലഭ്യമാക്കാൻ ഈ യൂണിറ്റിന് കഴിയും. സ്കാനിങ്ങിന് വളരെ കുറഞ്ഞ അളവിലുള്ള കോൺട്രാസ്റ്റ് മതിയെന്നതും ഇതിന്റെ പ്രത്യേകതയാണ്.

അപകടങ്ങളുൾപ്പെടെയുള്ള അടിയന്തര സാഹചര്യങ്ങളിൽ സമയനഷ്ടമില്ലാതെ രോഗനിർണയം നടത്താൻ പുതിയ എം.ആർ.ഐ യൂണിറ്റ് സഹായകമാകുമെന്ന് യൂണിറ്റിന്റെ ഉദ്ഘാടനം നിർവഹിച്ചുകൊണ്ട് കണ്ണൂർ റേഞ്ച് ഡി.ഐ.ജി. യതീഷ് ചന്ദ്ര ഐ.പി.എസ്. പറഞ്ഞു.

പുതിയ യൂണിറ്റ് കൂടുതൽ മികച്ചതും ലോകോത്തര നിലവാരമുള്ളതും രോഗീസൗഹൃദവുമാണെന്ന് ആസ്റ്റർ മിംസ് കണ്ണൂർ സി.ഒ.ഒ. ഡോ. അനൂപ് നമ്പ്യാർ വ്യക്തമാക്കി. ചടങ്ങിൽ റേഡിയോളജി വിഭാഗം മേധാവി ഡോ. വരദരാജ്, ഡോ. ദീപ, ഡോ. തുഷാര, ആസ്റ്റർ മിംസ് ഡെപ്യൂട്ടി സി.എം.എസ്. ഡോ. അമിത് ശ്രീധരൻ, ഡോ. മുരളിഗോപാൽ എന്നിവർ പങ്കെടുത്തു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കൂ. 

Article Summary: Aster MIMS Kannur opens a new advanced MRI unit.

#AsterMIMS #Kannur #MRIUnit #HealthNews #Kerala #MedicalTechnology