കണ്ണൂർ: (KVARTHA) നേപ്പാളിലെ കാഠ്മണ്ഡുവിൽ നടന്ന ആറാമത് നേപ്പാൾ കൾച്ചറൽ ഇന്റർനാഷണൽ ഫിലിം ഫെസ്റ്റിവലിൽ മികച്ച ഫീച്ചർ ഫിലിമിനുള്ള അന്താരാഷ്ട്ര അവാർഡ് 'പൂവ് ' എന്ന മലയാള സിനിമയ്ക്ക് ലഭിച്ചു. ജീവിതത്തിന്റെ നാല് ഘട്ടങ്ങളിൽ ഒരു പുരുഷന്റെ ജീവിതത്തിൽ സ്വാധീനം ചെലുത്തുന്ന കാര്യങ്ങളാണ് സിനിമയുടെ ഇതിവൃത്തം. ഇ സന്തോഷ് കുമാർ നിർമ്മിച്ച് ജോൺസൺ വി ദേവസി തിരക്കഥ എഴുതിയ ഈ ചിത്രം സംവിധാനം ചെയ്തത് അനീഷ് ബാബു അബ്ബാസും ബിനോയ് ജോർജും ചേർന്നാണ്.

സിനിമയിലെ പ്രധാന കഥാപാത്രത്തെ അവതരിപ്പിച്ചത് കണ്ണൂർ പയ്യന്നൂർ സ്വദേശിയായ മഞ്ജുളനാണ്. മികച്ച പ്രകടനമാണ് മഞ്ജുളൻ കാഴ്ചവെച്ചത്. ഈ പ്രകടനത്തിന് അദ്ദേഹത്തിന് മികച്ച നടനുള്ള അന്താരാഷ്ട്ര അവാർഡും ലഭിച്ചു.

കാഠ്മണ്ഡുവിലെ നാഷണൽ ഫിലിം ഡെവലപ്‌മെന്റ് ബോർഡ് തിയേറ്ററിൽ വെച്ച് നടന്ന ചടങ്ങിലാണ് അവാർഡ് ദാനം നടന്നത്. നേപ്പാൾ കമ്മ്യൂണിക്കേഷൻ & ഇൻഫോർമേഷൻ ടെക്നോളജി മന്ത്രി പ്രിഥ്വി സുബ്ബ ഗുരുങ്ങിൽ നിന്ന് സംവിധായകൻ അനീഷ് ബാബു അബ്ബാസും നടൻ മഞ്ജുളനും പുരസ്കാരങ്ങൾ ഏറ്റുവാങ്ങി.

ഈ വാർത്ത പങ്കുവെച്ച്, അഭിപ്രായങ്ങൾ രേഖപ്പെടുത്തതാണ് മറക്കരുത് 

The film 'Poov' and actor Manjul won international awards at the 6th Nepal Cultural International Film Festival for Best Feature Film and Best Actor.

#PoovFilm #InternationalAwards #Manjul #NepalFilmFestival #MalayalamCinema #FilmAwards