അമ്മയിലെ വരവ് ചെലവ് കണക്കുകളിൽ ആകെ കള്ളക്കളി; ശാസ്ത്രീയ ഓഡിറ്റിംഗ് വേണമെന്ന് ശ്വേത മേനോൻ

​​​​​​​

കൊച്ചി: (KVARTHA) താരസംഘടനയായ അമ്മയിൽ നിന്നുള്ള ഇറങ്ങിപ്പോക്കിൽ വിശദീകരണവുമായി മുൻ പ്രസിഡൻ്റ് ശ്വേത മേനോൻ. അമ്മയുടെ വരവ് ചെലവ് കണക്കുകളിൽ ആകെ കള്ളക്കളിയാണെന്നും കഴിഞ്ഞ രണ്ട് ഭരണസമിതികളുടെയും കണക്കുകൾ സമഗ്രമായി പരിശോധിച്ച് ശാസ്ത്രീയ ഓഡിറ്റിംഗ് നടത്തണമെന്നും ശ്വേത ആവശ്യപ്പെട്ടു. പാവയാകാൻ താനില്ലെന്ന് ആവർത്തിച്ച് വ്യക്തമാക്കിയ ശ്വേത, കഴിഞ്ഞ വർഷം അമ്മ തെരഞ്ഞെടുപ്പിന് മുൻപ് തന്നെ തനിക്കെതിരെ വ്യാജപ്രചാരണങ്ങൾ നടത്തിയെന്നും വ്യക്തിഹത്യ ചെയ്യാൻ ശ്രമിച്ചുവെന്നും ആരോപിച്ചു.

'ചില സ്വാർത്ഥതാത്പര്യക്കാർ ഇടപെട്ടു'

മുൻ കമ്മറ്റിയിലെ ചിലരുടെ തെറ്റായ പ്രവർത്തനങ്ങൾ പോലും അന്വേഷിക്കാൻ സാധിച്ചില്ലെന്നും ചില സ്വാർത്ഥതാത്പര്യക്കാർ അതിൽ ഇടപെട്ടുവെന്നും ശ്വേത ചൂണ്ടിക്കാട്ടി. മുൻകാല കണക്കുകളുമായി ബന്ധപ്പെട്ട് തൻ്റെ രാജിക്ക് ശേഷവും സംശയങ്ങളുണ്ടെന്നാണ് അവർ വ്യക്തമാക്കുന്നത്. താൻ ബിജെപിയും അല്ല കമ്മ്യൂണിസ്റ്റും അല്ലെന്ന് വ്യക്തമാക്കിയ ശ്വേത, ബിജെപി സർക്കാരിൻ്റെയോ മുൻ എൽഡിഎഫ് സർക്കാരിൻ്റെയോ ഒരു പരിപാടിയിലും താൻ പങ്കെടുത്തിട്ടില്ലെന്നും കൂട്ടിച്ചേർത്തു.

കൂടുതൽ വെളിപ്പെടുത്തൽ 26-ന്

'പിക്ച്ചർ അഭി ബാക്കി ഹേ' എന്ന് പറഞ്ഞ അവർ ബാക്കി വെളിപ്പെടുത്തലുകൾ 26-ന് മാധ്യമങ്ങളെ കാണുമ്പോൾ നടത്തുമെന്നും അറിയിച്ചു. സിനിമാ മേഖലയിലെയും താരസംഘടനയിലെയും പ്രതിസന്ധികൾക്കിടയിലാണ് ശ്വേത മേനോൻ്റെ പുതിയ വെളിപ്പെടുത്തലുകൾ ചർച്ചയാകുന്നത്.

സിനിമാ മേഖലയുമായി ബന്ധപ്പെട്ട ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമന്റായി രേഖപ്പെടുത്തുക.

Article Summary: Former AMMA President Shwetha Menon explained her exit from the association, alleging foul play in its financial accounts, demanding a scientific audit of the last two committees, and promising more revelations on the 26th.

#ShwethaMenon #AMMAAssociation #MalayalamCinema #MollywoodNews #KeralaNews #AmmuNews