സംസ്ഥാനത്ത് ഒമിക്രോണ് സാമൂഹിക വ്യാപനമെന്ന് സംശയം; കോഴിക്കോട് പരിശോധിച്ച 51 കോവിഡ് കേസുകളില് 38 എണ്ണവും ഒമിക്രോണ്; ആരും വിദേശയാത്ര നടത്തുകയോ, വിദേശത്ത് നിന്നെത്തിയവരുമായി സമ്പര്കം പുലര്ത്തിയവരോ അല്ലെന്ന് ആരോഗ്യവിദഗ്ധര്
Jan 16, 2022, 12:26 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com 16.01.2022) സംസ്ഥാനത്ത് ഒമിക്രോണ് സാമൂഹിക വ്യാപനമെന്ന് സംശയം. കോഴിക്കോട്ടെ ഒരു സ്വകാര്യ ആശുപത്രിയില് നടത്തിയ സ്ക്രീനിംഗ് ടെസ്റ്റിലാണ് വ്യാപകമായ ഒമിക്രോണ് പോസിറ്റീവ് കേസുകള് റിപോര്ട് ചെയ്തത്.
കോവിഡ് പോസിറ്റീവായ 51 പേരില് നടത്തിയ എസ്ജിടിഎഫ് സ്ക്രീനിംഗ് ടെസ്റ്റില് 38 പേരുടെ (75 %) ഫലം പോസിറ്റീവായെന്നാണ് വിവരം. ഒമിക്രോണ് സ്ഥിരീകരിച്ച 38 പേരില് ആരും വിദേശയാത്ര നടത്തുകയോ, വിദേശത്ത് നിന്നെത്തിയവരുമായി സമ്പര്കം പുലര്ത്തിയവരോ അല്ലെന്നും റിപോര്ട്. ഇത്രയും പേര്ക്ക് ഒമിക്രോണ് ഉണ്ടെന്നത് സമൂഹത്തില് കൂടുതല്പേര് ഒമിക്രോണ് ബാധിതരാണെന്നതിന്റെ സൂചനയാണെന്ന് ക്രിടികല് കെയര് വിദഗ്ധനായ ഡോ. അനൂപ് കുമാര് പറഞ്ഞു.
അതുകൊണ്ടുതന്നെ കണക്കുകള് ചൂണ്ടി സംസ്ഥാനത്ത് ഒമിക്രോണ് സാമൂഹിക വ്യാപന ഉണ്ടായെന്നാണ് ആരോഗ്യവിദഗ്ധര് പറയുന്നത്. ഒമിക്രോണ് സാമൂഹിക വ്യാപനമെന്നത് ആരോഗ്യവകുപ്പ് സമ്മതിക്കുന്നില്ലെങ്കിലും കണക്കുകള് പ്രകാരം സാമൂഹിക വ്യാപനമുണ്ടായെന്നാണ് ആരോഗ്യവിദഗ്ധര് പറയുന്നത്.
വരുന്ന രണ്ടാഴ്ചക്കുള്ളില് ഒമിക്രോണ് കേസുകള് വളരെ വേഗത്തില് പടര്ന്നേക്കുമെന്നാണ് ആരോഗ്യവിദഗ്ധര് വിശദീകരിക്കുന്നത്. കോവിഡ് രോഗികളുടെ എണ്ണം 40,000 നും 50,000 നും മുകളില് പോവാനും ടിപിആര് 50 ശതമാനത്തിന് മുകളിലെത്താനുള്ള സാധ്യതയുണ്ടെന്നും ആരോഗ്യവിദഗ്ധര് പറയുന്നു.
ഇനി കോവിഡ് പോസിറ്റീവായി വരുന്നവരില് സ്ക്രീനിംഗ് ടെസ്റ്റ് നടത്തി ഒമിക്രോണ് ബാധിതരുണ്ടോയെന്ന് തിരിച്ചറിഞ്ഞില്ലെങ്കില് സംസ്ഥാനത്ത് വലിയ തോതില് വ്യാപനം ഉണ്ടാവുമെന്ന മുന്നറിയിപ്പാണ് വിദഗ്ധര് നല്കുന്നത്.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
