'രാജാസാബ്' ആദ്യ ലിറിക്കൽ വീഡിയോ പുറത്ത്: പ്രഭാസ് ചിത്രം ജനുവരി 9ന് തിയേറ്ററുകളിൽ

ചെന്നൈ: (KVARTHA) ബ്രഹ്മാണ്ഡ ചിത്രങ്ങളുടെ നായകൻ പ്രഭാസിൻ്റെ ഏറ്റവും പുതിയ ചിത്രമായ 'രാജാസാബ്' ലെ ആദ്യ ലിറിക്കൽ വീഡിയോ പുറത്തിറങ്ങി. ആവേശം നിറഞ്ഞ നൃത്തച്ചുവടുകൾ ഉൾക്കൊള്ളിച്ച ഈ ഗാനം ഇപ്പോൾ തന്നെ സോഷ്യൽ മീഡിയയിൽ തരംഗമായി മാറിയിരിക്കുകയാണ്. 2026 ജനുവരി 9-നാണ് ചിത്രം ലോകമെമ്പാടുമുള്ള തിയേറ്ററുകളിൽ പ്രദർശനത്തിനെത്തുക. ചിത്രത്തിൻ്റെ ട്രെയിലർ റിലീസ് ചെയ്തതിനു പിന്നാലെ, വലിയ പ്രതീക്ഷകളോടെയാണ് ആരാധകർ 'രാജാസാബി'നായി കാത്തിരിക്കുന്നത്.

'കൽക്കി 2898 എഡി'യുടെ വൻ വിജയത്തിന് ശേഷം പ്രഭാസ് നായകനാകുന്ന ഈ ചിത്രം ഒരു ബ്ലോക്ക്ബസ്റ്റർ ആയി മാറുമെന്നാണ് നിർമ്മാതാക്കളായ പീപ്പിൾ മീഡിയ ഫാക്ടറിയുടെ അവകാശവാദം. ചിത്രത്തിലെ പ്രധാന ആകർഷണം പ്രഭാസിൻ്റെ ഇരട്ടവേഷം തന്നെയാണ്. 

പ്രഭാസിനൊപ്പം ബോളിവുഡിലെയും തെന്നിന്ത്യയിലെയും പ്രമുഖ താരങ്ങൾ ചിത്രത്തിൽ അണിനിരക്കുന്നുണ്ട്. ബോളിവുഡ് താരങ്ങളായ സഞ്ജയ് ദത്ത്, ബൊമൻ ഇറാനി, സെറീന വഹാബ്, യുവനടിമാരായ നിധി അഗർവാൾ, മാളവിക മോഹനൻ, റിദ്ധി കുമാർ തുടങ്ങിയവരാണ് ചിത്രത്തിൽ പ്രധാന വേഷങ്ങളിൽ എത്തുന്നത്.

അതിമാനുഷിക ശക്തികളും ചില പ്രാദേശിക ഐതിഹ്യങ്ങളും ചേർത്തുകൊണ്ട് അണിയിച്ചൊരുക്കുന്ന ഒരു ഹൊറർ എൻ്റർടെയ്‌നർ ആണ് 'രാജാസാബ്'. 'ഹൊറർ ഈസ് ദ ന്യൂ ഹ്യൂമർ' എന്ന പ്രചാരണ വാക്യം നൽകിയാണ് ഈ ചിത്രം പ്രേക്ഷകരിലേക്ക് എത്തുന്നത്. 'പ്രതി റോജു പാണ്ഡഗെ', റൊമാന്റിക് കോമഡി ചിത്രമായ 'മഹാനുഭാവുഡു' തുടങ്ങിയ വിജയ ചിത്രങ്ങൾ ഒരുക്കിയ മാരുതിയാണ് 'ദ രാജാ സാബ്' എന്ന ഈ പാൻ ഇന്ത്യൻ ചിത്രത്തിൻ്റെ തിരക്കഥയെഴുതി സംവിധാനം ചെയ്യുന്നത്.

തെലുങ്ക്, തമിഴ്, മലയാളം, കന്നഡ, ഹിന്ദി എന്നീ അഞ്ച് ഭാഷകളിലായി ലോകമെമ്പാടുമുള്ള തിയേറ്ററുകളിൽ 'രാജാസാബ്' പ്രദർശനത്തിനെത്തും. പീപ്പിൾ മീഡിയ ഫാക്ടറിയുടെ ബാനറിൽ ടി ജി വിശ്വപ്രസാദാണ് ചിത്രം നിർമ്മിക്കുന്നത്. വിവേക് കുച്ചിബോട്ലയാണ് ചിത്രത്തിൻ്റെ സഹനിർമ്മാതാവ്. കാർത്തിക് പളനിയാണ് ചിത്രത്തിൻ്റെ ഛായാഗ്രഹണം നിർവ്വഹിച്ചിരിക്കുന്നത്. ചിത്രസംയോജനം കോത്തഗിരി വെങ്കിടേശ്വര റാവുവും, സംഘട്ടന രംഗങ്ങൾ രാം ലക്ഷ്മൺ മാസ്റ്റേഴ്സ്, കിംഗ് സോളമൻ എന്നിവരും ഒരുക്കുന്നു.

'ബാഹുബലി' ഫെയിം ആർ സി കമൽ കണ്ണനാണ് ചിത്രത്തിൻ്റെ വിഎഫ്എക്സ് കൈകാര്യം ചെയ്തിരിക്കുന്നത്. രാജീവനാണ് പ്രൊഡക്ഷൻ ഡിസൈനർ (കലാസംവിധാനം). എസ് എൻ കെ ക്രിയേറ്റീവ് പ്രൊഡ്യൂസർ എന്ന ചുമതലയും വഹിക്കുന്നു.

പ്രഭാസിൻ്റെ പുതിയ ചിത്രമായ 'രാജാസാബി'ൻ്റെ ആദ്യഗാനം കണ്ടിട്ട് നിങ്ങളുടെ അഭിപ്രായം എന്താണ്? കമൻ്റ് ചെയ്യുക. 

Article Summary: Prabhas' Raja Saab first single with energetic dance moves is out; the horror entertainer will release on Jan 9, 2026.

#Prabhas #RajaSaab #Tollywood #PanIndia #MovieRelease #HorrorEntertainer