അവയവദാനത്തില് കാലതാമസം ഒഴിവാക്കാന് നടപടി സ്വീകരിച്ചതായി മന്ത്രി വീണാ ജോര്ജ്
Jul 20, 2021, 15:12 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com 20.07.2021) കോവിഡ് സാഹചര്യത്തില് അവയവദാനത്തില് കാലതാമസം ഒഴിവാക്കാന് നടപടി സ്വീകരിച്ചതായി ആരോഗ്യ മന്ത്രി വീണാ ജോര്ജ്. അവയവ ദാനം അംഗീകാരം നല്കുന്നതിനുള്ള ജില്ലാ തല ഓതറൈസേഷന് കമിറ്റിയില് മാറ്റം വരുത്തി സര്കാര് ഉത്തരവിട്ടു.
കോവിഡ് സാഹചര്യത്തില് അതത് മെഡിക്കല് കോളജുകളിലെ അഡ്മിനിസ്ട്രേറ്റീവ് ഓഫീസര്മാരെ ആരോഗ്യ വകുപ്പ് പ്രിന്സിപല് സെക്രടെറിയുടെ നോമിനിയായി നിയമിച്ചാണ് ഉത്തരവിട്ടത്. ഇതിലൂടെ അവയവ ദാനം അംഗീകാരം നല്കുന്നതിനുള്ള ജില്ലാതല ഓതറൈസേഷന് കമിറ്റി വേഗത്തില് കൂടി തീരുമാനമെടുക്കാന് സാധിക്കുമെന്നും മന്ത്രി വ്യക്തമാക്കി.
അതത് മെഡികെല് കോളജുകളിലാണ് ജില്ലാതല ഓതറൈസേഷന് കമിറ്റി യോഗം ചേരുന്നത്. വിദഗ്ദ അംഗങ്ങളുള്ള ഈ കമിറ്റിയില് സെക്രടേറിയേറ്റില് നിന്നും ആരോഗ്യ വകുപ്പിന്റെ ഒരു ഉയര്ന്ന ഉദ്യോഗസ്ഥന് സര്കാര് പ്രതിനിധിയായി പങ്കെടുക്കാറുണ്ട്.
ഏത് ജില്ലയിലായാലും തിരുവനന്തപുരത്ത് നിന്നും ഈ ഉദ്യോഗസ്ഥന് അവിടെയെത്തിയാണ് തീരുമാനമെടുക്കുന്നത്. എന്നാല് കോവിഡ് സാഹചര്യത്തില് ദീര്ഘദൂരം യാത്രചെയ്ത് കമിറ്റിയില് എത്താന് പലപ്പോഴും കാലതാമസം ഉണ്ടാകാറുണ്ടായിരുന്നു. ഇത് ശ്രദ്ധയില്പെട്ടതിനെ തുടര്ന്നാണ് നടപടി സ്വീകരിച്ചതെന്നും മന്ത്രി വ്യക്തമാക്കി.
Keywords: Action to Avoid Delay in Organ Donation: Veena George, Thiruvananthapuram, News, Health, Health and Fitness, Health Minister, Meeting, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
