ന്യൂഡൽഹി: (KVARTHA) കുരുന്നുകളുടെ അസാമാന്യ പ്രകടനങ്ങൾ ഉൾകൊള്ളുന്ന വീഡിയോകൾ ആളുകളിൽ കൗതുകവും അമ്പരപ്പും സൃഷ്ടിക്കാറുണ്ട്. ഇത്ര ചെറുപ്രായത്തിൽ ഇതെങ്ങനെ സാധിക്കുന്നു എന്നു പലരും അവിശ്വാസത്തോടെ ചില വീഡിയോകൾ കാണുമ്പോൾ ചോദിച്ചു പോകാറുണ്ട്. ഏതായാലും അത്തരമൊരു വീഡിയോയാണ് ഇപ്പോൾ സമൂഹ മാധ്യമങ്ങളിൽ ജനഹൃദയങ്ങൾ കീഴടക്കിയിരിക്കുന്നത്. ബെല്ലി ഡാൻസിന് അസാമാന്യ ചുവുടകൾ വെക്കുന്ന ഒന്നര വയസുകാരിയുടെ അത്ഭുതപെടുത്തുന്ന വീഡിയോയാണ് ഇത്.

ചടുലമായ അവളുടെ ചുവടുകൾ ലോകമെമ്പാടുമുള്ള ഹൃദയങ്ങൾ കീഴടക്കി.  വീഡിയോകണ്ട് പലരും കമന്റു സെക്ഷനിലേക്ക് ഓടിയെത്തി. ഇൻസ്റ്റാഗ്രാമിൽ പങ്കിട്ട, വീഡിയോയിൽ ഒരു ബെല്ലി ഡാൻസിംഗ് ക്ലാസ്സ്‌ ആണ് കാണിക്കുന്നത്. അവിടെ ഒന്നര  വയസ്സുള്ള ഒരു പെൺകുട്ടിയെ കാണിക്കുന്നു. മറ്റ് വിദ്യാർത്ഥികൾ ഇൻസ്ട്രക്ടറുടെ നേതൃത്വം പിന്തുടരുമ്പോൾ, ഈ കൊച്ചു നർത്തകി അവളുടെ സ്വന്തം താളത്തിലേക്ക് നീങ്ങാൻ ശ്രമിക്കുകയാണ്. വീഡിയോയുടെ അടിക്കുറിപ്പിൽ 'ബേബി മാർ' എന്ന് പരാമർശിച്ചിരിക്കുന്ന ഈ കൊച്ചുകുട്ടി തൻ്റെ സ്വാഭാവികമായ കഴിവും പ്രകടനവും കൊണ്ട് ജനഹൃദയങ്ങൾ കീഴടക്കി.

‘ടിയാരെ നാനി സലാപ’ എന്ന ഇൻസ്റ്റാഗ്രാം അക്കൗണ്ടിലാണ് വീഡിയോ പങ്കുവെച്ചത്. ‘ഇവളാണ് ഞങ്ങളുടെ കുഞ്ഞ് നർത്തകി,  ഒന്നര വയസ് മാത്രം പ്രായമേ ഉള്ളു, ഞങ്ങളുടെ പ്രിയപ്പെട്ട കുഞ്ഞ് മാർ’ എന്ന അടിക്കുറിപ്പോടെയാണ് വീഡിയോ പങ്കുവെച്ചിരിക്കുന്നത്. വീഡിയോ വൻതോതിൽ വൈറലായി, ഇതിനോടകം ഒമ്പത് ദശലക്ഷത്തിലധികം ലൈക്കുകൾ വീഡിയോ നേടിക്കഴിഞ്ഞു. അതോടൊപ്പം കൊച്ചു മിടുക്കിയും പ്രശസ്തയായി.

നിരവധി ആളുകൾ വീഡിയോയോട് പ്രതികരിച്ചുകൊണ്ട് രംഗത്തെത്തി. 'നിങ്ങൾ ഈ വീഡിയോ പത്തിലധികം കണ്ടവർ ഇവിടെ വരിക', എന്ന് ഒരു ഉപയോക്താവ് രസകരമായി എഴുതി. മറ്റൊരു ഉപയോക്താവ് 'അധ്യാപികയേക്കാൾ തികഞ്ഞ കുഞ്ഞ് (ചിരിക്കുന്ന ഇമോജികളോടെ)' എന്നെഴുതി കുഞ്ഞിൻ്റെ നൃത്തം അധ്യാപികയേക്കാൾ മികച്ചതാണെന്ന് തമാശരൂപേണ പ്രകടിപ്പിച്ചു. 

മൂന്നാമതൊരാൾ 'അവളാണ് ഇൻസ്ട്രക്ടർ, അല്ലേ?' എന്ന് ചോദിച്ചുകൊണ്ട് കുഞ്ഞിൻ്റെ അതുല്യമായ നൃത്തശൈലിയെ പുകഴ്ത്തി. ഏതായാലും കുഞ്ഞ് മാറിൻ്റെ ആഹ്ലാദകരമായ നൃത്തശൈലി കാഴ്ചക്കാരെ എത്രമാത്രം ആഴത്തിൽ സ്വാധീനിച്ചുവെന്ന് വീഡിയോയിലെ കമന്റുകൾ കണ്ടാൽ തന്നെ അറിയാം.

#babybellydancer #viralvideo #toddlerdance #bellydance #cutenessoverload #dance #talent #viral #trending