'ഞാനൊരു അഭിസാരികയല്ല': സംഘാടകർക്കെതിരെ ലൈംഗികാധിക്ഷേപം; ലോക സൗന്ദര്യ മത്സര അനുഭവത്തിൽ പൊട്ടിത്തെറിച്ച് മിസ് ഇംഗ്ലണ്ട്

ഹൈദരാബാദ്: (KVARTHA) തെലങ്കാന ആഥിത്യം വഹിക്കുന്ന മിസ് വേൾഡ് മത്സരത്തിൽ നിന്ന് മിസ് ഇംഗ്ലണ്ട് മില്ല മാഗി പിന്മാറി. സംഘാടകർക്കെതിരെ ഗുരുതരമായ ആരോപണങ്ങൾ ഉന്നയിച്ചാണ് 24-കാരിയായ മില്ല മത്സരത്തിൽ നിന്ന് പിന്മാറിയത്. 

ധാർമികവും വ്യക്തിപരവുമായ കാരണങ്ങളാണ് പിന്മാറ്റത്തിന് പിന്നിലെന്നായിരുന്നു ആദ്യ പ്രതികരണം. എന്നാൽ പിന്നീട് ബ്രിട്ടീഷ് മാധ്യമമായ ‘ദ സൺ’ ന് നൽകിയ അഭിമുഖത്തിൽ മില്ല സംഘാടകർക്കെതിരെ രൂക്ഷമായ വിമർശനങ്ങൾ ഉന്നയിച്ചു.

പരിപാടിയുടെ സ്പോൺസർമാരായ സമ്പന്നരായ മധ്യവയസ്കരായ പുരുഷന്മാരുമായി അടുത്ത് ഇടപഴകാൻ സംഘാടകർ നിർബന്ധിച്ചു. വിനോദ പരിപാടികളിൽ പോലും വിശ്രമിക്കാൻ അനുവദിക്കാതെ തുടർച്ചയായി പങ്കെടുപ്പിച്ചു. സംഘാടകർ പഴഞ്ചൻ ചിന്താഗതിക്കാരാണെന്നും താൻ ഒരു ‘അഭിസാരികയാണോ’ എന്ന് തോന്നിത്തുടങ്ങിയപ്പോഴാണ് മത്സരത്തിൽ നിന്ന് പിന്മാറിയതെന്നും മില്ല വെളിപ്പെടുത്തി.

ഈ മാസം ഏഴിന് ഹൈദരാബാദിൽ എത്തിയ മില്ല 16-നാണ് മത്സരം വേണ്ടെന്ന് വെച്ച് മടങ്ങിയത്. എന്നാൽ, മില്ലയുടെ ആരോപണങ്ങൾ വസ്തുതാവിരുദ്ധമാണെന്ന് മിസ് വേൾഡ് ഓർഗനൈസേഷൻ പ്രതികരിച്ചു. മില്ലയുടെ അമ്മയുടെ അസുഖത്തെ തുടർന്നാണ് അവർക്ക് നാട്ടിലേക്ക് മടങ്ങേണ്ടി വന്നതെന്നും സംഘാടകർ എല്ലാ സഹായവും നൽകിയെന്നും അവർ അറിയിച്ചു. 

മില്ലയുടെ മുൻപത്തെ അഭിപ്രായങ്ങളുടെ എഡിറ്റ് ചെയ്യാത്ത വീഡിയോ ഉടൻ പുറത്തുവിടുമെന്നും സംഘാടകർ വ്യക്തമാക്കി. മില്ലയ്ക്ക് പകരം മിസ് ഇംഗ്ലണ്ട് മത്സരത്തിലെ രണ്ടാം സ്ഥാനക്കാരിയായ ഷാർലെറ്റ് ഗ്രാൻ്റ് മത്സരത്തിൽ പങ്കെടുക്കാൻ ഹൈദരാബാദിൽ എത്തിയിട്ടുണ്ട്.

മിസ് ഇംഗ്ലണ്ടിന്റെ വെളിപ്പെടുത്തലിനെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Summary: Miss England withdraws from Miss World pageant in Hyderabad, alleging assault harassment by organizers; organizers deny claims.

#MissEngland #MissWorld #Harassment #PageantScandal #Hyderabad #Controversy