മോഹൻലാൽ ചിത്രത്തിന് 'ഓപ്പറേഷൻ ഗംഗ' എന്ന് പേരിട്ടു; ഇന്ത്യയുടെ രക്ഷാദൗത്യം പ്രമേയമാകുന്ന ചിത്രത്തിൻ്റെ ഷൂട്ടിങ് ജോർജിയയിൽ ആരംഭിച്ചു

കൊച്ചി: (KVARTHA) ശ്രീ ഗോകുലം മൂവീസിൻ്റെ ബാനറിൽ ഗോകുലം ഗോപാലൻ നിർമിക്കുന്ന മോഹൻലാൽ ചിത്രമായ L367-ൻ്റെ ടൈറ്റിൽ പ്രഖ്യാപിച്ചു. വിഷ്ണു മോഹൻ രചനയും സംവിധാനവും നിർവഹിക്കുന്ന ചിത്രത്തിന് 'ഓപ്പറേഷൻ ഗംഗ' എന്നാണ് പേര് നൽകിയിരിക്കുന്നത്. ബൈജു ഗോപാലൻ, വിസി പ്രവീൺ എന്നിവരാണ് കോ-പ്രൊഡ്യൂസർമാർ. 

കൃഷ്ണമൂർത്തിയാണ് എക്സിക്യൂട്ടീവ് പ്രൊഡ്യൂസർ. മെഗാ ബജറ്റിൽ വമ്പൻ കാൻവാസിൽ ഒരുങ്ങുന്ന ചിത്രത്തിൻ്റെ ടൈറ്റിൽ പ്രഖ്യാപനം ഏറെ പ്രതീക്ഷയോടെയാണ് ആരാധകരും സിനിമാപ്രേമികളും കാത്തിരുന്നത്. ഉക്രൈൻ-റഷ്യ യുദ്ധത്തിൻ്റെ പശ്ചാത്തലത്തിൽ ഇന്ത്യ നടത്തിയ ചരിത്രപ്രധാനമായ രക്ഷാദൗത്യമാണ് 'ഓപ്പറേഷൻ ഗംഗ'. 

ഈ പശ്ചാത്തലത്തെ ആസ്പദമാക്കി ഒരുങ്ങുന്ന ചിത്രത്തിൻ്റെ ഷൂട്ടിങ് ജോർജിയയിൽ ആരംഭിച്ചിട്ടുണ്ട്. മോഹൻലാൽ ഉടൻ തന്നെ ചിത്രത്തിൽ ജോയിൻ ചെയ്യും. പോളണ്ട്, ജോർജിയ, കസാക്കിസ്ഥാൻ, ഡൽഹി, ഡെറാഡൂൺ, കൊച്ചി എന്നിവിടങ്ങളിലായി 180 ദിവസത്തെ ചിത്രീകരണമാണ് പ്ലാൻ ചെയ്തിരിക്കുന്നത്.

വമ്പൻ താരനിര

മോഹൻലാലിനൊപ്പം വമ്പൻ താരനിരയാണ് ചിത്രത്തിൽ അണിനിരക്കുന്നത്. ബോളിവുഡ് താരം അർജുൻ റാംപാൽ, ആദിൽ ഹുസൈൻ, ഭാഗ്യശ്രീ ബോഴ്സെ, പാർത്ഥിപൻ തുടങ്ങിയ പ്രമുഖ താരങ്ങളും ചിത്രത്തിലുണ്ട്. വിദേശത്തുനിന്നും ബോളിവുഡിൽ നിന്നുമുള്ള താരങ്ങളും സാങ്കേതിക പ്രവർത്തകരും ഉൾപ്പെടുന്ന ചിത്രത്തെ ശ്രീ ഗോകുലം മൂവീസ് നിർമിക്കുന്ന ഏറ്റവും വലിയ ചിത്രങ്ങളിൽ ഒന്നായാണ് ഒരുക്കുന്നത്.

സാങ്കേതിക തികവ്

പാൻ-ഇന്ത്യൻ ചിത്രം 'ധുരന്തർ'-ൻ്റെ വൻ വിജയത്തിന് ശേഷം പ്രശസ്ത സംഗീത സംവിധായകൻ ശാശ്വത് സച്ച്ദേവ് 'ഓപ്പറേഷൻ ഗംഗ'യുടെ സംഗീതമൊരുക്കുന്നു. 'പുഷ്പ 1', 'പുഷ്പ 2' എന്നീ ചിത്രങ്ങളുടെ ഛായാഗ്രാഹകൻ മിറോസ്ലാവ് കുബ ബ്രോസെക് ആണ് ചിത്രത്തിൻ്റെ ക്യാമറ കൈകാര്യം ചെയ്യുന്നത്. 'ധുരന്തർ', 'കിൽ' എന്നീ ചിത്രങ്ങളുടെ ആക്ഷൻ ഡയറക്ടർ സീ യങ് ഓയും ചിത്രത്തിൻ്റെ ഭാഗമാണ്.

'ഗോട്ട്', 'മെയ്യഴകൻ', 'അമരൻ', 'കത്തനാർ' തുടങ്ങിയ ചിത്രങ്ങളുടെ പ്രൊഡക്ഷൻ ഡിസൈനറായ രാജീവൻ, എഡിറ്റർ ഷമീർ മുഹമ്മദ്, 'ധുരന്തർ', 'ഉറി', '3 ഇഡിയറ്റ്സ്', 'പദ്മാവത്' തുടങ്ങിയ ചിത്രങ്ങളിൽ പ്രവർത്തിച്ച സൗണ്ട് ഡിസൈനർ ബിഷ്വദീപ് ചാറ്റർജി, 'കാന്താര'യുടെ വിഎഫ്എക്സ് സൂപ്പർവൈസർ കെവി സഞ്ജിത്, 'സഫേദ് സാഗർ', 'ബോർഡർ 2', 'ഫൈറ്റർ' തുടങ്ങിയ ചിത്രങ്ങളിൽ മിലിട്ടറി അഡ്വൈസറായി പ്രവർത്തിച്ച സ്ക്വാഡ്രൻ ലീഡർ വെർലിൻ പൻവർ, "ലോക" കോസ്റ്റ്യൂം ഡയറക്ടർ മെൽവി ജെ, മേക്കപ്പ് റോണക്സ് സേവ്യർ, പ്രൊഡക്ഷൻ കൺട്രോളർ റിന്നി ദിവാകർ, പ്രൊമോഷൻ കൺസൾട്ടൻ്റ് വിപിൻ കുമാർ, പിആർഒ ശബരി, വാഴൂർ ജോസ് തുടങ്ങിയ പ്രമുഖരും ചിത്രത്തിൻ്റെ ഭാഗമാകുന്നു.

ഈ സിനിമാ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Mohanlal's upcoming pan-Indian film, directed by Vishnu Mohan and produced by Gokulam Gopalan under Sree Gokulam Movies, has been titled 'Operation Ganga'. Based on India's rescue mission during the Ukraine-Russia war, the film's shooting has begun in Georgia, featuring a stellar cast and a world-class technical crew.

#KasargodVartha #Mohanlal #OperationGanga #VishnuMohan #GokulamMovies #MalayalamCinema #L367 #Mollywood #ArjunRampa #AmmuNewsl