ടൊവിനോയുടെ ഗംഭീര തിരിച്ചുവരവ്; 'നരിവേട്ട' പൊളിറ്റിക്കൽ ത്രില്ലർ ഹിറ്റ് ലിസ്റ്റിലേക്ക്

(KVARTHA) ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്ത 'നരിവേട്ട' തിയേറ്ററുകളിൽ എത്തി മികച്ച പ്രതികരണം നേടുന്നു. പൊളിറ്റിക്കൽ ത്രില്ലർ വിഭാഗത്തിൽപ്പെടുന്ന ചിത്രം ടൊവിനോയുടെ കരിയറിലെ മികച്ച പ്രകടനങ്ങളിലൊന്നാണെന്നാണ് പ്രേക്ഷകരുടെ അഭിപ്രായം. കേരളം ചർച്ച ചെയ്ത സുപ്രധാന വിഷയങ്ങളെ സിനിമ അവതരിപ്പിക്കുന്നു.

ചിത്രം പതിഞ്ഞ താളത്തിൽ തുടങ്ങി വൈകാരികവും ഉദ്വേഗജനകവുമായ മുഹൂർത്തങ്ങളിലൂടെ ഗംഭീരമായ രണ്ടാം പകുതിയിലേക്ക് പ്രേക്ഷകരെ കൊണ്ടുപോകുന്നു. സുരാജ് വെഞ്ഞാറമൂടിന്റെയും പ്രശസ്ത തമിഴ് സംവിധായകനും നടനുമായ ചേരന്റെയും അഭിനയം ഏറെ പ്രശംസിക്കപ്പെടുന്നു. 

സിനിമയിൽ വർഗീസ് പീറ്റർ എന്ന പൊലീസ് കോൺസ്റ്റബിളിനെയാണ് ടൊവിനോ അവതരിപ്പിക്കുന്നത്. സുരാജ് ഹെഡ് കോൺസ്റ്റബിൾ ബഷീർ അഹമ്മദായും ചേരൻ ഡിഐജി രഘുറാം കേശവായും മികച്ച പ്രകടനം കാഴ്ചവെക്കുന്നു. 

'മറവികൾക്കെതിരായ ഓർമ്മയുടെ പോരാട്ടം' എന്ന ടാഗ്‌ലൈനോടെ എത്തിയ ചിത്രം അതിജീവനത്തിൻ്റെ ശക്തമായ പ്രതികരണമാണ് പങ്കുവെക്കുന്നത്. ആര്യാ സലിം, പ്രിയംവദ കൃഷ്ണ, റിനി ഉദയകുമാർ എന്നിവരും തങ്ങളുടെ കഥാപാത്രങ്ങളെ മികച്ച രീതിയിൽ അവതരിപ്പിച്ചിട്ടുണ്ട്.

അബിൻ ജോസഫാണ് ചിത്രത്തിൻ്റെ തിരക്കഥ എഴുതിയിരിക്കുന്നത്. ജേക്സ് ബിജോയിയുടെ സംഗീതവും വിജയിയുടെ ഛായാഗ്രഹണവും സിനിമയുടെ മൂഡ് നിലനിർത്തുന്നതിൽ പ്രധാന പങ്കുവഹിച്ചു. 

ഷമീർ മുഹമ്മദിൻ്റെ എഡിറ്റിംഗ് സിനിമയിലെ പ്രധാന രംഗങ്ങളുടെ വൈകാരിക തീവ്രത വർദ്ധിപ്പിച്ചു. ഇന്ത്യൻ സിനിമാ കമ്പനിയുടെ ബാനറിൽ ഷിയാസ് ഹസ്സൻ, ടിപ്പു ഷാൻ എന്നിവർ ചേർന്നാണ് നരിവേട്ട നിർമ്മിക്കുന്നത്. 

ചിത്രത്തിലെ മറ്റ് അണിയറ പ്രവർത്തകർ: 

ആര്യ സലിം, റിനി ഉദയകുമാർ, പ്രിയംവദ കൃഷ്ണൻ എന്നിവരാണ് ചിത്രത്തിലെ മറ്റു താരങ്ങൾ. എക്സിക്യൂട്ടീവ് പ്രൊഡ്യൂസർ- എൻ എം ബാദുഷ, ഛായാഗ്രഹണം- വിജയ്, സംഗീതം- ജേക്സ് ബിജോയ്, എഡിറ്റർ- ഷമീർ മുഹമ്മദ്, ആർട്ട്‌- ബാവ, വസ്ത്രാലങ്കാരം- അരുൺ മനോഹർ, മേക്കപ്പ് - അമൽ സി ചന്ദ്രൻ, പ്രൊജക്റ്റ് ഡിസൈനർ- ഷെമിമോൾ ബഷീർ, പ്രൊഡക്ഷൻ ഡിസൈൻ- എം ബാവ, പ്രൊഡക്ഷൻ കൺട്രോളർ- സക്കീർ ഹുസൈൻ, സൗണ്ട് ഡിസൈൻ - രംഗനാഥ്‌ രവി, പി ആർ ഒ & മാർക്കറ്റിംഗ് - വൈശാഖ് വടക്കേവീട്, ജിനു അനിൽകുമാർ, ചീഫ് അസ്സോസിയേറ്റ് ഡയറക്ടർ- രതീഷ് കുമാർ രാജൻ, സൗണ്ട് മിക്സ്- വിഷ്ണു പി സി, സ്റ്റീൽസ്- ഷൈൻ സബൂറ, ശ്രീരാജ് കൃഷ്ണൻ, ഡിസൈൻസ്- യെല്ലോടൂത്ത്, മ്യൂസിക് റൈറ്റ്സ്- സോണി മ്യൂസിക് സൗത്ത്.

ഈ സിനിമയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കൂ! കൂടുതൽ പേരിലേക്ക് ഈ വാർത്ത എത്തിക്കൂ! 

Article Summary: Tovino Thomas's political thriller 'Narivetta' directed by Anuraj Manohar is receiving positive reviews, with his performance being hailed as career-best. The film addresses significant social issues in Kerala.

#Narivetta, #TovinoThomas, #MalayalamMovie, #PoliticalThriller, #Kerala, #MovieReview