പൊതുജനാരോഗ്യ മേഖലയ്ക്ക് 2629.39 കോടി, തിരുവനന്തപുരം ആര്‍ സി സിയെ സംസ്ഥാന കാന്‍സര്‍ സെന്ററാക്കി ഉയര്‍ത്തും

തിരുവനന്തപുരം ആര്‍ സി സി ക്ക് 81 കോടി, മലബാര്‍ കാന്‍സര്‍ സെന്ററിന് 28 കോടി, കൊച്ചി കാന്‍സര്‍ സെന്ററിന് 14.5 കോടി, കൊച്ചി കാന്‍സര്‍ സെന്ററിനെ മധ്യകേരളത്തിന്റെ അപക്‌സ് സെന്ററായി ഉയര്‍ത്തും, പാലിയേറ്റീവ് രംഗത്ത് നൂതന കോഴ്‌സുകള്‍ തുടങ്ങും, ഇതിനായി 5 കോടി വകയിരുത്തും.

കൊച്ചി ആര്‍ സി സി അപക്‌സ് കാന്‍സര്‍ സെന്റര്‍ ആയി ഉയര്‍ത്തും. ഇതിനായി 14.5 കോടി വകയിരുത്തും. കാരുണ്യ പദ്ധതിക്ക് 500 കോടി ,ആരോഗ്യ രംഗത്ത് ഡിജിറ്റല്‍ ഹെല്‍ത് മിഷന്‍ നടപ്പിലാക്കും ,തോന്നക്കല്‍ വൈറോളജി കേന്ദ്രത്തിന് 50 കോടി, 1871.82 കോടി ലൈഫ് മിഷന് വകയിരുത്തുമെന്നും മന്ത്രി പറഞ്ഞു.

1,06000 വ്യക്തി ഗത വീടുകള്‍ നല്‍കും. ദാരിദ്ര്യ നിര്‍മാര്‍ജനത്തിനായി 100 കോടി, ലൈഫ് മിഷന്‍ 1871.82 കോടി വിഹിതം. റീ ബില്‍ഡ് കേരള ഇന്‍ഷ്യേറ്റീവ് 1600 കോടി. പത്ത് അടിസ്ഥാന സൗകര്യ വികസന പദ്ധതികള്‍ക്ക് 507 കോടി. എറണാകുളം നഗരത്തിലെ വെള്ളക്കെട്ട് ഒഴിവാക്കുന്നതിന് ബ്രേക് ത്രൂ പദ്ധതിക്ക് 10 കോടി.

7.4 കോടി രൂപ മാധ്യമ അകാദമിക്ക്, തൊഴിലുറപ്പ് പദ്ധതി 125 കോടി, തൊഴില്‍, തൊഴിലാളി ക്ഷേമം 482.16 കോടി രൂപ, അയ്യങ്കാളി തൊഴിലുറപ്പ് പദ്ധതിക്ക് 125 കോടി, പ്ലാന്റേഷന്‍ മേഖലയിലെ ലയങ്ങളുടെ അടിസ്ഥാന സൗകര്യ വികസനം 10 കോടി വകയിരുത്തി.