റിമ കല്ലിങ്കൽ തകർത്തഭിനയിച്ച 'തിയേറ്റര്‍' പ്രേക്ഷക മനസ്സിൽ ഇടം നേടി

കൊച്ചി: (KVARTHA) നടിയും നിർമ്മാതാവുമായ റിമ കല്ലിങ്കലിനെ കേന്ദ്ര കഥാപാത്രമാക്കി സജിൻ ബാബു സംവിധാനം ചെയ്ത ഏറ്റവും പുതിയ ചിത്രമായ 'തിയേറ്റര്‍: ദി മിത്ത് ഓഫ് റിയാലിറ്റി' തീയേറ്ററുകളിൽ മികച്ച പ്രേക്ഷക പ്രശംസ നേടി മുന്നേറുകയാണ്. 

കഴിഞ്ഞ ദിവസമാണ് ചിത്രം പൊതു പ്രദർശനത്തിനായി തീയേറ്ററുകളിലെത്തിയത്. സാമൂഹികമായ ഇടപെടലുകൾ ഇല്ലാതെ, ഒറ്റപ്പെട്ട് ഒരു ദ്വീപിൽ താമസിക്കുന്ന ഒരമ്മയുടെയും മകളുടെയും സങ്കീർണ്ണമായ ജീവിതമാണ് സിനിമയുടെ ഇതിവൃത്തം. 

വിശ്വാസങ്ങളുടെ ഒരു തുരുത്തിൽ കുടുങ്ങിക്കിടന്ന് ജീവിക്കുന്ന മനുഷ്യരുടെ അതിസങ്കീർണ്ണമായ വിഷയങ്ങളെ സിനിമയിലൂടെ തുറന്ന് കാണിക്കാനുള്ള സംവിധായകൻ സജിൻ ബാബുവിന്റെ ശ്രമങ്ങൾ പ്രേക്ഷകരുടെയും നിരൂപകരുടെയും ശ്രദ്ധ പിടിച്ചുപറ്റിയിട്ടുണ്ട്. 

ഒരു സർപ്പക്കാവിനോട് ചുറ്റിപ്പറ്റി വികസിക്കുന്ന കഥാഗതി, വിശ്വാസം, അവിശ്വാസം, സമകാലിക കേരളത്തിലെ മനുഷ്യ മനസ്സുകൾ, സാമൂഹിക മാധ്യമങ്ങളുടെ സാധ്യതകൾ എന്നിങ്ങനെ പല വിഷയങ്ങളെയും സ്പർശിച്ചു പോകുന്നുണ്ട്. ഇത്തരത്തിൽ നിരവധി സാമൂഹിക വിഷയങ്ങളെ സിനിമയിൽ ഉൾക്കൊള്ളിക്കാനുള്ള ശ്രമത്തിന് വലിയ കൈയ്യടിയാണ് ലഭിക്കുന്നത്.

ചിത്രത്തിന്റെ പ്രധാന ആകർഷണമായി പ്രേക്ഷകർ എടുത്തുപറയുന്നത് റിമ കല്ലിങ്കൽ അവതരിപ്പിച്ച മീര എന്ന കേന്ദ്രകഥാപാത്രമാണ്. ഗംഭീരമായ രീതിയിലാണ് റിമ കല്ലിങ്കൽ ഈ കഥാപാത്രത്തിന് വേഷപ്പകർച്ച നൽകിയിരിക്കുന്നത്. റിമയുടെ കരിയറിലെ ഏറ്റവും മികച്ച പ്രകടനങ്ങളിൽ ഒന്നായി മീരയുടെ ഈ അഭിനയത്തെ സിനിമാ ലോകം വിലയിരുത്തുന്നു. 

കേരളത്തിന്റെ പഴയകാല ആചാരങ്ങളുടേയും അനുഷ്ഠാനങ്ങളുടേയും മിത്തുകളെ യാഥാർഥ്യവുമായി യോജിപ്പിച്ച് അവതരിപ്പിക്കാനുള്ള ചിത്രത്തിന്റെ രീതി കൂടുതൽ പ്രേക്ഷകരെ ആകർഷിക്കുമെന്നും നിരൂപക പ്രശംസ നേടുമെന്നും സിനിമ കണ്ടവർ അഭിപ്രായപ്പെടുന്നു.

റിമ കല്ലിങ്കലിനൊപ്പം യുവ നടൻ ഡെയ്ൻ ഡേവിസും ഒരു മുഴുനീള കഥാപാത്രത്തെ ചിത്രത്തിൽ അവതരിപ്പിച്ചിട്ടുണ്ട്. ഇവരെ കൂടാതെ സരസ ബാലുശ്ശേരി, പ്രമോദ് വെളിയനാട്, കൃഷ്‌ണൻ ബാലകൃഷ്‌ണൻ, മേഘ രാജൻ, ആൻ സലിം, ബാലാജി ശർമ, ഡി. രഘൂത്തമൻ, അഖിൽ കവലയൂർ, അപർണ സെൻ, ലക്ഷ്‌മി പത്മ, മീന രാജൻ, ആർ ജെ അഞ്ജലി, മീനാക്ഷി രവീന്ദ്രൻ, അശ്വതി, അരുൺ സോൾ, രതീഷ് രോഹിണി തുടങ്ങിയ വലിയൊരു താരനിരയും ചിത്രത്തിൽ അണിനിരക്കുന്നുണ്ട്. 

ചിത്രത്തിലെ ഓരോ കഥാപാത്രങ്ങളും പ്രേക്ഷകരുടെ മനസ്സിൽ തങ്ങിനിൽക്കുന്ന വിധത്തിലുള്ള മികച്ച അഭിനയമാണ് കാഴ്ചവെച്ചിട്ടുള്ളത് എന്നും റിപ്പോർട്ടുകൾ സൂചിപ്പിക്കുന്നു. ചിത്രത്തിന്റെ സാങ്കേതികപരമായ വശങ്ങളും ഏറെ ശ്രദ്ധേയമാണ്. 

സജി ജോസഫിന്റെ കലാസംവിധാനം, സയീദ് അബ്ബാസിന്റെ സംഗീതം എന്നിവ ചിത്രത്തിന്റെ ദൃശ്യാനുഭവത്തെ കൂടുതൽ മികച്ചതാക്കുന്നു. ശ്യാമപ്രകാശിന്റെ ക്യാമറ കൈകാര്യം ചെയ്ത രീതിയും പ്രശംസ അർഹിക്കുന്നു. അഞ്ജന ടാക്കീസിന്റെ ബാനറിൽ അഞ്ജന ഫിലിപ്പും ഫിലിപ്പ് സക്കറിയയും ചേർന്നാണ് 'തിയേറ്റര്‍: ദി മിത്ത് ഓഫ് റിയാലിറ്റി' നിർമ്മിച്ചിരിക്കുന്നത്. സന്തോഷ് കോട്ടായിയാണ് ചിത്രത്തിന്റെ സഹനിർമ്മാതാവ്.

എം.എസ് ആണ് ചിത്രത്തിൻ്റെ സ്ക്രിപ്റ്റ് അസിസ്റ്റന്റ് & ക്രീയേറ്റീവ് കോണ്ട്രിബൂഷൻ. അപ്പു ഭട്ടതിരി എഡിറ്റിംഗ് നിർവഹിച്ചിരിക്കുന്നു. അജിത് വിദ്യാസാഗർ എക്സിക്യൂട്ടീവ് പ്രൊഡ്യൂസറും സുബാഷ് എസ് ഉണ്ണി ലൈൻ പ്രൊഡ്യൂസറുമാണ്. പ്രൊഡക്ഷൻ കൺട്രോളർ സംഗീത് ചിക്കുവാണ്. 

വസ്ത്രലങ്കാരം ഗായത്രി കിഷോറും, മേക്കപ്പ് സേതു ശിവദാനന്ദൻ & ആഷ് അഷ്‌റഫുമാണ്. ശൈസ്ഥ ബാനുവാണ് സ്ക്രിപ്റ്റ് അസിസ്റ്റൻ്റ് & ക്രീയേറ്റീവ് കോണ്ട്രിബൂഷൻ. കാസ്റ്റിംഗ് ഡയറക്റ്ററായി അരുൺ സോൾ പ്രവർത്തിച്ചു. കളറിസ്റ്റ് ശ്രീധർ വിയും, ടൈറ്റിൽ ഡിസൈൻ ഷിബിൻ കെ കെ യും നിർവഹിച്ചു. 

വിപിൻ കുമാറാണ് മാർക്കറ്റിംഗ് & പി ആർ ഒ ചുമതല വഹിക്കുന്നത്. വി എഫ് എക്സ് 3 ഡോർസും, സംഘട്ടനം അഷറഫ് ഗുരുക്കളുമാണ്. സ്റ്റീൽസ് ജിതേഷ് കടക്കലാണ്. മികച്ച സാങ്കേതികത്തികവോടെ എത്തിയ ചിത്രം കൂടുതൽ ജനശ്രദ്ധ നേടുമെന്ന പ്രതീക്ഷയിലാണ് അണിയറ പ്രവർത്തകർ.

ഈ സിനിമയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവയ്ക്കുക. 

Article Summary: Sajeen Babu's 'Theatre: The Myth of Reality' featuring Rima Kallingal receives critical and audience acclaim, especially for Rima's role Meera.

#RimaKallingal #TheatreTheMythofReality #SajeenBabu #MalayalamCinema #Meera #FilmReview