ഹൈദരാബാദ്: (KVARTHA) പുഷ്പ 2 സിനിമയുടെ പ്രീമിയർ ഷോയിൽ ഉണ്ടായ തിക്കിലും തിരക്കിലും ഒരു സ്ത്രീ മരിച്ച സംഭവത്തിൽ അറസ്റ്റിലായ നടൻ അല്ലു അർജുൻ ശനിയാഴ്ച രാവിലെ ചഞ്ചൽഗുഡ് സെൻട്രൽ ജയിലിൽ നിന്ന് മോചിതനായത് ജയിലിൽ ഒരു രാത്രി ചിലവഴിച്ച ശേഷം.

VIDEO | Telangana: Tollywood actor Allu Arjun (@alluarjun) reunites with his family after spending a day in jail. The family welcomes him as he arrives at his residence in Jubilee Hills, Hyderabad.#AlluArjun #Pushpa2 pic.twitter.com/UDCjoyE9nb

— Press Trust of India (@PTI_News) December 14, 2024

വെള്ളിയാഴ്ച ഉച്ചയ്ക്ക് അറസ്റ്റ് ചെയ്ത അദ്ദേഹത്തെ കോടതി 14 ദിവസത്തേക്ക് റിമാൻഡ് ചെയ്തിരുന്നു. എന്നാൽ തെലങ്കാന ഹൈക്കോടതി നാലാഴ്ചത്തേക്ക് ഇടക്കാല ജാമ്യം അനുവദിച്ചതിനെ തുടർന്നാണ് അദ്ദേഹം ജയിലിൽ നിന്ന് പുറത്തിറങ്ങിയത്. 

#WATCH | Actor Rana Daggubati meets Actor Allu Arjun at the latter's residence in Jubilee Hills, Hyderabad.

Allu Arjun was released from Chanchalguda Central Jail today after the Telangana High Court granted him interim bail yesterday on a personal bond of Rs 50,000 in… pic.twitter.com/aea0ygBSul

— ANI (@ANI) December 14, 2024

ജയിൽ മോചിതനായ ശേഷം മാധ്യമങ്ങളോട് പ്രതികരിച്ച അല്ലു അർജുൻ, സംഭവം മനഃപൂർവമല്ലായിരുന്നുവെന്നും, സംഭവിച്ചതിൽ ഖേദിക്കുന്നുവെന്നും പറഞ്ഞു. 'ഞാൻ നിയമം അനുസരിക്കുന്ന പൗരനാണ്. ഈ വിഷയത്തിൽ ഞാൻ പൂർണമായും സഹകരിക്കും. ഈ കുടുംബത്തെ എനിക്ക് കഴിയുന്ന രീതിയിൽ സഹായിക്കാൻ ഞാൻ എപ്പോഴും ഉണ്ടാകും', താരം വ്യക്തമാക്കി. 

അതേസമയം, ഹൈകോടതിയുടെ ഉത്തരവിൻ്റെ പകർപ്പ് ലഭിച്ചാൽ ഉടൻ അല്ലു അർജുനെ വിട്ടയക്കണമെന്ന് നിർദേശിച്ചിരുന്നെങ്കിലും, അതുണ്ടായില്ലെന്ന് അദ്ദേഹത്തിന്റെ അഭിഭാഷകൻ പറഞ്ഞു. ഇക്കാര്യത്തിൽ ബന്ധപ്പെട്ടവർ മറുപടി പറയേണ്ടിവരുമെന്നും ഇതിനെതിരെ നിയമപോരാട്ടം നടത്തുമെന്നും അദ്ദേഹം അറിയിച്ചു.

ഡിസംബർ എട്ടിന് സന്ധ്യ തിയേറ്ററിൽ ഉണ്ടായ തിരക്ക് നിയന്ത്രിക്കുന്നതിൽ പരാജയപ്പെട്ടതിന് തിയേറ്റർ ഉടമകളായ എം സന്ദീപ്, എസ്എം നാഗരാജു, ജി വിജയ ചന്ദ്ര എന്നിവരെ പൊലീസ് നേരത്തെ അറസ്റ്റ് ചെയ്തിരുന്നു.

#AlluArjun #Pushpa2 #Telangana #ActorNews #Tollywood #JailRelease