'പ്രതിച്ഛായ നിര്‍മിതിയേക്കാള്‍ സര്‍കാരിന് കൂടുതല്‍ കാര്യങ്ങള്‍ ചെയ്യാനുള്ള സമയമാണിത്'; കേന്ദ്ര സര്‍കാരിനെ വിമര്‍ശിച്ച് ബോളിവുഡ് നടന്‍ അനുപം ഖേര്‍
May 13, 2021, 12:16 IST
ADVERTISEMENT
ന്യൂഡെല്‍ഹി: (www.kvartha.com 13.05.2021) പ്രതിച്ഛായ നിര്‍മിതിയേക്കാള്‍ സര്‍കാരിന് കൂടുതല്‍ കാര്യങ്ങള്‍ ചെയ്യാനുള്ള സമയമാണിതെന്ന് കേന്ദ്ര സര്‍കാരിനെ വിമര്‍ശിച്ച് ബോളിവുഡ് നടനും എഫ് ടി ടി ഐ ചെയര്‍മാനുമായ അനുപം ഖേര്‍. കോവിഡ് വ്യാപനത്തിന് സര്‍കാരിന്റെ കെടുകാര്യസ്ഥത കാരണമാണെന്നും എന്‍ ഡി ടി വിക്ക് അനുവദിച്ച അഭിമുഖത്തില്‍ അദ്ദേഹം പറഞ്ഞു.
പ്രതിച്ഛായ നിര്‍മിതിയേക്കാള്‍ കൂടുതല്‍ കാര്യങ്ങള്‍ സര്‍കാരിന് ചെയ്യാനുള്ള സമയമാണിതെന്ന് അദ്ദേഹം വ്യക്തമാക്കി. കോവിഡ് പ്രതിസന്ധി നേരിടുന്നതില്‍ സര്‍കാരിന് വീഴ്ച പറ്റി. എന്നാല്‍, സര്‍കാരിന്റെ വീഴ്ച മറ്റ് പാര്‍ടികള്‍ അവരുടെ നേട്ടത്തിന് ഉപയോഗിക്കുന്നത് തെറ്റാണ്. സര്‍കാരിനെതിരെയുള്ള വിമര്‍ശങ്ങളില്‍ കഴമ്പുണ്ട്. മനുഷ്യത്വ രഹിതര്‍ക്ക് മാത്രമേ നദിയില്‍ മൃതദേഹം ഒഴുകിയെത്തിയ സംഭവത്തെ അംഗീകരിക്കാന്‍ കഴിയൂവെന്നും അദ്ദേഹം കൂട്ടിച്ചേര്‍ത്തു.
നേരത്തെ പല വിഷയങ്ങളിലും നരേന്ദ്ര മോദി സര്‍കാരിനെ പിന്തുണച്ച് രംഗത്തെത്തിയിരുന്നയാളാണ് അനുപം ഖേര്‍.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
