ലളിതവേഷത്തിൽ സ്റ്റൈൽ മന്നൻ; കണ്ണൂർ വിമാനത്താവളത്തിൽ അപ്രതീക്ഷിത അതിഥിയായി രജനീകാന്ത്

മട്ടന്നൂർ: (KVARTHA) തെന്നിന്ത്യൻ മെഗാസ്റ്റാർ രജനീകാന്ത് യാതൊരു മുൻകൂട്ടി അറിയിപ്പുകളുമില്ലാതെ ചെന്നൈ വിമാനത്തിൽ സഹയാത്രികർക്കൊപ്പം കണ്ണൂർ വിമാനത്താവളത്തിൽ വന്നിറങ്ങിയപ്പോൾ വിമാനത്താവള അധികൃതരും യാത്രക്കാരും ഒരുപോലെ അമ്പരന്നു. 

മേക്കോവറുകളില്ലാതെ സാധാരണക്കാരനായി എത്തിയ താരത്തെ ആദ്യം കണ്ടവർക്ക് വിശ്വസിക്കാനായില്ല. അമ്പരപ്പ് മാറിയതോടെ കിയാൽ ചീഫ് ഓപ്പറേറ്റിങ് ഓഫീസർ വി.കെ. അശ്വനി കുമാറിന്റെ നേതൃത്വത്തിൽ സൂപ്പർതാരത്തെ സ്വീകരിച്ചു.

ആദ്യമായി കണ്ണൂരിൽ 

രണ്ടുദിവസത്തെ ക്ഷേത്രദർശനത്തിനായാണ് രജനീകാന്ത് കണ്ണൂരിലെത്തിയത്. ആദ്യമായാണ് താൻ കണ്ണൂരിൽ വരുന്നതെന്ന് അദ്ദേഹം വിമാനത്താവള ഉദ്യോഗസ്ഥരോട് പറഞ്ഞു. രജനീകാന്ത് വരുന്നത് അറിയാമായിരുന്നെങ്കിലും ഏത് ദിവസമാണെന്ന കൃത്യമായ വിവരം ലഭിച്ചിരുന്നില്ലെന്ന് വി.കെ. അശ്വനി കുമാർ വ്യക്തമാക്കി. ഹൃദ്യമായ സ്വീകരണത്തിന് ശേഷം അദ്ദേഹം താമസസ്ഥലത്തേക്ക് പുറപ്പെട്ടു.

ക്ഷേത്രദർശനം നടത്തി മടങ്ങി 

യാതൊരു ജാടകളോ ചമയങ്ങളോ ഇല്ലാതെ അയഞ്ഞ കറുത്ത ടീഷർട്ടും ലൂസ് പാന്റ്സുമായിരുന്നു അദ്ദേഹത്തിന്റെ വേഷം. കണ്ണൂരിലെ അഞ്ചിടങ്ങളിൽ ക്ഷേത്രദർശനം നടത്തിയ ശേഷം ഞായറാഴ്ച ഉച്ചയോടെ രജനീകാന്ത് ചെന്നൈയിലേക്ക് മടങ്ങി.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്

Article Summary: Superstar Rajinikanth pays a surprise visit to Kannur for a two-day temple visit, departing on Sunday.

#Rajinikanth #KannurAirport #Thalaivar #Superstar #TempleVisit #KannurNews #KVARTHA