Movie | തൊമ്മനും മക്കളും: മമ്മൂട്ടിക്ക് കോമഡി വഴങ്ങുമെന്ന് തെളിയിച്ച സിനിമ

ഇതിലെ നർമ രംഗങ്ങളിൽ അദ്ദേഹം ലാലിനും രാജൻ പി ദേവിനും സലിം കുമാറിനും ഒപ്പം കട്ടക്ക് നിന്നു എന്ന് വേണമെങ്കിൽ പറയാം. മമ്മൂട്ടിക്ക് കോമഡി വഴങ്ങുമോ എന്ന് പ്രചാരണമുണ്ടായ സമയത്താണ് ഈ സിനിമ ഇറങ്ങുന്നത്. ആ സമയം അധികവും അദ്ദേഹത്തിന്റെ സീരീയസ് സിനിമകൾ കൂടുതൽ വിജയിക്കുന്ന സമയമായിരുന്നു. ഈ സിനിമക്ക് മുമ്പ് അദ്ദേഹം കോമഡി ചെയ്ത 'പട്ടാളം' ഒരുപാട് വിമർശനങ്ങൾ കേട്ട സിനിമയാണ്. പക്ഷേ, ഈ സിനിമ ഇറങ്ങിയതിനുശേഷമാണ് മമ്മൂട്ടിക്ക് കോമഡി വഴങ്ങുമെന്നും എല്ലാവർക്കും ഉറപ്പായത്. തുടർന്ന് അതുപോലെയുള്ള സിനിമകളും മമ്മൂട്ടിക്ക് തുടർച്ചയായി ലഭിച്ചു.

ഈ സിനിമയുടെ വിജയം ഉള്ളത് കൊണ്ടാണ് മമ്മൂക്കയ്ക്ക് രാജമാണിക്യം എന്ന സിനിമ കിട്ടിയത്. ഇന്നും നല്ല റിപ്പിറ്റേഷൻ വാല്യൂ ഉള്ള സിനിമയാണ് തൊമ്മനും മക്കളും. പട്ടാളത്തിൽ ലാൽ ജോസ് മമ്മൂട്ടിയെ നായകനായ കോമാളി ആക്കിയപ്പോൾ ഈ സിനിമയിൽ മമ്മൂട്ടിയെ മനോഹരമായി ഷാഫിയും ബെന്നി പി നായരമ്പലവും ഉപയോഗിച്ചു എന്ന് വേണം പറയാൻ. വൺ മാൻ ഷോ, കല്യാണരാമൻ, പുലിവാൽ കല്യാണം എന്നീ വിജയങ്ങൾക്ക് ശേഷം ഷാഫി ഒരുക്കിയ ഈ സിനിമയും അദ്ദേഹത്തിന്റെ മുൻ സിനിമകൾ പോലെ പ്രേക്ഷകർ സ്വികരിക്കുകയാണ് ഉണ്ടായത്. ആ വർഷത്തെ ഒരു പ്രതീക്ഷിക്കാത്ത വിജയമായ ഒരു സിനിമയാണ് തൊമ്മനും മക്കളും എന്ന് വിശേഷിപ്പിക്കാം.

ഈ സിനിമ ആദ്യം പലരെയും വെച്ചു പ്ലാൻ ചെയ്തു നടക്കാതെ വന്നപ്പോൾ, തിരക്കഥാകൃത്തു ബെന്നി പി നായരമ്പലം മമ്മൂട്ടിയോട് ഈ സിനിമയുടെ കഥ പറയുകയും അദ്ദേഹത്തിന് ഇത് ഇഷ്ടപ്പെട്ടുകയും തുടർന്ന് സിനിമ ആരംഭിക്കുകയുമായിരുന്നു. ഈ ചിത്രത്തിലെ ലാലിന്റെ സത്യൻ എന്നാ കഥാപാത്രവും അദ്ദേഹത്തിന്റെ മികച്ച കഥാപാത്രങ്ങളിൽ ഒന്നാണ്. ലാലിനെപ്പറ്റി ഓർക്കുമ്പോൾ ആദ്യം മലയാളികളുടെ മനസ്സിൽ ഓടിയെത്തുന്ന കഥാപാത്രവും ഈ സിനിമയിലെ സത്യൻ എന്ന കഥാപാത്രമാവും. തുടർന്ന് അദ്ദേഹത്തിനും ഇതുപോലെ ഒരുപാട് കഥാപാത്രങ്ങളെ ലഭിച്ചിരുന്നു.

സലിം കുമാറിന്റെ രാജകണ്ണനും, ബാബു കലാശാലയുടെ തേവരും എല്ലാം മികച്ചു നിന്ന കഥാപാത്രങ്ങളാണ്. ഇതിലെ പാട്ടുകളും സൂപ്പർ ആയിരുന്നു. ഇപ്പോഴും ഈ സിനിമ ടിവിയിലും മറ്റും വരുമ്പോൾ കുട്ടികൾ പോലും കണ്ടിരിക്കുന്നത് കാണാറുണ്ട്. കോമഡിയ്ക്കും ആക്ഷനും വലിയ പ്രധാന്യം കൊടുത്തു നിർമ്മിച്ച സിനിമയായിരുന്നു തൊമ്മനും മക്കളും, അതായത് മമ്മൂട്ടിയെ മാറ്റിമറിച്ച ചിത്രവും.

  
Keywords: Movies, Entertainment, Cinema, Mammootty, Thommanum Makkalum, Comedy, Actor, Story, Songs, Thommanum Makkalum: Comedy Movie Of Mammootty.
< !- START disable copy paste -->