'പട്ടിയുടെ വിശ്വാസ്യത'യിൽ തുടങ്ങി 'പട്ടി ഷോ'യിൽ എത്തിനിൽക്കുന്ന വിജയ് ബാബു-സാന്ദ്ര വാക്പോര്

(KVARTHA) കേരള ഫിലിം പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പുമായി ബന്ധപ്പെട്ട് നിർമ്മാതാവ് സാന്ദ്ര തോമസിനെതിരെ രൂക്ഷ വിമർശനവുമായി വിജയ് ബാബു രംഗത്തെത്തിയിരുന്നു. ‘നന്ദി സാന്ദ്ര, എനിക്ക് മൃഗങ്ങളെ ഇഷ്ടമാണ്. അവർ മനുഷ്യരെക്കാൾ വിശ്വസ്തരാണ്,’ എന്ന് പറഞ്ഞായിരുന്നു വിജയ് ബാബുവിന്റെ ഫെയ്‌സ്ബുക്ക് പോസ്റ്റ്. 

ഇതിനു പിന്നാലെയാണ് വിജയ് ബാബുവിനെ കടന്നാക്രമിച്ച് സാന്ദ്ര തോമസ് മറുപടിയുമായി വന്നത്. ‘വിജയ് ബാബുവിന് പട്ടിയെ വിശ്വസിക്കാം, പക്ഷേ പട്ടിക്ക് വിജയ് ബാബുവിനെ വിശ്വസിക്കാൻ കഴിയുമോ എന്നതിലാണ് സംശയം,’ എന്ന് സാന്ദ്ര ഫെയ്‌സ്ബുക്കിൽ കുറിച്ചു.

സാന്ദ്രയുടെ ഈ പോസ്റ്റിന് തൊട്ടുപിന്നാലെ തന്നെ വിജയ് ബാബു മറുപടിയുമായി വീണ്ടും എത്തി. ഒരു നായയുടെ ചിത്രം പങ്കുവെച്ചുകൊണ്ട് അദ്ദേഹം ഇങ്ങനെ കുറിച്ചു: ‘പങ്കാളിത്തം അവസാനിപ്പിച്ചപ്പോൾ ഞാൻ നിനക്ക് പകരം ഒരാളെ ദത്തെടുത്തു. അതേ സാന്ദ്ര, നീ പറഞ്ഞത് ശരിയാണ്. അത് നിന്നേക്കാൾ വിശ്വസ്ഥമാണ്.’ സാന്ദ്രയുടെ ‘പട്ടി ഷോയ്ക്ക്’ മറുപടി പറയാൻ തനിക്ക് സമയമില്ലെന്നും അദ്ദേഹം കൂട്ടിച്ചേർത്തു.

അതേസമയം, പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പിൽ സാന്ദ്ര തോമസ് നൽകിയ ഹർജി എറണാകുളം സബ് കോടതി തള്ളിയിരുന്നു. വരണാധികാരിയെ മാറ്റണം, തെരഞ്ഞെടുപ്പ് നിർത്തിവെക്കണം, അഡ്വക്കേറ്റ് കമ്മീഷനെ നിയോഗിച്ച് തെരഞ്ഞെടുപ്പ് നടത്തണം തുടങ്ങിയ സാന്ദ്രയുടെ ആവശ്യങ്ങളാണ് കോടതി തള്ളിയത്. 

ഈ വിധി അപ്രതീക്ഷിതവും നിരാശാജനകവുമാണെന്ന് സാന്ദ്ര തോമസ് ഫെയ്‌സ്ബുക്കിൽ പ്രതികരിച്ചു. നിയമവിദഗ്ദ്ധരുമായി ആലോചിച്ച് തുടർനടപടികൾ സ്വീകരിക്കുമെന്നും അവർ വ്യക്തമാക്കി.
 

ഫെയ്‌സ്ബുക്കിലെ ഈ വാക്പോരിനെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: A public spat between producers Vijay Babu and Sandra Thomas on Facebook over a film producers association election.

#VijayBabu #SandraThomas #KeralaProducers #FEFKA #SocialMediaWar #KeralaFilm