'കുടുംബം നശിപ്പിച്ചവൾ'; വിജയ് - സംഗീത പ്രശ്നത്തിൽ നടി തൃഷയ്ക്കെതിരെ കടുത്ത സൈബറാക്രമണം

ചെന്നൈ: (KVARTHA) തമിഴ് നടൻ വിജയിയുടെ രാഷ്ട്രീയ ഭാവിക്കും വ്യക്തിജീവിതത്തിനും വലിയ തിരിച്ചടിയായിരിക്കുകയാണ് ഭാര്യ സംഗീതയുടെ വിവാഹമോചന ഹർജി. കഴിഞ്ഞ ദിവസം ഈ വാർത്ത പുറത്തുവന്നതിന് പിന്നാലെ, സംഗീത ഹർജിയിൽ പരാമർശിച്ച ആ നടി ആരെന്ന ചർച്ചകളാണ് സോഷ്യൽ മീഡിയയിൽ സജീവമാകുന്നത്. കഴിഞ്ഞ കുറേക്കാലമായി വിജയിയുടെ പേരിനൊപ്പം ചേർത്തു കേൾക്കുന്ന നടി തൃഷയ്ക്കെതിരെയാണ് ഇപ്പോൾ കടുത്ത സൈബർ ആക്രമണം ഉയരുന്നത്. 

ആരോപണങ്ങളും വിമർശനങ്ങളും

തൃഷ മുൻപ് പങ്കുവെച്ച സോഷ്യൽ മീഡിയ പോസ്റ്റുകൾക്ക് താഴെ കടുത്ത ഭാഷയിലുള്ള ആരോപണങ്ങളും വിമർശന കമന്റുകളുമാണ് പെരുകുന്നത്. 'ഒരു കുടുംബത്തെ നശിപ്പിച്ചവൾ' എന്നാണ് പലരും കമന്റുകളായി കുറിക്കുന്നത്. ‘ആ നടി നിങ്ങൾ തന്നെയാണ്. രാഷ്ട്രീയത്തിന്റെ പീക്ക് ലെവലിൽ നിൽക്കുമ്പോൾ വിജയ് അണ്ണനോട് ഈ ചതി വേണ്ടായിരുന്നു, വിജയ് അണ്ണന്റെ ജീവിതം നശിപ്പിച്ചതിന് അഭിനന്ദനങ്ങൾ, അപ്പോ പുരിയലേ.. ഇപ്പോ പുരിയിത്’ എന്നിങ്ങനെ പോകുന്നു കമന്റുകൾ. ഒരു വിഭാഗം ആളുകൾ 'ജസ്റ്റിസ് ഫോർ സംഗീത' എന്ന ഹാഷ്ടാഗുമായും രംഗത്തെത്തിയിട്ടുണ്ട്.

പിന്തുണയുമായി ആരാധകർ

അതേസമയം തൃഷയെ പിന്തുണയ്ക്കുന്നവരും സോഷ്യൽ മീഡിയയിൽ ധാരാളമാണ്. എന്ത് ഉറപ്പിലാണ് സംഗീത പറഞ്ഞ നടി തൃഷയാണെന്ന് പറയുന്നതെന്നാണ് ഇവർ ചോദിക്കുന്നത്. അടിസ്ഥാനമില്ലാത്ത ആരോപണങ്ങൾ ഉന്നയിച്ച് നടിയെ വേട്ടയാടരുതെന്നും ഇവർ വാദിക്കുന്നു.

View this post on Instagram

A post shared by Trish (@trishakrishnan)

പഴയ പരാമർശങ്ങൾ വൈറലാകുന്നു

മുൻപ് 'തിരുപ്പാച്ചി' സിനിമയുടെ പ്രൊമോഷനിടെ തൃഷയെക്കുറിച്ച് വിജയ് പറഞ്ഞ കാര്യങ്ങളും സോഷ്യൽ മീഡിയ ഉപയോക്താക്കൾ ഇപ്പോൾ ചർച്ചയാക്കുന്നുണ്ട്. ‘സിനിമയിൽ എന്റെ ഭാഗ്യ ജോഡിയാണ് തൃഷ. ഞങ്ങളുടെ ഗില്ലി സിനിമയാണ് അത്തരമൊരു മതിപ്പ് സൃഷ്ടിച്ചത്’ എന്ന വിജയിയുടെ പഴയ വാചകം എടുത്താണ് ട്രോളുകളിലും വിമർശനങ്ങളിലും ഉപയോഗിക്കുന്നത്. ഇരുവരും ഒന്നിച്ചുള്ള സിനിമകളിലെ സീനുകൾ ഉപയോഗിച്ചുള്ള ട്രോളുകളും വ്യാപകമായി പ്രത്യക്ഷപ്പെടുന്നുണ്ട്.

അഭ്യൂഹങ്ങളും വിവാഹമോചന ഹർജിയും

കഴിഞ്ഞ കുറച്ചു കാലമായി വിജയ് - തൃഷ ബന്ധത്തെക്കുറിച്ച് സൈബർ ഇടത്തിൽ അഭ്യൂഹങ്ങൾ ഉയർന്നു കേൾക്കാറുണ്ട്. ഇരുവരും തമ്മിൽ പ്രണയത്തിലാണെന്ന തരത്തിലായിരുന്നു പ്രചാരണങ്ങൾ. അടുത്തിടെ വിജയിക്ക് പിറന്നാൾ ആശംസ അറിയിച്ച് തൃഷ പങ്കിട്ട പോസ്റ്റും വലിയ രീതിയിൽ വൈറലായിരുന്നു. 

എന്നാൽ ഈ അഭ്യൂഹങ്ങളോടൊന്നും പ്രതികരിക്കാൻ തൃഷയോ വിജയിയോ തയ്യാറായിരുന്നില്ല. ഇതിനിടയിലാണ് ഇപ്പോൾ സംഗീത വിവാഹമോചനത്തിന് ഹർജി നൽകിയിരിക്കുന്നത്. ഒരു നടിയുമായി വിജയിക്ക് വഴിവിട്ട ബന്ധമുണ്ടെന്നാണ് ഹർജിയിലെ പ്രധാന വാദമായി ചൂണ്ടിക്കാണിക്കപ്പെടുന്നത്.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: Following Sangeetha's divorce filing against actor Vijay, actress Trisha is facing a massive cyberattack as fans blame her for the couple's split based on long-standing rumors.

#ThalapathyVijay #TrishaKrishnan #SangeethaVijay #DivorceControversy #CyberAttack #TamilCinema #KVARTHA