ഓണച്ചിരിയുമായി 'ഓടും കുതിര ചാടും കുതിര'; ട്രെയിലർ പുറത്തിറങ്ങി

(KVARTHA) ഫഹദ് ഫാസിലിനെയും കല്യാണി പ്രിയദർശനെയും പ്രധാന കഥാപാത്രങ്ങളാക്കി അൽത്താഫ് സലിം സംവിധാനം ചെയ്യുന്ന 'ഓടും കുതിര ചാടും കുതിര' എന്ന ചിത്രത്തിൻ്റെ ട്രെയിലർ പുറത്തിറങ്ങി. 

ഓഗസ്റ്റ് 29-ന് ഓണം റിലീസായി തിയറ്ററുകളിലെത്തുന്ന ഈ റൊമാന്റിക് കോമഡി ചിത്രം ഒരു മുഴുനീള എന്റർടെയ്നർ ആയിരിക്കുമെന്ന് ട്രെയിലർ ഉറപ്പ് നൽകുന്നു. 2.36 മിനിറ്റ് ദൈർഘ്യമുള്ള ട്രെയിലർ ഇതിനോടകം ശ്രദ്ധ നേടിക്കഴിഞ്ഞു.

അൽത്താഫ് സലിം തന്നെയാണ് ചിത്രത്തിൻ്റെ തിരക്കഥയും ഒരുക്കിയിരിക്കുന്നത്. 'ആഷിക് ഉസ്മാൻ പ്രൊഡക്ഷൻസി'ൻ്റെ ബാനറിൽ ആഷിക് ഉസ്മാനാണ് നിർമ്മാണം. ജസ്റ്റിൻ വർഗീസ് സംഗീതവും, ജിന്റോ ജോർജ് ഛായാഗ്രഹണവും, നിധിൻ രാജ് അരോൾ എഡിറ്റിംഗും നിർവഹിച്ചിരിക്കുന്നു.
 

ഫഹദിനും കല്യാണിക്കും പുറമെ, രേവതി പിള്ള, വിനയ് ഫോർട്ട്, ലാൽ, സുരേഷ് കൃഷ്ണ, ബാബു ആൻ്റണി, ജോണി ആൻ്റണി, ലക്ഷ്മി ഗോപാലസ്വാമി, അനുരാജ്, വിനീത് വാസുദേവൻ തുടങ്ങി വലിയൊരു താരനിര തന്നെ ചിത്രത്തിലുണ്ട്. ഓണത്തിന് പ്രേക്ഷകർക്ക് ഒരു മികച്ച വിനോദം സമ്മാനിക്കാൻ ഒരുങ്ങുകയാണ് 'ഓടും കുതിര ചാടും കുതിര'.

അശ്വിനി കാലെയാണ് പ്രൊഡക്ഷൻ ഡിസൈനർ. ഔസേപ്പ് ജോൺ ആർട്ട് ഡയറക്ടറും, മഷർ ഹംസ കോസ്റ്റ്യൂം ഡിസൈനറും, റോണക്സ് സേവ്യർ മേക്കപ്പും കൈകാര്യം ചെയ്തിരിക്കുന്നു. സൗണ്ട് ഡിസൈൻ നിക്സൻ ജോർജും കളറിസ്റ്റ് രമേശ്‌ സി പി യും ആണ്. സുഹൈൽ കോയയാണ് ഗാനങ്ങൾക്ക് വരികളെഴുതിയിരിക്കുന്നത്. സുധർമൻ വള്ളിക്കുന്ന് പ്രൊഡക്ഷൻ കൺട്രോളറായും ശിവകുമാർ പെരുമുണ്ട ഫിലിം കൺട്രോളറായും പ്രവർത്തിക്കുന്നു. ചീഫ് അസോസിയേറ്റ് ഡയറക്ടർ അനീവ് സുകുമാർ, വിഎഫ്എക്സ് സ്റ്റുഡിയോ ഡിജിബ്രിക്‌സ്, പിആർഒ എ എസ് ദിനേശ്, സ്റ്റിൽ ഫോട്ടോഗ്രഫി രോഹിത് കെ സുരേഷ്, പബ്ലിസിറ്റി ഡിസൈൻസ് യെല്ലോ ടൂത്ത്, മാർക്കറ്റിംഗ് ആൻഡ് പ്രൊമോഷൻസ് ഒബ്സ്ക്യൂറ എന്റർടെയ്ൻമെൻ്റ്സ് എന്നിവരാണ് മറ്റ് അണിയറ പ്രവർത്തകർ.
 

'ഓടും കുതിര ചാടും കുതിര'യുടെ ട്രെയിലർ കണ്ടിട്ട് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: 'Odum Kuthira Chadum Kuthira' trailer out, releasing for Onam.

 #OdumKuthiraChadumKuthira #FahadhFaasil #KalyaniPriyadarshan #OnamRelease #MalayalamCinema #Trailer