ആഗോള റിലീസ് ഓഗസ്റ്റ് 14-ന്; സൂര്യയുടെ പുതിയ ചിത്രം 'വിശ്വനാഥ് ആൻഡ് സൺസിലെ' പ്രൊമോ വീഡിയോ ശ്രദ്ധേയമാകുന്നു

​​​​​​​

കൊച്ചി: (KVARTHA) സൂര്യയെ നായകനാക്കി തെലുങ്ക് സംവിധായകൻ വെങ്കി അറ്റ്ലരി ഒരുക്കുന്ന 'വിശ്വനാഥ് ആൻഡ് സൺസ്' എന്ന ചിത്രത്തിലെ 'പട്ടാമ്പൂച്ചി' എന്ന ഗാനത്തിൻ്റെ പ്രൊമോ വീഡിയോ പുറത്തുവന്നു. ദേശീയ അവാർഡ് ജേതാവ് കൂടിയായ ജി വി പ്രകാശ് കുമാറാണ് ഈ ഗാനത്തിന് സംഗീതം നൽകിയിരിക്കുന്നത്. അരുൺരാജ കാമരാജ് വരികൾ രചിച്ച ഗാനം സുബ്ലഷിണിയാണ് ആലപിച്ചിരിക്കുന്നത്. മമിത ബൈജുവിൻ്റെ നൃത്തമാണ് ഗാനത്തിൻ്റെ പ്രധാന ആകർഷണമെന്നാണ് പ്രൊമോ വീഡിയോ സൂചിപ്പിക്കുന്നത്. വിജയ് ബിന്നിയാണ് ഗാനത്തിന് നൃത്തം ഒരുക്കിയിരിക്കുന്നത്. സൂര്യയും മമിതയും ഒരുമിച്ചുള്ള രസകരമായ ഒരു പ്രണയ ഗാനമായാണ് പട്ടാമ്പൂച്ചി ഒരുക്കിയിരിക്കുന്നതെന്ന് ദൃശ്യങ്ങളിൽ നിന്ന് വ്യക്തമാണ്.

സൂര്യയുടെ കരിയറിലെ 46-ാം ചിത്രമായി എത്തുന്ന വിശ്വനാഥ് ആൻഡ് സൺസിൻ്റെ ആഗോള റിലീസ് 2026 ഓഗസ്റ്റ് 14-നാണ് നിശ്ചയിച്ചിരിക്കുന്നത്. മമിത ബൈജു നായികയായി എത്തുന്ന ഈ ചിത്രം ഫോർച്യൂൺ ഫോർ സിനിമാസുമായി ചേർന്ന് തെലുങ്കിലെ പ്രമുഖ ബാനറായ സിതാര എൻ്റർടെയ്ൻമെൻ്റ്സ് ആണ് നിർമിക്കുന്നത്. ശ്രീകര സ്റ്റുഡിയോസ് അവതരിപ്പിക്കുന്ന ചിത്രം സൂര്യദേവര നാഗ വംശിയും സായ് സൗജന്യയും ചേർന്നാണ് നിർമിച്ചിരിക്കുന്നത്. സൂപ്പർ ഹിറ്റായ ലക്കി ഭാസ്കറിന് പിന്നാലെ വെങ്കി അറ്റ്ലരി രചനയും സംവിധാനവും നിർവഹിക്കുന്ന ചിത്രമാണിത്. രവീണ ടണ്ഡൻ, രാധിക ശരത്‌കുമാർ, ഭവാനി ശ്ര എന്നിവരാണ് ചിത്രത്തിലെ മറ്റ് പ്രധാന താരങ്ങൾ. ഒരു പക്കാ ഫാമിലി എൻ്റർടെയ്നറായാണ് ചിത്രം ഒരുക്കിയിരിക്കുന്നതെന്ന സൂചന നേരത്തെ ടീസറിലൂടെ ലഭിച്ചിരുന്നു. ചിത്രത്തിൻ്റെ ഒടിടി അവകാശം നെറ്റ്ഫ്ലിക്സാണ് സ്വന്തമാക്കിയിരിക്കുന്നത്.

ചിത്രത്തിൻ്റെ പിന്നണിയിൽ വലിയൊരു സാങ്കേതിക നിര തന്നെയാണ് പ്രവർത്തിച്ചിരിക്കുന്നത്. ഛായാഗ്രഹണം നിമിഷ് രവിയും എഡിറ്റിങ് നവീൻ നൂലിയും നിർവഹിക്കുന്നു. പ്രൊഡക്ഷൻ ഡിസൈനർ ബംഗ്ലാൻ, എക്സിക്യൂട്ടീവ് പ്രൊഡ്യൂസർ യലമഞ്ചിളി ഗോപാല കൃഷ്ണ (നാനി), ലൈൻ പ്രൊഡ്യൂസർ കരുമാഞ്ചി ഉമാ മഹേശ്വര റാവു എന്നിവരാണ്. ശിവ കാമേഷ് ഡി, ജിത്തു സെബാസ്റ്റ്യൻ എന്നിവരാണ് കലാസംവിധായകർ. വി വെങ്കട്ട് ഫൈറ്റ് മാസ്റ്ററായും ശേഖർ വിജെ, വിജയ് ബിന്നി എന്നിവർ നൃത്തസംവിധായകരായും പ്രവർത്തിക്കുന്നു. കെ എൻ വിജയകുമാറാണ് ചിത്രത്തിന് സംഭാഷണങ്ങൾ ഒരുക്കിയിരിക്കുന്നത്. ശ്രീവാസ്‌തവ ചീഫ് കോ-ഡയറക്ടറായും അഞ്ജി ചോഡപനിഡി കോ-ഡയറക്ടറായും പ്രവർത്തിച്ചു. വാസുദേവ റാവു മൊജ്ജാദയാണ് വിഎഫ്എക്‌സ് സൂപ്പർവൈസർ. ന്യൂബ് സ്റ്റുഡിയോസാണ് ഡിഐ നിർവഹിച്ചിരിക്കുന്നത്. വൈശാഖ് ശിവ കളറിസ്റ്റും ടി ഉദയ് കുമാർ ഡോൾബി അറ്റ്മോസ് മിക്‌സിങ്ങും നിർവഹിച്ചു.

ടീസർ കട്ടിങ് നിർവഹിച്ചിരിക്കുന്നത് ബലറാം കൃഷ്ണ‌ൻ, വിഷ്‌ണു രാമഗിരി, നിഖിൽ നാദെല്ല എന്നിവർ ചേർന്നാണ്. ബലറാം കൃഷ്ണ‌ൻ തന്നെയാണ് ചീഫ് അസോസിയേറ്റ് എഡിറ്റർ. ശ്രീനിവാസ് നദിമിണ്ടിയാണ് അസോസിയേറ്റ് എഡിറ്റർ. വിജയകുമാർ, ബാലയ്യ ഡി രാജശേഖർ, രാമറാവു ആലുബെല്ലി, രാം സന്ദീപ് വർമ ജമ്പാന, രമേഷ് അഗുരി, നവീൻ ഈദാര, സായ് ചരൺ വണ്ടവസു, റിഷ ചെറുകുരി, ശിവ ശങ്കർ, അനീഷ് ദേവൻപള്ളി, കലാൽ വെങ്കി ഗൗഡ് എന്നിവർ ഡയറക്ഷൻ ഡിപ്പാർട്ട്മെൻ്റിലും പ്രവർത്തിച്ചു. ആൻസൺ ടൈറ്റസ്, ഹെമിൽ സുഗുനൻ, അഭിജിത് ഷാബു, നിഖില ലാൽകുമാർ, ഹരി ബാബു, പ്രവീൺ എന്നിവരടങ്ങുന്നതാണ് ഡിഒപി ടീം. അർച്ചന റാവു, സന്ധ്യ സബ്ബവരപു എന്നിവരാണ് കോസ്റ്റ്യൂം ഡിസൈനർമാർ. മോഷൻ ജിഎഫ്എക്സ് സബാരി രാമിറോയും പ്രൊഡക്ഷൻ കൺട്രോളർ ചുമതല രുദ്രേഷ് എസും നിർവഹിച്ചു. പബ്ലിസിറ്റി ഡിസൈനർ കബിലനും ഡിജിറ്റൽ മാർക്കറ്റിങ് കൈകാര്യം ചെയ്തിരിക്കുന്നത് സന്ദീപ് കുൽക്കർണിയുമാണ്.

സിനിമാ ലോകത്തെ  വാർത്തകളും വിശേഷങ്ങളും അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: The promo video for the song 'Pattampoochi' from Suriya's 46th film "Vishwanath and Sons", directed by Venky Atluri and co-starring Mamitha Baiju, has been released ahead of its global theatrical release on August 14, 2026.

#Suriya #VishwanathAndSons #MamithaBaiju #VenkyAtluri #PattampoochiSong #MalayalamMovieNews #AnjanaNews