രണ്ടു ഡോസ് വാക്സിനെടുത്ത ശേഷം ഇന്ഡ്യയില് 87,000 ത്തോളം പേര്ക്ക് കോവിഡ് ബാധ; ഇതില് 46 ശതമാനവും കേരളത്തിലെന്ന് ആരോഗ്യമന്ത്രാലയം
Aug 19, 2021, 16:56 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്ഹി: (www.kvartha.com 19.08.2021) രണ്ടു ഡോസ് വാക്സിനെടുത്ത ശേഷം ഇന്ഡ്യയില് 87,000 ത്തോളം പേര്ക്ക് കോവിഡ് ബാധ സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം. ഇതില് 46 ശതമാനവും കേരളത്തിലാണെന്നും ആരോഗ്യ മന്ത്രാലയ വൃത്തങ്ങളെ ഉദ്ധരിച്ച് എന്ഡിടിവി റിപോര്ട് ചെയ്തു. വാക്സിനെടുത്ത ശേഷം കോവിഡ് വന്ന 200 ഓളം പേരുടെ സാമ്പിളുകളുടെ ജനതക ശ്രേണി പരിശോധിച്ചതില് വകഭേദം കണ്ടെത്തിയിട്ടില്ലെന്നും മന്ത്രാലയ വൃത്തങ്ങള് അറിയിച്ചു.
ആദ്യ ഡോസ് വാക്സിന് എടുത്ത ശേഷം കേരളത്തില് എണ്പതിനായിരത്തിനടുത്ത് ആളുകള് കോവിഡ് പോസിറ്റീവായി. രണ്ടു ഡോസും എടുത്ത ശേഷം നാല്പതിനായിരത്തോളം പേര്ക്കും രോഗം ബാധിച്ചു. മറ്റു സംസ്ഥാനങ്ങളില് കോവിഡ് വ്യാപനം കുറഞ്ഞിട്ടും കേരളത്തില് കേസുകള് ഉയര്ന്ന നിലയില് തന്നെ നില്ക്കുന്നതില് കേന്ദ്ര ആരോഗ്യ മന്ത്രാലയം ആശങ്ക രേഖപ്പെടുത്തി.
100 ശതമാനം വാക്സിനേഷന് നടന്ന വയനാട്ടിലടക്കം പുതിയ കേസുകള് റിപോര്ട് ചെയ്യപ്പെടുന്നുണ്ടെന്നും മന്ത്രാലയം ചൂണ്ടിക്കാട്ടുന്നു. 24 മണിക്കൂറിനിടെ സംസ്ഥാനത്ത് 21,247 പേര്ക്കാണ് രോഗം സ്ഥിരീകരിച്ചത്. 179 കോവിഡ് മരണങ്ങളും കഴിഞ്ഞ ദിവസം സ്ഥിരീകരിക്കുകയുണ്ടായി. അയല് സംസ്ഥാനങ്ങളായ കര്ണാടകയിലേയും തമിഴ്നാട്ടിലേയും സ്ഥിതിഗതികള് നിരീക്ഷിക്കുന്നുണ്ടെന്ന് കേന്ദ്ര സര്കാര് വ്യക്തമാക്കി.
Keywords: 87,000 Covid Infections In India After 2nd Dose, 46% From Kerala: Sources, New Delhi, News, Health, Health and Fitness, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
