കൊച്ചി: (KVARTHA) രോമാഞ്ചം, കിഷ്ക്കിന്ധാകാണ്ഡം എന്നീ ജനപ്രിയ ചിത്രങ്ങൾക്കു ശേഷം ഗുഡ് വിൽ എന്റർടെയ്ൻമെന്റ്സ് അവതരിപ്പിക്കുന്ന പുതിയ ചിത്രമായ 'നാരായണീന്റെ മൂന്നാണ്മക്കൾ' എന്ന സിനിമയിലെ ലിറിക്കൽ വീഡിയോ ഗാനം തിങ്കളാഴ്ച വൈകുന്നേരം ആറ് മണിക്ക് പുറത്തിറങ്ങും. റഫീഖ് അഹമ്മദിന്റെ വരികൾക്ക് രാഹുൽ രാജ് സംഗീതം നൽകിയിരിക്കുന്നു. സുചിത് സുരേശന്റെ മനോഹരമായ ആലാപനത്തിൽ ഒരുങ്ങിയ 'നീ അറിയാത്തൊരു നാൾ' എന്ന ഗാനം ശ്രോതാക്കളുടെ ഹൃദയം കവരുമെന്നാണ് പ്രതീക്ഷ.

സിനിമയുടെ ടീസർ ഇതിനോടകം തന്നെ ശ്രദ്ധ നേടിയിരുന്നു. ഒരു ഗ്രാമവും അവിടുത്തെ വലിയ ഒരു തറവാട്ടു വീടുമാണ് സിനിമയുടെ പ്രധാന പശ്ചാത്തലം. നാരായണിയമ്മയുടെ മൂന്ന് ആൺമക്കളുടെ കഥയാണ് സിനിമ പറയുന്നത്. ജോബി ജോർജ് തടത്തിൽ നിർമിക്കുന്ന ഈ ചിത്രം ശരൺ വേണുഗോപാലാണ് രചനയും സംവിധാനവും നിർവഹിച്ചിരിക്കുന്നത്. ജോജു ജോർജ്, സുരാജ് വെഞ്ഞാറമൂട്, അലൻസിയർ ലോപ്പസ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. കുടുംബബന്ധങ്ങളുടെ ആഴങ്ങളിലേക്കും, രഹസ്യങ്ങളിലേക്കും, ദുരൂഹതകളിലേക്കും വെളിച്ചം വീശുന്ന ഒരു കഥയാണ് സിനിമയുടെ ഇതിവൃത്തം.

ചിത്രത്തിന്റെ ടീസർ ഏറെ നിഗൂഢതകൾ ഒളിപ്പിച്ചുകൊണ്ടാണ് പുറത്തിറക്കിയിരിക്കുന്നത്. ചില പ്രത്യേക സാഹചര്യങ്ങളാൽ കുടുംബത്തിൽ നിന്ന് അകന്നുപോയ ഇളയ മകന്റെ തിരിച്ചുവരവോടെ ആ കുടുംബത്തിൽ നടക്കുന്ന രസകരവും കൗതുകം നിറഞ്ഞതുമായ സംഭവങ്ങളാണ് സിനിമയുടെ ഇതിവൃത്തം. ഹൃദയസ്പർശിയായ രംഗങ്ങളും നർമ മുഹൂർത്തങ്ങളും ഒത്തിണങ്ങിയ ഒരു ഫാമിലി ഡ്രാമയാണ് ഈ സിനിമയെന്ന് ടീസർ സൂചന നൽകുന്നു. ചിത്രം 2025 ജനുവരി 16ന് ലോകമെമ്പാടുമുള്ള തിയേറ്ററുകളിൽ എത്തും.

തോമസ് മാത്യു, ഗാർഗി അനന്തൻ, ഷെല്ലി എൻ കുമാർ, സജിത മഠത്തിൽ, സരസ ബാലുശ്ശേരി തുടങ്ങിയ പ്രമുഖ താരങ്ങളും സിനിമയിൽ അഭിനയിക്കുന്നു. ജെമിനി ഫുക്കാൻ, രാമു പടിക്കൽ എന്നിവരാണ് എക്സിക്യൂട്ടീവ് പ്രൊഡ്യൂസേഴ്സ്. അപ്പു പ്രഭാകർ ഛായാഗ്രഹണവും, രാഹുൽ രാജ് സംഗീതവും, റഫീഖ് അഹമ്മദ്, കെഎസ് ഉഷ, ധന്യ സുരേഷ് മേനോൻ എന്നിവർ ഗാനരചനയും നിർവഹിച്ചിരിക്കുന്നു. 

ജ്യോതിസ്വരൂപ് പാന്തയാണ് എഡിറ്റിംഗ്. ജയദേവൻ ചക്കാടത്താണ് സൗണ്ട് റെക്കോർഡിംഗും ഡിസൈനും. ജിതിൻ ജോസഫ് സൗണ്ട് മിക്സിംഗും, സെബിൻ തോമസ് പ്രൊഡക്ഷൻ ഡിസൈനും, ധന്യ ബാലകൃഷ്ണൻ കോസ്റ്റ്യൂം ഡിസൈനും, ജിത്തു പയ്യന്നൂർ മേക്കപ്പും നിർവഹിക്കുന്നു. ഡിക്സൺ പൊടുത്താസ് പ്രൊഡക്ഷൻ കൺട്രോളറും, ലിജു പ്രഭാകർ കളറിസ്റ്റും, സുകു ദാമോദർ ചീഫ് അസ്സോസിയേറ്റ് ഡയറക്ടറുമാണ്. അബു വളയംകുളമാണ് കാസ്റ്റിംഗ്. നിദാദ് കെഎൻ, ശ്രീജിത്ത് എസ് എന്നിവർ സ്റ്റിൽ ഫോട്ടോഗ്രാഫിയും, യെല്ലോടൂത്ത് ഡിസൈൻസും, ആതിര ദിൽജിത്ത് പിആർഒയും നിർവഹിക്കുന്നു.

#NarayaneenteMoonnamakkal #JojuGeorge #SurajVenjaramoodu #MalayalamCinema #FamilyDrama #LyricalVideo