റായ്പൂർ: (KVARTHA) 25 വർഷങ്ങൾക്ക് മുമ്പ് 'ബാദ്‌ഷാ' എന്ന സൂപ്പർഹിറ്റ്‌ ചിത്രത്തിൽ ഷാരൂഖ് ഖാൻ വോ ലഡ്‌കി ജോ സബ്‌സെ അലഗ് ഹേ എന്ന ഗാനത്തിന് ചടുല നൃത്താവുമായി രംഗത്തെത്തിയപ്പോൾ ഉണ്ടായ ഓളമൊന്നും അധികമാരും മറന്നിട്ടുണ്ടാവില്ല. എന്നാൽ ഇപ്പോഴിതാ വർഷങ്ങൾക്കിപ്പുറം വീണ്ടും യുവാക്കൾക്കിടയിൽ ട്രെൻഡിംഗ് ആവുകയാണ് ഈ പാട്ടിന്റെ റീമിക്സ് പതിപ്പ്. 

കഴിഞ്ഞ ദിവസം പങ്കുവെക്കപ്പെട്ട ഒരു വീഡിയോയിൽ തെരുവിൽ ഈ ഗാനത്തിന് നൃത്തം ചെയ്യുന്ന ഒരു കൂട്ടം ആൺകുട്ടികളെയും ടെറസിൽ നിന്ന് നൃത്തം ചെയ്യുന്ന മൂന്നു പെൺകുട്ടികളെയും ആണ് കാണുന്നത്. വീഡിയോ കണ്ട് പലരും ആവേശഭരിതർ ആയിരിക്കുകയാണ്. നിലവിൽ രാജ്യത്തെ പിടിച്ചുലയ്ക്കുന്ന ആഘോഷത്തിൻ്റെ ആവേശവും വീഡിയോയിൽ കാണാൻ കഴിയുന്നുണ്ട്. 

വീഡിയോയിൽ മൂന്ന് പെൺകുട്ടികൾ, ഡിജെ സംഗീതം കേട്ട് അവരുടെ വീടിൻ്റെ ടെറസിൽ നിന്ന് നൃത്തം ചെയ്യുന്നതാണ് കാണുന്നത്. അവരുടെ ഊർജ്ജസ്വലവും അതുല്യവുമായ നൃത്തച്ചുവടുകൾ തെരുവിൽ നൃത്തം ചെയ്യുന്ന ആൺകുട്ടികളുടെ ശ്രദ്ധ പിടിച്ചുപറ്റുന്നതാണ് തുടർന്ന് കാണുന്നത്. പെൺകുട്ടികളുടെ നൃത്തം കണ്ട് ആകൃഷ്ടരായ ആൺകുട്ടികൾ ത്രസിപ്പിക്കുന്ന ചുവടുകളുമായി പെൺകുട്ടികളെ ചിരിപ്പിക്കുകയാണ്. മേൽക്കൂരയിലെ നർത്തകരും തെരുവിലുള്ളവരും തമ്മിലുള്ള ഈ രസകരമായ കൈമാറ്റം സംഗീതം നൽകുന്ന സന്തോഷവും ബന്ധവും എടുത്തുകാണിക്കുന്നു, പ്രത്യേകിച്ച് ഇത്തരത്തിലുള്ള ആഘോഷവേളകളിൽ.

റായ്പൂരിൽ നിന്നുള്ള ഒരു വൈറൽ വീഡിയോയിൽ, ഒരു ഡിജെയുടെ താളത്തിൽ അനവധി ആളുകൾ തെരുവിൽ നൃത്തം ചെയ്യുന്നത് കാണാം. ഈ വലിയ ജനക്കൂട്ടത്തിൽ ഭൂരിഭാഗവും ആൺകുട്ടികളാണ്. അത്തരം വലിയ ആഘോഷങ്ങളിൽ പലപ്പോഴും കാണാറുള്ള ആവേശവും ഉത്സാഹവും ഈ വീഡിയോയിൽ വ്യക്തമായി കാണാം. 

ഈ സമയം വീടിൻ്റെ ടെറസിൽ നിന്നുകൊണ്ട് മൂന്ന് പെൺകുട്ടികൾ അടങ്ങുന്ന ഒരു സംഘം സംഗീത ഘോഷയാത്ര കടന്നുപോകുമ്പോൾ,  ആവേശത്തോടെ  സംഗീതത്തിന് നൃത്തം ചെയ്യാൻ തുടങ്ങുന്നതാണ് കാണുന്നത്. പെൺകുട്ടികളെ കാണുമ്പോൾ ആൺകുട്ടികളും ആവേശഭരിതരായി അവരുടെ നേരെ ആംഗ്യം കാണിക്കുകയാണ്. ചിലർ പെൺകുട്ടികൾ നൃത്തം ചെയ്യുന്നതിൻ്റെ വീഡിയോ എടുക്കാൻ അവരുടെ ഫോൺ ഫ്ലാഷ് ഓണാക്കുന്നതും വീഡിയോയിൽ കാണാം.

നിമിഷ നേരങ്ങൾക്കുള്ളിൽ വൈറലായ വീഡിയോയ്ക്ക് രണ്ട് ദശലക്ഷത്തിലധികം കാഴ്ചക്കാരെയാണ് ലഭിച്ചത്.  നിരവധി ആളുകളാണ് അവരുടെ അഭിപ്രായങ്ങൾ രേഖപെടുത്താൻ കമന്റ് സെക്ഷനിലേക്ക് ഓടിയെത്തിയത്. പലരും വീഡിയോയെ പുകഴ്ത്തിയപ്പോൾ മറ്റുചിലർ, ഡിജെകൾ ഒരു ശല്യമാണെന്നും തെരുവിൽ നിരോധിക്കണമെന്നും  അഭിപ്രായപെട്ടു.

#viralvideo #raipur #dance #bollywood #baadshah #india #socialmedia #trend