'ആ മുഹൂര്‍ത്തം ഫെബ്രുവരി 26ന്'; വിജയ് ദേവരകൊണ്ട- രശ്മിക വിവാഹ ക്ഷണക്കത്ത് പുറത്ത്, ആഘോഷമാക്കി ആരാധകർ

ഹൈദരാബാദ്: (KVARTHA) തെന്നിന്ത്യൻ സിനിമാലോകം ഒന്നടങ്കം കാത്തിരുന്ന വിവാഹവാർത്തയാണോ പുറത്തുവരുന്നത്? വിജയ് ദേവരകൊണ്ടയും രശ്മിക മന്ദാനയും വിവാഹിതരാകുന്നു എന്ന അഭ്യൂഹങ്ങൾക്കിടെ സോഷ്യൽ മീഡിയയിൽ വൈറലായിരിക്കുകയാണ് ഇരുവരുടേതെന്ന പേരിലുള്ള വിവാഹ ക്ഷണക്കത്ത്. ഫെബ്രുവരി 26-നാണ് ഇരുവരും വിവാഹിതരാകുന്നതെന്നാണ് കത്തിൽ പറയുന്നത്.

വൈറലായി ക്ഷണക്കത്ത്

വിജയ് ദേവരകൊണ്ടയുടേതെന്ന പേരിലാണ് ക്ഷണക്കത്ത് പ്രചരിക്കുന്നത്. 'ഞങ്ങളുടെ ജീവിതത്തിലെ ഏറ്റവും സന്തോഷകരമായ വാര്‍ത്ത പങ്കുവയ്ക്കാനും ആ വലിയ നിമിഷത്തിൽ പങ്കെടുക്കാൻ നിങ്ങളെ ക്ഷണിക്കാനുമാണ് ഞാനിത് എഴുതുന്നത്. 

കുടുംബാംഗങ്ങളുടെ സ്നേഹത്തോടും അനുഗ്രഹത്തോടെയും കൂടി ഞാനും രശ്മികയും 26.02.26 ന് വിവാഹിതരാകാൻ പോവുകയാണ്. വളരെ ചെറിയ ചടങ്ങാണ് നടക്കുന്നത്. ഞങ്ങളുടെ ജീവതത്തിലെ ഈ പുതിയ അധ്യായത്തിന് നിങ്ങളുടെ സാന്നിധ്യവും അനുഗ്രഹവും ഏറെ വിലപ്പെട്ടതാണ്,' എന്നാണ് കത്തിൽ കുറിച്ചിരിക്കുന്നത്. മാർച്ച് നാലിന് ഹൈദരാബാദിൽ വച്ച് വൈകുന്നേരം 7 മണി മുതൽ റിസപ്ഷൻ നടക്കുമെന്നും ഇതിൽ പറയുന്നുണ്ട്.

Wedding bells 💍✨
Vijay Deverakonda and Rashmika Mandanna are set to tie the knot on February 26, with the reception to be held on March 4. ❤️#VijayDeverakonda #RashmikaMandanna #WeddingNews #SIIMA pic.twitter.com/oGd0PABCXE

— SIIMA (@siima) February 16, 2026

മൗനം തുടർന്ന് താരങ്ങൾ

കത്ത് സോഷ്യൽ മീഡിയയിൽ വലിയ ചർച്ചയായിട്ടും വിജയ് ദേവരകൊണ്ടയോ രശ്മികയോ ഇതിനോട് ഔദ്യോഗികമായി പ്രതികരിച്ചിട്ടില്ല. ഇരുവരും കടുത്ത പ്രണയത്തിലാണെന്നും ഫെബ്രുവരിയിൽ വിവാഹം ഉണ്ടാകുമെന്നും നേരത്തെ തന്നെ റിപ്പോർട്ടുകളുണ്ടായിരുന്നു. എന്നാൽ താരങ്ങൾ മൗനം തുടരുകയാണ്. ക്ഷണക്കത്ത് യഥാർത്ഥമാണോ അതോ ഫാൻ മെയ്ഡ് ആണോ എന്ന കാര്യത്തിലും വ്യക്തത വരേണ്ടതുണ്ട്.

ഗീത ഗോവിന്ദം മുതൽ…

2018-ൽ പുറത്തിറങ്ങിയ 'ഗീത ഗോവിന്ദം' എന്ന ചിത്രത്തിലാണ് ഇരുവരും ആദ്യമായി ഒന്നിച്ചഭിനയിച്ചത്. ഇവരുടെ ഓൺസ്‌ക്രീൻ കെമിസ്ട്രി വൻ ഹിറ്റായിരുന്നു. തുടർന്ന് 2019-ൽ 'ഡിയർ കോമ്രേഡ്' എന്ന ചിത്രത്തിലും ഇവർ ഒന്നിച്ചു.

 ഇതോടെയാണ് ഇരുവരും പ്രണയത്തിലാണെന്ന വാർത്തകൾ പരന്നത്. പല പൊതുവേദികളിലും ഒന്നിച്ചെത്തിയതും അവധിക്കാല ആഘോഷങ്ങളും ഈ അഭ്യൂഹങ്ങൾക്ക് ആക്കം കൂട്ടിയിരുന്നു.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: A wedding invitation card of Vijay Deverakonda and Rashmika Mandanna is trending on social media, suggesting a February 26 wedding.

#VijayDeverakonda #RashmikaMandanna #Wedding #ViralNews #Tollywood #GeethaGovindam #KVARTHA