'സ്റ്റേറ്റ് ബ്ലേഡ് ഓഫ് ഇന്ത്യ'; എസ് ബി ഐയുടെ പകല്‍കൊള്ളക്കെതിരെയുള്ള ഹ്രസ്വചിത്രം വൈറലാകുന്നു

കൊച്ചി: (www.kvartha.com 12.05.2017) എസ് ബി ഐയുടെ പകല്‍കൊള്ളക്കെതിരെ മലയാളത്തില്‍ നിന്നൊരു ഹ്രസ്വചിത്രം. എ ടി എം, ഓണ്‍ലൈന്‍ ഉപയോഗത്തിന് വലിയ തോതില്‍ സര്‍വീസ് ചാര്‍ജ് ഈടാക്കുന്നതില്‍ പ്രതിഷേധിച്ച് ബാങ്ക് നയത്തെയും അധികൃതരെയും പരിഹസിച്ചുകൊണ്ടുള്ള കഥയാണ് ചിത്രത്തില്‍ പറയുന്നത്.

നോട്ട് നിരോധനത്തെ തുടര്‍ന്ന് വലയുന്ന പൊതുജനങ്ങള്‍ക്ക് സ്വകാര്യ ബാങ്കുകളേ പേലും കടത്തിവെട്ടിയുള്ള എസ് ബി ഐയുടെ പുതിയ നയം മുഖത്തടി ആയിരിക്കുകയാണ്. ഇതില്‍ പ്രതിഷേധിച്ച് കൊച്ചി വൈറ്റില സ്വദേശിയായ ഫെജോ എന്ന യുവാവ് ആണ് 'സ്റ്റേറ്റ് ബ്ലേഡ് ഓഫ് ഇന്ത്യ' എന്ന പേരില്‍ ഹ്രസ്വ ചിത്രമാണ് ഇപ്പോള്‍ വൈറലായിരിക്കുന്നത്.


രണ്ട് കൂട്ടുകാര്‍ തമ്മിലുള്ള സംഭാഷണത്തിലൂടെയാണ് കഥ പുരോഗമിക്കുന്നത്. 4.13 മിനുട്ട് ദൈര്‍ഘ്യമുള്ള ചിത്രത്തില്‍ എസ് ബി ഐ സ്റ്റാഫിനെയും കണക്കിന് കളിയാക്കുന്നു. ഫെജോ തന്നെ സ്‌ക്രിപ്റ്റ് എഴുതി മൊബൈല്‍ ക്യാമറയില്‍ ഷൂട്ട് ചെയ്ത വീഡിയോയ്ക്ക് മികച്ച പ്രതികരണമാണ് ലഭിക്കുന്നത്.