Quick Harvest | വീട്ടുമുറ്റത്ത് ഒരു മാസത്തിനുള്ളിൽ വിളവെടുക്കാവുന്ന 7 പച്ചക്കറികൾ; കൃഷി രീതിയും അറിയാം


● വിറ്റാമിനുകളാൽ സമ്പുഷ്ടമായ ബുഷ് ബീൻസ് 20 ദിവസത്തിനുള്ളിൽ വളരുന്നതാണ്.
● നിങ്ങളുടെ അടുക്കളത്തോട്ടത്തിന് വ്യത്യസ്തത നൽകുന്നതിന് സൂര്യകാന്തി വിത്തുകൾ നല്ലതാണ്.
● നമ്മുടെ ഭക്ഷണത്തിലെ ഏറ്റവും ആരോഗ്യകരമായ പച്ചക്കറിയാണ് ചീര
● പച്ചക്കറിയായി മാത്രമല്ല, സാലഡിലും മറ്റുമായി ഉപയോഗിക്കുന്ന വെള്ളരിക്കക്ക് വേനൽക്കാലത്ത് ഡിമാൻഡ് വളരെ കൂടുതലാണ്.
● ബേബി കാരറ്റ് അഥവാ ചെറിയ കാരറ്റാണ് നിങ്ങൾ വളർത്തുന്നതെങ്കിൽ ഒരു മാസത്തിനുള്ളിൽ വിളവ് എടുക്കാം.
മിൻ്റു തൊടുപുഴ
(KVARTHA) നമ്മൾ വീടുകളിൽ തന്നെ ധാരാളം പച്ചക്കറികൾ കൃഷി ചെയ്യാറുണ്ട്. എന്നാൽ ഇവയൊന്നും പെട്ടെന്ന് ഫലം തന്നെന്ന് വരുന്നില്ല. ദിവസങ്ങൾ ഏറെ എടുത്തു എന്ന് വരാം. ഇങ്ങനെ വിളവെടുക്കാൻ ദൈർഘ്യം ഉണ്ടാകുന്ന പല പച്ചക്കറി കൃഷികളും കാലാവസ്ഥയിൽ അടിക്കടിയുണ്ടാകുന്ന വ്യതിയാനങ്ങൾ മൂലം നശിച്ചു പോയെന്നും വരാം. അതുകൊണ്ട് തന്നെ എല്ലാവർക്കും പെട്ടെന്ന് വിളവെടുക്കാൻ പറ്റുന്ന പച്ചക്കറികൾ വീടുകളിൽ കൃഷി ചെയ്യാനാവും താല്പര്യം. അത്തരത്തിൽ കൃഷി ചെയ്ത് 30 ദിവസം മുതൽ വിളവെടുക്കാൻ കഴിയുന്ന പച്ചക്കറികൾ ഉണ്ട്. അത്തരം ഇനങ്ങളെക്കുറിച്ചാണ് ഇന്ന് ഇവിടെ പരിചയപ്പെടുത്തുന്നത്.
1. ബീറ്റ്റൂട്ട്
ബീറ്റ് റൂട്ട് വളർത്തുന്നതിനുള്ള ഏറ്റവും പ്രധാനപ്പെട്ട കാര്യമെന്തെന്നാൽ, ബീറ്റ് റൂട്ട് വളർത്തുന്നതിന് വളരെ കുറഞ്ഞ പരിശ്രമം മതി എന്നതാണ്. മറ്റ് പച്ചക്കറികളെ അപേക്ഷിച്ച് ബീറ്റ്റൂട്ടിന്റെ ഇലകളിലും ധാരാളം പോഷകങ്ങൾ അടങ്ങിയിട്ടുണ്ട്. ഈ പച്ചക്കറി വളർത്തുമ്പോൾ, അധികം ചൂട് ബാധിക്കാത്ത സ്ഥലത്ത് വേണം നടേണ്ടത്. അതിനാൽ, മാർച്ച് മുതൽ മെയ് വരെയുള്ള മാസങ്ങളിൽ ഇവ നടരുത്. ബാക്കിയുള്ള മാസങ്ങളിൽ കൃഷി ചെയ്യാവുന്നതാണ്. ദിവസത്തിൽ ഒരു തവണയാണ് നനവ്. 25 മുതൽ 30 ദിവസത്തിനുള്ളിൽ ഇതിന്റെ വിത്തുകൾ മുളച്ചു തുടങ്ങും.
2, ബുഷ് ബീൻസ് അഥവാ കുറ്റിപ്പയർ
വിറ്റാമിനുകളാൽ സമ്പുഷ്ടമായ ബുഷ് ബീൻസ് 20 ദിവസത്തിനുള്ളിൽ വളരുന്നതാണ്. അതായത് ഒരു മാസത്തിനുള്ളിൽ നിങ്ങൾക്ക് വിളവെടുക്കാൻ സാധിക്കും. ഭക്ഷണത്തിൽ കുറ്റിപ്പയർ പതിവാക്കിയാൽ പലതാണ് ഗുണം.
3. സൂര്യകാന്തി വിത്ത്
നിങ്ങളുടെ അടുക്കളത്തോട്ടത്തിന് വ്യത്യസ്തത നൽകുന്നതിന് സൂര്യകാന്തി വിത്തുകൾ നല്ലതാണ്. പോഷക സമൃദ്ധമായ ഈ വിത്ത് മുളയ്ക്കാൻ 12 ദിവസമെടുക്കും. ഏത് സീസണിലും കാലാവസ്ഥയിലും സൂര്യകാന്തി വളരുന്നു. ഇതിന് ആവശ്യത്തിന് സൂര്യപ്രകാശവും ദിവസേന നനയും ആവശ്യമാണ്. നിങ്ങളുടെ ബാൽക്കണിയിൽ പോലും
4. ചീര
നമ്മുടെ ഭക്ഷണത്തിലെ ഏറ്റവും ആരോഗ്യകരമായ പച്ചക്കറിയാണ് ചീര. 4 മുതൽ 5 ആഴ്ചകൾക്കുള്ളിൽ ചീര വളരുന്നു. എന്നാൽ കീടങ്ങളെ പ്രതിരോധിച്ചും നല്ല വളം നൽകിയുമാണ് ചീര പാകേണ്ടത്. ദിവസവും ചെടി നനയ്ക്കണം. ദിവസവും ചെടി നനച്ചാൽ, ഏതാനും ആഴ്ചകൾക്കുള്ളിൽ ചീരയുടെ പച്ച ഇലകൾ പുറത്തുവരും.
5. വെള്ളരിക്ക
പച്ചക്കറിയായി മാത്രമല്ല, സാലഡിലും മറ്റുമായി ഉപയോഗിക്കുന്ന വെള്ളരിക്കക്ക് വേനൽക്കാലത്ത് ഡിമാൻഡ് വളരെ കൂടുതലാണ്. വർഷത്തിലെ ഏത് സീസണിലും വളരുന്ന ഈ പച്ചക്കറി കൃഷി ചെയ്യാൻ കൂടുതൽ സമയമെടുക്കില്ല. എന്നാൽ ഇതിന് കൂടുതൽ സ്ഥലം ആവശ്യമാണെന്നതാണ് പ്രധാനമായും ശ്രദ്ധിക്കേണ്ടത്. അതിനാൽ, നിങ്ങളുടെ അടുക്കളയിൽ ഒരു പ്രത്യേക സ്ഥലം മാറ്റി നിർത്തിയിട്ട് വേണം വെള്ളരിക്ക വളർത്താനുള്ളത്. നട്ട് മൂന്നോ നാലോ ആഴ്ചകൾക്കുള്ളിൽ വെള്ളരിക്ക കായ്ഫലം നൽകുന്നു.
6. റാഡിഷ്/ മുള്ളങ്കി
പോഷകങ്ങളാൽ സമ്പന്നമാണ് മുള്ളങ്കി അഥവാ റാഡിഷ് എന്നും അറിയപ്പെടുന്ന ഈ വിള. സാലഡുകളിലും സാമ്പാറിലും മറ്റുമായി നിരവധി ഇന്ത്യൻ വിഭവങ്ങളിൽ മുള്ളങ്കി ഇടം പിടിക്കുന്നു. പ്രത്യേകിച്ചൊരു സീസൺ അല്ലെങ്കിൽ കാലാവസ്ഥ വേണ്ടെന്നത് തന്നെയാണ് മുള്ളങ്കിയുടെ ഏറ്റവും പ്രധാന സവിശേഷത. മുള്ളങ്കി വളർത്തുന്നതിന്, ഇവയുടെ വിത്തുകൾ നിലത്ത് കുഴിച്ചിട്ട് 1-2 ദിവസത്തിനുള്ളിൽ നനയ്ക്കുക. റാഡിഷ് വളരാൻ സാധാരണയായി 25 ദിവസമെടുക്കും. ചില സന്ദർഭങ്ങളിൽ ഇത് 30 ദിവസം വരെ നീണ്ടേക്കാം. എങ്കിലും ഒരു മാസത്തിനുള്ളിൽ വിളവെടുക്കാൻ കഴിയുമെന്നതാണ് എടുത്തുപറയേണ്ട പ്രത്യേകത.
7. ബേബി കാരറ്റ്
കാരറ്റ് ഇഷ്ടപ്പെടാത്തവരായി ആരും കാണില്ല. വെറുതെ കഴിക്കാൻ പോലും രുചികരമായ വിളയാണിത്. ബേബി കാരറ്റ് അഥവാ ചെറിയ കാരറ്റാണ് നിങ്ങൾ വളർത്തുന്നതെങ്കിൽ ഒരു മാസത്തിനുള്ളിൽ വിളവ് എടുക്കാം. ഇതിനായി മണ്ണ് നിറച്ച ഒരു കണ്ടെയ്നറിൽ ബേബി കാരറ്റിന്റെ വിത്തുകൾ ഇട്ട്, ഇതിലേക്ക് കമ്പോസ്റ്റ് നിറയ്ക്കണം. കണ്ടെയ്നറിന് പകരം നേരിട്ട് നിലത്ത് വേണമെങ്കിലും വിത്ത് പാകാവുന്നതാണ്. ബേബി കാരറ്റിന്റെ വിത്തുകൾ വിപണിയിൽ സുലഭമാണ്. ഈ പച്ചക്കറി വളർത്തുന്നതിന് വളരെയധികം ശ്രദ്ധയും പരിചരണവും ആവശ്യമില്ല. രണ്ടോ മൂന്നോ ദിവസത്തിലൊരിക്കൽ ഇവയ്ക്ക് വെള്ളം ഒഴിച്ചുകൊടുക്കണം. അടുത്ത 30 ദിവസത്തിനുള്ളിൽ നിങ്ങളുടെ തോട്ടത്തിൽ നിന്ന് രുചികരമായ കാരറ്റ് ലഭിക്കും.
കൃഷി ചെയ്ത് ഒരു മാസത്തിനുള്ളിൽ വിളവെടുക്കാവുന്ന ഈ പച്ചക്കറികൾ ആർക്കും വീട്ടിൽ തന്നെ കൃഷി ചെയ്യാവുന്നതാണ്. ലളിതമാണെങ്കിലും കൃത്യമായ പരിചരണം നൽകാൻ മറക്കരുത്. ഭക്ഷണത്തിൽ ധാരാളം ഇലക്കറികളും പയറുവർഗ്ഗങ്ങളും ഉൾപ്പെടുത്തുന്നത് ആരോഗ്യത്തിന് വളരെ നല്ലതാണ്. ഈ ലേഖനം നിങ്ങളുടെ സുഹൃത്തുക്കളുമായും കുടുംബാംഗങ്ങളുമായും പങ്കുവെക്കുക, അവർക്കും ഈ അറിവ് ഉപകാരപ്രദമാവും.
#HomeGardening #VegetableHarvest #QuickHarvest #GardeningTips #HealthyEating #VegetableFarming