ഓണം കളറാക്കാൻ നിവിൻ പോളിയും മമിത ബൈജുവും; 'ബത്ലഹേം കുടുംബ യൂണിറ്റ്' റിലീസ് തീയതി പ്രഖ്യാപിച്ചു

കൊച്ചി: (KVARTHA) പൂവിളിയും പുലികളിയും വിഭവസമൃദ്ധമായ ഓണസദ്യയും പൂക്കളവും പായസമധുരവുമായി ഇക്കുറി ഓണം ആഘോഷത്തിലാറാടിക്കാൻ നിവിൻ പോളിയും മമിത ബൈജുവും എത്തുന്നു. ഇരുവരും ആദ്യമായി ഒന്നിക്കുന്ന 'ബത്ലഹേം കുടുംബ യൂണിറ്റ്' എന്ന ചിത്രത്തിൻ്റെ റിലീസ് ഡേറ്റ് അണിയറപ്രവർത്തകർ പുറത്തുവിട്ടു. ഓണത്തിന് ഒരാഴ്‌ച മുൻപേ ഓഗസ്റ്റ് 21 ന് ചിത്രം തിയേറ്ററുകളിലെത്തും. ട്രെയിനിറങ്ങി പ്ലാറ്റ്ഫോമിലൂടെ ഇരുവരും ബാഗും തൂക്കി നടക്കുന്നൊരു ചിത്രവുമായുള്ള റിലീസ് അനൗൺസ്മെൻ്റ് പോസ്റ്റർ ഇതിനോടകം തന്നെ സോഷ്യൽ മീഡിയ ഏറ്റെടുത്തിരിക്കുകയാണ്. റോം-കോം ജോണറിൽ എത്തുന്ന ചിത്രം ഇക്കുറി ഓണത്തിന് തിയേറ്ററുകളിൽ വലിയ ചിരിമേളം തന്നെ തീർക്കുമെന്നാണ് ഏവരും പ്രതീക്ഷിക്കുന്നത്.

ഗിരീഷ് എ ഡിയും ഭാവന സ്റ്റുഡിയോസും

ഏതാനും നാളുകൾ കൊണ്ടുതന്നെ ശ്രദ്ധേയ സിനിമകളിലൂടെ മലയാളത്തിലെ ഹിറ്റ് സംവിധായകരുടെ നിരയിലേക്കുയർന്ന ഗിരീഷ് എ ഡിയാണ് സിനിമയുടെ സംവിധായകൻ. 'തണ്ണീർ മത്തൻ ദിനങ്ങൾ', 'സൂപ്പർ ശരണ്യ', 'പ്രേമലു' എന്നീ സൂപ്പർ ഹിറ്റ് സിനിമകളിലൂടെയാണ് ഗിരീഷ് ശ്രദ്ധ നേടിയത്. മലയാളത്തിലെ ശ്രദ്ധേയ നിർമാണ കമ്പനിയായ ഭാവന സ്റ്റുഡിയോസും നിവിൻ പോളിയും ആദ്യമായി ഒരുമിക്കുമ്പോൾ പ്രേക്ഷകരും മികച്ചൊരു സിനിമ തന്നെയാണ് കാത്തിരിക്കുന്നത്.

ഭാവന സ്റ്റുഡിയോസ് ഒരുക്കുന്ന ആറാമത്തെ ചിത്രമാണിത്. വൻവിജയമായ 'പ്രേമലു'വിനു ശേഷം ഭാവന സ്റ്റുഡിയോസ് നിർമിക്കുന്ന ചിത്രമെന്ന പ്രത്യേകതയും 'ബത്ലഹേം കുടുംബ യൂണിറ്റി'നുണ്ട്. ദിലീഷ് പോത്തൻ, ഫഹദ് ഫാസിൽ, ശ്യാം പുഷ്കരൻ എന്നിവർ ചേർന്നാണ് ചിത്രം നിർമിക്കുന്നത്. ഗിരീഷ് എ ഡിയും കിരൺ ജോസിയും ചേർന്നാണ് സിനിമയുടെ രചന നിർവഹിച്ചിരിക്കുന്നത്.

വമ്പൻ താരനിര; 100 ദിവസത്തെ ഷൂട്ടിങ്

സംഗീത് പ്രതാപ്, സുരേഷ് കൃഷ്ണ, ബിന്ദു പണിക്കർ, വിനയ് ഫോർട്ട്, റോഷൻ ഷാനവാസ്, ശ്യാം മോഹൻ, ഷമീർ ഖാൻ, ശ്രിന്ദ, പാർവതി അയ്യപ്പദാസ്, മീനാക്ഷി രവീന്ദ്രൻ തുടങ്ങി വലിയൊരു താരനിര തന്നെ ചിത്രത്തിലുണ്ട്.

ലൊക്കേഷൻ: ചാലക്കുടി, പൊള്ളാച്ചി, ഗോവ, ഹൈദരാബാദ്, കുട്ടിക്കാനം എന്നീ ലൊക്കേഷനുകളിലായി നൂറിലധികം ദിവസങ്ങൾ കൊണ്ടാണ് സിനിമയുടെ ചിത്രീകരണം പൂർത്തിയായത്.

അണിയറപ്രവർത്തകർ: ഛായാഗ്രഹണം: അജ്‌മൽ സാബു, സംഗീത സംവിധാനം: വിഷ്‌ണു വിജയ്, എഡിറ്റർ: ആകാശ് ജോസഫ് വർഗീസ്, ഗാനരചന: വിനായക് ശശികുമാർ.

മറ്റ് വിവരങ്ങൾ: എക്സിക്യൂട്ടീവ് പ്രൊഡ്യൂസർ: ബെന്നി കട്ടപ്പന, ജോസ് വിജയ്; പ്രൊഡക്ഷൻ കൺട്രോളർ: റിച്ചാർഡ്; ആർട്ട് ഡയറക്ടർ: ആഷിക് എസ്; കോസ്റ്റ്യൂം: ധന്യ ബാലകൃഷ്ണൻ; മേക്കപ്പ്: റോണക്സ് സേവ്യർ; സംഘട്ടനം: ആക്ഷൻ സന്തോഷ്; പ്രൊഡക്ഷൻ എക്‌സിക്യൂട്ടീവ്: ജംഷീർ പുരക്കാട്ടിരി; ചീഫ് അസോസിയേറ്റ് ഡയറക്ടർ: ഫിലിപ്പ് ഫ്രാൻസിസ്; സൗണ്ട് മിക്സിങ്: വിഷ്ണു സുജാതൻ; സൗണ്ട് ഡിസൈൻ: ശങ്കരൻ എ എസ്, കെ സി സിദ്ധാർഥൻ; വി എഫ് എക്സ്: എഗ്ഗ് വൈറ്റ് വി എഫ് എക്സ്; കളറിസ്റ്റ്: രമേഷ് സി പി; സ്റ്റിൽസ്: റിൻസൺ എം ബി, റിഷിലാൽ ഉണ്ണികൃഷ്ണൻ; പോസ്റ്റർ ഡിസൈൻ: യെല്ലോ ടൂത്ത്സ്; പി ആർ ഒ: ആതിര ദിൽജിത്ത്.

സിനിമാ ലോകത്തെ പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: Bethlehem Kudumba Unit movie will hit theatres on August 21.

#NivinPauly #MamithaBaiju #BethlehemKudumbaUnit #GirishAD #BhavanaStudios #MalayalamCinema #OnamRelease #AnjanaNews