പ്രമേഹമുള്ള കോവിഡ് രോഗികള്‍ കൂടുതല്‍ ശ്രദ്ധിക്കണം; ബ്ലാക് ഫംഗസ് കേസുകളില്‍ അതിവേഗം വര്‍ധനയുണ്ടാകുന്നതായി എയിംസ്
May 20, 2021, 09:22 IST
ADVERTISEMENT
ന്യൂഡെല്‍ഹി: (www.kvartha.com 20.05.2021) രാജ്യത്ത് ബ്ലാക് ഫംഗസ് (മ്യൂകോര്‍മൈകോസിസ്) അണുബാധകളുടെ എണ്ണം മൂന്നക്കം കടന്നു കുതിക്കുകയാണെന്ന് ഡെല്‍ഹി ഓള്‍ ഇന്ത്യ ഇന്‍സ്റ്റിറ്റിയൂട് ഓഫ് മെഡികല്‍ സയന്‍സസ് (എയിംസ്). ന്യൂറോളജി വിഭാഗം മേധാവി പ്രഫ. എം.വി.പത്മ ശ്രീവാസ്തവ പറഞ്ഞു. ബ്ലാക് ഫംഗസ് കേസുകളില്‍ അതിവേഗം വര്‍ധനയുണ്ടാകുന്നതായി എയിംസ് ന്യൂറോളജി വിഭാഗം മേധാവി പ്രഫ. എം വി പത്മ ശ്രീവാസ്തവ പറഞ്ഞു.
'കോവിഡ് ചികിത്സയില്‍ സ്റ്റിറോയ്ഡുകള്‍ ഉപയോഗിക്കുന്നതുമൂലം പ്രതിരോധശേഷി കുറയുന്നതിനാല്‍ ബ്ലാക് ഫംഗസ് പിടിപെടാനുള്ള സാധ്യത വളരെ കൂടുതലാണ്. പ്രമേഹമുള്ള കോവിഡ് രോഗികള്‍ കൂടുതല്‍ ശ്രദ്ധിക്കണം' ശ്രീവാസ്തവ മുന്നറിയിപ്പ് നല്‍കി.
'ബ്ലാക് ഫംഗസ് കേസുകളുടെ എണ്ണം അതിവേഗം വര്‍ധിക്കുന്നു. ഇവിടെ മൂന്നക്കം കടന്നു. ദിവസവും ഇരുപതിലധികം കേസുകള്‍ റിപോര്‍ട് ചെയ്യുന്നുണ്ട്' പത്മ ശ്രീവാസ്തവ പറഞ്ഞു. മേയ് 7 മുതല്‍ ഇതുവരെ ഡെല്‍ഹിയിലെ സര്‍ ഗംഗാറാം ആശുപത്രിയില്‍ നൂറോളം ബ്ലാക് ഫംഗസ് കേസുകള്‍ റിപോര്‍ട് ചെയ്തു. നിലവില്‍ 69 രോഗികള്‍ മ്യൂകോര്‍മൈകോസിസ് ബാധിച്ച് ആശുപത്രിയിലുണ്ട്.
എയിംസ് ട്രോമ സെന്ററിലും എയിംസ് ഝജ്ജറിലും പ്രത്യേകം മ്യൂകോര്‍ വാര്‍ഡുകള്‍ സജ്ജീകരിച്ചതായി വാര്‍ത്താ ഏജന്‍സിയായ എഎന്‍ഐയോടു പത്മ ശ്രീവാസ്തവ വ്യക്തമാക്കി.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
