മമ്മൂട്ടിയുടെ 75-ാം പിറന്നാൾ ദിനത്തിൽ സർപ്രൈസ്; നിതീഷ് സഹദേവ് ഒരുക്കുന്ന മാസ് ചിത്രം 'മേള' പ്രഖ്യാപിച്ചു, ഫസ്റ്റ് ലുക്ക് പോസ്റ്റർ പുറത്ത്

കൊച്ചി: (KVARTHA) നിതീഷ് സഹദേവ് സംവിധാനം ചെയ്യുന്ന മമ്മൂട്ടി ചിത്രത്തിൻ്റെ ടൈറ്റിൽ പ്രഖ്യാപിച്ചു. 'മേള' എന്നാണ് ചിത്രത്തിൻ്റെ പേര്. ഒപ്പം ഫസ്റ്റ് ലുക്ക് പോസ്റ്ററും അണിയറപ്രവർത്തകർ പുറത്തുവിട്ടു. ഫൈറ്റ് സീൻ കഴിഞ്ഞിരിക്കുന്ന തരത്തിലുള്ള മമ്മൂട്ടിയെ പോസ്റ്ററിൽ കാണാനാകും. മമ്മൂട്ടിയുടെ 75-ാം പിറന്നാളിനോട് അനുബന്ധിച്ചായിരുന്നു 'മേള'-യുടെ പ്രഖ്യാപനം.

മമ്മൂട്ടി കമ്പനിയുടെ ബാനറിൽ മമ്മൂട്ടി നിർമിക്കുന്ന ഒൻപതാം ചിത്രമാണിത്. മാത്രമല്ല, മമ്മൂട്ടി കമ്പനി ഇതുവരെ നിർമിച്ചതിൽ വെച്ച് ഏറ്റവും വലിയ ചിത്രം കൂടിയാണിത്. 'കളംകാവൽ' എന്ന ബ്ലോക്ക്ബസ്റ്റർ ചിത്രത്തിന് ശേഷം മമ്മൂട്ടി കമ്പനി നിർമിക്കുന്ന ചിത്രമാണിത്. പ്രേക്ഷകരും നിരൂപകരും ഒരുപോലെ പ്രശംസ ചൊരിഞ്ഞ എട്ട് ചിത്രങ്ങൾക്ക് ശേഷം മമ്മൂട്ടി കമ്പനി നിർമിക്കുന്ന ചിത്രമെന്ന നിലയിൽ വലിയ പ്രതീക്ഷകളോടെയാണ് ആരാധകരും സിനിമാ പ്രേമികളും മേളയ്ക്കായി കാത്തിരിക്കുന്നത്.

മെഗാ കാൻവാസിൽ മാസ് എൻ്റർടെയ്നർ

ഒരു പക്കാ മാസ് എൻ്റർടെയ്നർ ആയാണ് ചിത്രം ഒരുങ്ങുന്നത്. സംവിധായകൻ നിതീഷ് സഹദേവും അനുരാജ് ഒബിയും ചേർന്നാണ് ചിത്രം രചിച്ചിരിക്കുന്നത്. ആരാധകരുടെ ആവേശവും പ്രതീക്ഷയും വർധിപ്പിക്കുന്ന രീതിയിലാണ് ചിത്രത്തിൻ്റെ ഫസ്റ്റ് ലുക്ക് പോസ്റ്റർ ഒരുക്കിയിരിക്കുന്നത്. ജിംഷി ഖാലിദ് ആണ് ചിത്രത്തിന് ക്യാമറ ചലിപ്പിക്കുന്നത്. 

ജൂലൈ അവസാനം ആരംഭിച്ച ചിത്രത്തിൻ്റെ ചിത്രീകരണം ഇപ്പോൾ പുരോഗമിക്കുകയാണ്. മാസ് ലുക്കിലാണ് ചിത്രത്തിൽ മമ്മൂട്ടിയെ അവതരിപ്പിക്കുന്നത്. മമ്മൂട്ടിയുടെ ആക്ഷൻ, കോമഡി, മാസ് എന്നിവ കോർത്തിണക്കി എല്ലാത്തരം പ്രേക്ഷകരെയും തൃപ്തിപ്പെടുത്തുന്ന ഒരു മെഗാ കാൻവാസ് ചിത്രമായാണ് ഇതൊരുങ്ങുന്നത്.

മമ്മൂട്ടിക്കൊപ്പം വമ്പൻ താരനിരയാണ് ചിത്രത്തിൽ അണിനിരക്കുന്നത്. 'ഫാലിമി' എന്ന സൂപ്പർ ഹിറ്റ് ഒരുക്കി അരങ്ങേറ്റം കുറിച്ച നിതീഷ് സഹദേവ് അതിന് ശേഷം തമിഴിൽ 'തലൈവർ തമ്പി തലൈമയിൽ' എന്ന സൂപ്പർ ഹിറ്റും ഒരുക്കിയിരുന്നു. അദ്ദേഹം വീണ്ടും മലയാളത്തിൽ സംവിധാനം ചെയ്യുന്ന ചിത്രം എന്ന നിലയിലും ഈ പ്രോജക്ട് പ്രേക്ഷകർക്കിടയിൽ വലിയ ആവേശം സൃഷ്ടിക്കുന്നുണ്ട്. ചിത്രം 2027-ൽ തിയറ്ററുകളിലെത്തും. ചിത്രം കേരളത്തിൽ വിതരണം ചെയ്യുന്നത് ദുൽഖർ സൽമാൻ്റെ വേഫെറർ ഫിലിംസാണ്.

അണിയറപ്രവർത്തകർ

എക്സിക്യൂട്ടീവ് പ്രൊഡ്യൂസർ: ജോർജ് സെബാസ്റ്റ്യൻ, ലൈൻ പ്രൊഡ്യൂസർ: സുനിൽ സിങ്, പ്രൊജക്റ്റ് ഡിസൈനർ: അഗ്നിവേഷ് രഞ്ജിത്ത്, ഛായാഗ്രഹണം: ജിംഷി ഖാലിദ്, എഡിറ്റർ: ബ്ലെസ് തോമസ്, പ്രൊഡക്ഷൻ ഡിസൈൻ: ഷാജി നടുവിൽ, ആക്ഷൻ: കാർത്തികേയൻ, മേക്കപ്പ്: റോണക്സ് സേവ്യർ, സലാം, കോസ്റ്റ്യൂം ഡിസൈൻ: മെൽവി ജെ, അഭിജിത്, ചീഫ് അസോസിയേറ്റ് ഡയറക്ടർ: രതീഷ് എസ് പിള്ള, പ്രൊഡക്ഷൻ കൺട്രോളർ: അരോമ മോഹൻ, വിഎഫ്എക്സ് സൂപ്പർവൈസർ: തൗഫീഖ് ഹുസൈൻ, വിഎഫ്എക്സ്: എഗ്ഗ് വൈറ്റ് വിഎഫ്എക്സ്, അസോസിയേറ്റ് ഡയറക്ടേഴ്സ്: ആഷിഖ് സലാം, റിത്വിക് ലിമ രാമദാസ്, സ്റ്റിൽസ്: നവിൻ മുരളി, ടൈറ്റിൽ ആൻഡ് പോസ്റ്റേഴ്സ്: യെല്ലോടൂത്സ്, ഡിജിറ്റൽ മാർക്കറ്റിങ്: വിഷ്ണു സുഗതൻ, പിആർഒ: വൈശാഖ് സി വടക്കേവീട്, ജിനു അനിൽകുമാർ.

ഈ സിനിമാ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം 

Article Summary: On the occasion of his 75th birthday, Megastar Mammootty announced his upcoming mass entertainer titled 'Mela', directed by Nithish Sahadev and produced as the 9th project of Mammootty Kampany, which is slated for theatrical release in 2027 by Wayfarer Films.

#Kvartha #Mammootty #MelaMovie #Mammootty75 #MammoottyKampany #NithishSahadev #WayfarerFilms #MalayalamCinema #MollywoodUpdates #AmmuNews