മുംബൈ: (KVARTHA) യുട്യൂബിലെ 'ഇന്ത്യാസ് ഗോട്ട് ലാറ്റന്റ് ' ഷോയിൽ വിവാദ അശ്ലീല പരാമർശങ്ങൾ നടത്തിയതിനെ തുടർന്ന് യുട്യൂബർ രൺവീർ അലഹബാദിയെക്കെതിരെ ഉയർന്ന വിമർശനങ്ങൾ കെട്ടടങ്ങും മുൻപേ, കൂടുതൽ നടപടികളുമായി അണിയറ പ്രവർത്തകർ. ഷോയുടെ അവതാരകൻ സമയ് റെയ്‌ന ഷോയുടെ എല്ലാ എപ്പിസോഡുകളും യൂട്യൂബിൽ നിന്ന് നീക്കം ചെയ്തതിന് പിന്നാലെ, ഹാസ്യനടൻ ഹർഷ് ഗുജ്റാളും തൻ്റെ 'ദി എസ്കേപ്പ് റൂം' എപ്പിസോഡുകൾ യൂട്യൂബിൽ നിന്ന് നീക്കം ചെയ്തിരിക്കുകയാണ്. 

ഹാസ്യത്തിന് പേരുകേട്ട ഈ ഷോയിലെ 'കൺഫെഷൻ ബോക്സ്' ഭാഗത്ത്, അതിഥികൾ ഞെട്ടിപ്പിക്കുന്ന വെളിപ്പെടുത്തലുകൾ നടത്താറുണ്ട്. ഇതിന് പിന്നാലെ 'ദി എസ്കേപ്പ് റൂം ഇന്ത്യ'യുടെ ഔദ്യോഗിക ഇൻസ്റ്റാഗ്രാം പേജ് സ്വകാര്യമാക്കിയിട്ടുണ്ട്. 34.3കെ ഫോളോവേഴ്‌സുള്ള ഈ പേജിൽ നിന്നും പ്രൊമോ വീഡിയോകളും നീക്കം ചെയ്തിട്ടുണ്ട്. എങ്കിലും, ഹർഷിൻ്റെ ഔദ്യോഗിക ഇൻസ്റ്റാഗ്രാം പേജിൽ ചില പ്രൊമോ വീഡിയോകൾ ഇപ്പോഴും ലഭ്യമാണ്.

ഇതിനിടെ, രൺവീറിൻ്റെ കേസിൽ സുപ്രീം കോടതി നിർനായകമായ ഇടപെടൽ നടത്തിയിരിക്കുകയാണ്. രൺവീറും സഹപ്രവർത്തകരും യൂട്യൂബിലോ മറ്റ് ഓഡിയോ-വിഷ്വൽ പ്ലാറ്റ്‌ഫോമുകളിലോ കൂടുതൽ ഉള്ളടക്കം സംപ്രേഷണം ചെയ്യുന്നത് കോടതി തടഞ്ഞിരിക്കുകയാണ്.  കൂടാതെ, അനുമതിയില്ലാതെ രാജ്യം വിട്ടുപോകരുതെന്നും കോടതി നിർദേശിച്ചിട്ടുണ്ട്.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക

 Controversy surrounding YouTuber Ranveer Allahbadia continues as Sameer Raina and comedian Harsh Gujral remove their videos. The Supreme Court intervenes.

#RanveerAllahbadia, #HarshGujral, #YouTubeControversy, #SameerRaina, #EscapeRoom, #SupremeCourt