ബെംഗ്ളുറു: (KVARTHA) നഗരത്തിൽ കഴിഞ്ഞദിവസം പെയ്ത കനത്ത മഴയിൽ വെള്ളം കയറിയ റോഡിൽ വൈദ്യുതി കമ്പികൾ പൊട്ടിവീണു കിടക്കുന്നതായി കാണിക്കുന്ന ഒരു വീഡിയോ സാമൂഹ്യ മാധ്യമങ്ങളിൽ വ്യാപകമായി പ്രചരിച്ചിരുന്നു. ഈ വീഡിയോ ബെംഗ്ളൂറിലെ സംഭവമാണെന്നായിരുന്നു പ്രചാരണം. എന്നാൽ, വസ്തുതാ പരിശോധനയിൽ ഇത് തെറ്റാണെന്നു കണ്ടെത്തി. 

26 സെക്കൻഡ് ദൈർഘ്യമുള്ള ഈ വീഡിയോയിൽ വെള്ളക്കെട്ടുള്ള റോഡിൽ ഒന്നോ അതിലധികമോ വൈദ്യുതി കമ്പികൾ വീണുകിടക്കുന്നത് കാണാം. ഇത് ഒരു തീപ്പൊരി ഷോർട്ട് സർക്യൂട്ടിലേക്ക് നയിക്കുകയും തെരുവിലൂടെ തീപ്പൊരികൾ പറക്കുകയും ചെയ്യുന്ന ദൃശ്യങ്ങളാണ് വീഡിയോയിൽ ഉള്ളത്. വസ്തുതാ പരിശോധന നടത്തിയ ന്യൂസ്മീറ്റർ ഈ വീഡിയോ വിയറ്റ്നാമിൽ നിന്നുള്ളതാണെന്നു കണ്ടെത്തി. 

ಬ್ರಾಂಡ್ ಬೆಂಗಳೂರು ಬಿಸಿ ನೀರು ಭಾಗ್ಯ ಅಷ್ಟೇ…. ಯಾರಿಗೆ ಏನಾದ್ರೆ ನಮಗೇನು ಅಂತಿದೆ ಕಾಸಿಲ್ಲದ ಸರ್ಕಾರ.. pic.twitter.com/0t5QYVmF4v

— Top 2 Bottom (@top2bottomnews) October 20, 2024

2024 ഒക്ടോബർ 16-ന് 'വിയറ്റ്നാം' എന്ന അടിക്കുറിപ്പോടെ ഒരു എക്സ് അക്കൗണ്ടിൽ ഈ വീഡിയോ പങ്കിട്ടിരുന്നു. കൂടാതെ വിയറ്റ്നാംപ്ലസ് എന്ന പ്രാദേശിക മാധ്യമം 2024 ഒക്ടോബർ 16-ന് 'കാൻ തോയിലെ വെള്ളക്കെട്ടുള്ള സ്ഥലത്ത് പൊട്ടിവീണ വൈദ്യുതി കമ്പിയുടെ ഞെട്ടിക്കുന്ന ദൃശ്യം' എന്ന തലക്കെട്ടിൽ ഒരു വാർത്ത പ്രസിദ്ധീകരിച്ചിരുന്നു. റിപ്പോർട്ടിൽ ഇപ്പോൾ സാമൂഹ്യ മാധ്യമങ്ങളിൽ പ്രചരിക്കുന്ന വീഡിയോയും കാണാം. 

വിയറ്റ്നാമിലെ കാൻ തോയിലാണ് സംഭവം നടന്നതെന്ന് വിവിധ മാധ്യമ റിപ്പോർട്ടുകളിൽ നിന്ന് വ്യക്തമായി. ശക്തമായ കൊടുങ്കാറ്റിൽ ഹൈ വോൾട്ടേജ് വൈദ്യുതി കമ്പി പൊട്ടി വെള്ളക്കെട്ടിൽ മുങ്ങിയ തെരുവിൽ വീണതായി റിപ്പോർട്ടുകൾ പറയുന്നു. വൈദ്യുത കമ്പികളിൽ നിന്ന് തീപ്പൊരികളും ഉണ്ടായി. മറ്റൊരു വിയറ്റ്നാമീസ് വാർത്താ സൈറ്റായ അഫാമിലിയും 2024 ഒക്‌ടോബർ 16-ലെ സംഭവം റിപ്പോർട്ട് ചെയ്തിട്ടുണ്ട്.

Vietnam pic.twitter.com/Yw1c21c8ds

— @ (@anthraxxx781) October 16, 2024

വിയറ്റ്നാമീസ് മാധ്യമങ്ങളിലെ റിപ്പോർട്ടുകൾ പ്രകാരം, കനത്ത മഴയും ഇടിയും മിന്നലും വൈദ്യുതി കമ്പികൾ പൊട്ടിവീഴാൻ കാരണമായി. 'ബെംഗ്ളൂറിലെ വെള്ളക്കെട്ടിൽ പൊട്ടിവീണ വൈദ്യുതി കമ്പികൾ' എന്ന് പ്രചരിച്ചത് വിയറ്റ്നാമിലെ കാൻ തോയിൽ നിന്നുള്ളതാണെന്ന് സ്ഥിരീകരിച്ചിരിക്കുന്നു. അതായത്, ബെംഗളൂരുവുമായി ഈ ദൃശ്യങ്ങൾക്ക് യാതൊരു ബന്ധവുമില്ല.

#FactCheck #ViralVideo #Vietnam #HeavyRain #PowerLines #Misinformation