രണ്ടാം ഡോസ് വാക്സിനേഷനായി എത്തിയ 65കാരന് കുത്തിവെയ്പ് നടത്തിയത് രണ്ടു തവണ; ദേഹാസ്വാസ്ഥ്യത്തെ തുടര്ന്ന് ആശുപത്രിയിലെത്തിച്ചു
Jun 29, 2021, 12:53 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ആലപ്പുഴ: (www.kvartha.com 29.06.2021) ആലപ്പുഴയില് രണ്ടാം ഡോസ് വാക്സിനേഷനായി എത്തിയ 65കാരന് രണ്ടു തവണ കുത്തിവെയ്പ് നടത്തിയതായി പരാതി. കരുവാറ്റ ഇടയിലില് പറമ്പില് ഭാസ്കരനാണ് രണ്ടു തവണ കുത്തിവെയ്പ് നടത്തിയതെന്നാണ് പരാതി. ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ഇയാളെ ഹരിപ്പാട് താലൂക്ക് ആശുപത്രിയില് പ്രവേശിപ്പിച്ചു.
കരുവാറ്റ പ്രാഥമികാരോഗ്യകേന്ദ്രത്തില് തിങ്കളാഴ്ചയാണ് സംഭവം. ആദ്യ ഡോസ് എടുത്ത് ഇടവേളയ്ക്ക് ശേഷം രണ്ടാമത്തെ ഡോസ് എടുക്കാനാണ് ഭാസ്കരന് പ്രാഥമികാരോഗ്യകേന്ദ്രത്തില് എത്തിയത്. വാക്സിന് രണ്ടു തവണ കുത്തിവെച്ചതിനെ തുടര്ന്ന് വൈകിട്ടോടെയാണ് ഭാസ്കരന് ദേഹാസ്വാസ്ഥ്യം അനുഭവപ്പെട്ടത്. തുടര്ന്ന് ഹരിപ്പാട് താലൂക്ക് ആശുപത്രിയില് പ്രവേശിപ്പിക്കുകയായിരുന്നു.
വാക്സിന്റെ രണ്ടാം കൗന്ഡറില് വച്ചാണ് വീണ്ടും വാക്സിന് നല്കിയത്. മറ്റു ആരോഗ്യപ്രശ്നങ്ങള് വല്ലതുമുണ്ടോ എന്ന ആദ്യ കൗന്ഡറിലെ ചോദ്യത്തിന് പ്രഷറിന് മരുന്ന് കഴിക്കുന്നതായി ഭാസ്കരന് പറഞ്ഞതായി ബന്ധുക്കള് പറയുന്നു. പ്രഷറിന് ആദ്യം മരുന്ന് നല്കിയതാണെന്ന് കരുതി വീണ്ടും കുത്തിവെയ്പിന് വിളിച്ചപ്പോള് പോകുകയായിരുന്നു.
അതേസമയം കുത്തിവെയ്പ് എടുത്തോ എന്ന ചോദ്യത്തിന് ഭാസ്കരന് കൃത്യമായി മറുപടി നല്കിയില്ലെന്നാണ് ആരോഗ്യവകുപ്പ് അധികൃതരുടെ വിശദീകരണം. രജിസ്ട്രേഷന് നടപടികള് പൂര്ത്തിയാക്കിയ ശേഷമാണ് വാക്സിന് നല്കുന്നത്. അങ്ങനെയെങ്കില് രണ്ടാമത്തെ കൗന്ഡറില് എന്തുകൊണ്ട് വാക്സിന് നല്കിയോ എന്ന് പരിശോധിച്ചില്ല എന്ന ആക്ഷേപവും ഉയരുന്നുണ്ട്.
Keywords: 65-year-old, who arrived for a second dose vaccination, was vaccinated twice; He was rushed to hospital in critical condition, Alappuzha, News, Complaint, Hospital, Treatment, Health, Health and Fitness, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
