ലോകത്തെവിടെയുമിരുന്ന് ആസ്റ്ററിൻ്റെ സേവനങ്ങൾ ലഭ്യമാക്കുന്ന ആപ്പ്! സ്പീക്കർ എ എൻ ഷംസീർ ഉദ്ഘാടനം ചെയ്തു

കോഴിക്കോട്: (KVARTHA) മലയാളത്തിലെ പ്രഥമ സമ്പൂർണ്ണ ഹെൽത്ത്കെയർ ആപ്പ് ‘ആസ്റ്റർ ഹെൽത്ത്’ ആസ്റ്റർ ഡി എം ഹെൽത്ത്കെയർ പുറത്തിറക്കി. ആസ്റ്ററിൻ്റെ ആശുപത്രികൾ, ക്ലിനിക്കുകൾ, ഫാർമസികൾ, ഹോംകെയർ സേവനങ്ങൾ എന്നിവയുടെ സേവനങ്ങൾ സമന്വയിപ്പിക്കുന്ന ഡിജിറ്റൽ പ്ലാറ്റ്ഫോമാണ് ഈ ആപ്പ്. കോഴിക്കോട് നടന്ന ചടങ്ങിൽ നിയമസഭാ സ്പീക്കർ എ എൻ ഷംസീർ ഇതിൻ്റെ ഉദ്ഘാടനം നിർവഹിച്ചു.

ആസ്റ്ററിൻ്റെ കീഴിൽ പ്രവർത്തിക്കുന്ന ആശുപത്രികൾ, ക്ലിനിക്കുകൾ, ഫാർമസികൾ, ലാബുകൾ, ഹോംകെയർ സേവനങ്ങൾ എന്നിവയുടെ സമ്പൂർണ്ണമായ സേവനങ്ങൾ ഈ ആപ്പിലൂടെ ലോകത്തെവിടെ നിന്നും ലഭ്യമാകും.

ആശുപത്രിയിലെ രജിസ്ട്രേഷൻ, ഡോക്ടറുടെ ബുക്കിംഗ്, ഓൺലൈൻ കൺസൾട്ടേഷൻ, ജനറൽ പ്രാക്ടീഷണറുടെ ഉടനടിയുള്ള സേവനം, സ്വന്തമായും കുടുംബാംഗങ്ങൾക്കായും ഒരേ പ്ലാറ്റ്ഫോമിൽ തന്നെ വ്യത്യസ്ത പ്രൊഫൈലുകൾ സൃഷ്ടിക്കാനുള്ള സൗകര്യം, എല്ലാവരുടെയും ചികിത്സാ രേഖകളും റിപ്പോർട്ടുകളും എവിടെ നിന്നും ലഭ്യമാക്കാനുള്ള സംവിധാനം തുടങ്ങിയവയെല്ലാം ആസ്റ്റർ ഹെൽത്ത് ആപ്പിൻ്റെ സവിശേഷതകളാണ്. എല്ലാവർക്കും ഉപയോഗിക്കാൻ സാധിക്കുന്ന രീതിയിൽ മലയാളത്തിൽ തന്നെയാണ് ആപ്പ് തയ്യാറാക്കിയിരിക്കുന്നത്.

കേരളത്തിൻ്റെ ആതുര സേവന മേഖലയെ സമഗ്രമായി പുനരുദ്ധരിക്കാൻ പോകുന്ന വലിയ മാറ്റത്തിൻ്റെ തുടക്കമാണിത്. രോഗ നിർണ്ണയ സേവനങ്ങൾ, ഫാർമസി, ഹോംകെയർ, തുടങ്ങിയവയെല്ലാം ഉൾപ്പെടുത്തിക്കൊണ്ട് സമഗ്രവും മാതൃകാപരവുമായ ഒരു ഡിജിറ്റൽ ഇക്കോ സംവിധാനമായി ഈ പ്ലാറ്റ്ഫോമിനെ മാറ്റിയെടുക്കുമെന്ന് ആസ്റ്റർ ഡിജിറ്റൽ ഹെൽത്ത് സി ഇ ഒ ഡോ. ഹർഷ രാജാറാം പറഞ്ഞു.

ആപ്പ് ഉദ്ഘാടന ചടങ്ങിൽ ആസ്റ്റർ ഡി എം ഹെൽത്ത് കെയർ നോൺ-എക്സിക്യൂട്ടീവ് ഡയറക്ടർ ഡോ. സെബ മൂപ്പൻ മുഖ്യാതിഥിയായി.

ആസ്റ്റർ ഡി എം ഹെൽത്ത്കെയർ പുറത്തിറക്കിയ 'ആസ്റ്റർ ഹെൽത്ത്' ആപ്പിനെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: Speaker A N Shamseer launched 'Aster Health', Kerala's first comprehensive healthcare app from Aster DM Healthcare. It integrates all Aster services globally, offering registrations, online consultations, and access to medical records.

#AsterHealth #HealthcareApp #KeralaHealth #DigitalHealth #ANShamseer #AsterDMHealthcare