സുമതി വളവ്: ചിരിപ്പിച്ചും പേടിപ്പിച്ചും ബോക്സ് ഓഫീസ് കീഴടക്കുന്നു!
● കുട്ടികൾക്കും കുടുംബ പ്രേക്ഷകർക്കും ചിത്രം ഇഷ്ടപ്പെട്ടു.
● ഹൗസ്ഫുൾ ഷോകളുമായി മുന്നേറുന്നു.
● ശ്രീ ഗോകുലം മൂവീസാണ് ചിത്രം നിർമ്മിച്ചത്.
● അഭിലാഷ് പിള്ളയാണ് ചിത്രത്തിന്റെ തിരക്കഥാകൃത്ത്.
(KVARTHA) മാളികപ്പുറം എന്ന സൂപ്പർഹിറ്റ് ചിത്രം സമ്മാനിച്ച ടീം വീണ്ടും ഒന്നിച്ചപ്പോൾ സിനിമാപ്രേമികൾക്ക് ലഭിച്ചത് ഒരു കിടിലൻ ഫൺ ഹൊറർ ഫാമിലി എന്റർടെയ്നർ! വിഷ്ണു ശശി ശങ്കർ സംവിധാനം ചെയ്ത സുമതി വളവ് തിയേറ്ററുകളിൽ വമ്പൻ വിജയത്തിലേക്ക് കുതിക്കുകയാണ്.
റിലീസ് ചെയ്ത് വെറും രണ്ട് ദിവസം കൊണ്ട് കേരളത്തിൽ നിന്ന് മാത്രം ചിത്രം 2 കോടി രൂപയിലധികം നേടി. ആഗോളതലത്തിൽ 1 കോടി രൂപയിലധികം കളക്ഷൻ നേടിയതോടെ, ആകെ ഗ്രോസ് കളക്ഷൻ 5 കോടിയിലധികമായി.
രണ്ടാം ദിനം മിക്ക തിയേറ്ററുകളിലും ഹൗസ്ഫുൾ ഷോകളും ഫാസ്റ്റ് ഫില്ലിംഗ് ഷോകളും സുമതി വളവിനായി ഒരുക്കിയിരുന്നു. കൂടാതെ, അധികമായി പ്രദർശിപ്പിച്ച ഷോകളും നിറഞ്ഞ സദസ്സിൽ കളിച്ചതോടെ ചിത്രം കുട്ടികളുടെയും മുതിർന്നവരുടെയും പ്രിയങ്കരമായി മാറിയിരിക്കുകയാണ്. സമീപകാലത്ത് കുടുംബപ്രേക്ഷകർ ഇരുകൈയും നീട്ടി സ്വീകരിച്ച ഒരു ഫൺ ഹൊറർ ഫാമിലി എന്റർടെയ്‌നറാണ് സുമതി വളവ്.
ശ്രീ ഗോകുലം ഗോപാലന്റെ ശ്രീ ഗോകുലം മൂവീസും മുരളി കുന്നുംപുറത്തിന്റെ വാട്ടർമാൻ ഫിലിംസും ചേർന്നാണ് ഈ ചിത്രം നിർമ്മിച്ചിരിക്കുന്നത്. അഭിലാഷ് പിള്ളയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
രഞ്ജിൻ രാജ് സംഗീത സംവിധാനം നിർവ്വഹിച്ച ഈ ചിത്രത്തിന്റെ കേരളത്തിലെ വിതരണം ശ്രീ ഗോകുലം മൂവീസിന്റെ വിതരണ പങ്കാളിയായ ഡ്രീം ബിഗ് ഫിലിംസാണ്. ഓവർസീസ് വിതരണാവകാശികൾ ദി പ്ലോട്ട് പിക്‌ചേഴ്‌സാണ്. സുമതി വളവിന്റെ ഓഡിയോ റൈറ്റ്സ് കരസ്ഥമാക്കിയത് മ്യൂസിക് 24 x7 ആണ്.
ചിത്രത്തിലെ താരനിര: അർജുൻ അശോകൻ, ബാലു വർഗീസ്, ഗോകുൽ സുരേഷ്, സൈജു കുറുപ്പ്, സിദ്ധാർഥ് ഭരതൻ, ശ്രാവൺ മുകേഷ്, നന്ദു, മനോജ്‌ കെയു, ശ്രീജിത്ത്‌ രവി, ബോബി കുര്യൻ, അഭിലാഷ് പിള്ള, ശ്രീപഥ് യാൻ, ജയകൃഷ്ണൻ, കോട്ടയം രമേശ്‌, സുമേഷ് ചന്ദ്രൻ, ചെമ്പിൽ അശോകൻ, വിജയകുമാർ, ശിവ അജയൻ, റാഫി, മനോജ്‌ കുമാർ, മാസ്റ്റർ അനിരുദ്ധ്, മാളവിക മനോജ്‌, ജൂഹി ജയകുമാർ, ഗോപിക അനിൽ, ശിവദ, സിജ റോസ്, ദേവനന്ദ, ജെസ്‌നിയ ജയദീഷ്, സ്മിനു സിജോ, ഗീതി സംഗീത, അശ്വതി അഭിലാഷ് എന്നിവർ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു.
സാങ്കേതിക മികവ്: ശങ്കർ പി.വി ഛായാഗ്രഹണം നിർവ്വഹിച്ചിരിക്കുന്ന ഈ ചിത്രത്തിന്റെ എഡിറ്റർ ഷഫീഖ് മുഹമ്മദ് അലിയാണ്. എം.ആർ. രാജാകൃഷ്ണൻ സൗണ്ട് ഡിസൈനറും, അജയ് മങ്ങാട് ആർട്ട് ഡയറക്ടറുമാണ്. പ്രൊഡക്ഷൻ കൺട്രോളർ ഗിരീഷ് കൊടുങ്ങല്ലൂർ, ചീഫ് അസ്സോസിയേറ്റ് ഡയറക്റ്റർ ബിനു ജി നായർ, വസ്ത്രാലങ്കാരം സുജിത്ത് മട്ടന്നൂർ, മേക്കപ്പ് ജിത്തു പയ്യന്നൂർ, സ്റ്റിൽസ് രാഹുൽ തങ്കച്ചൻ, ടൈറ്റിൽ ഡിസൈൻ ശരത് വിനു, വിഎഫ്എക്സ് : ഐഡന്റ് വിഎഫ്എക്സ് ലാബ്, പി ആർ ഓ : പ്രതീഷ് ശേഖർ എന്നിവരാണ് മറ്റ് അണിയറ പ്രവർത്തകർ.
കുടുംബത്തോടൊപ്പം കണ്ടു ചിരിക്കാനും ഭയക്കാനും സുമതി വളവ് നിങ്ങൾക്ക് ഒരു മികച്ച അനുഭവം നൽകും.
ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക
Article Summary: Sumathi Valavu box office hit, global collections exceed ₹5 crores.
#SumathiValavu #MalikappuramTeam #VishnuShasiShankar #MalayalamCinema #BoxOfficeHit #FunHorror
