‘മനുഷ്യരാണ് പ്രശ്‌നങ്ങൾ ഉണ്ടാക്കുന്നത്’; ജാസ്മിനെ പിന്തുണച്ച് മേജർ രവി

(KVARTHA) ഗുരുവായൂർ അമ്പലക്കുളത്തിൽ റീൽസ് ചിത്രീകരിച്ചതിന്റെ പേരിൽ വിമർശനം നേരിട്ട സോഷ്യൽ മീഡിയ ഇൻഫ്ലുവൻസറായ ജാസ്മിൻ ജാഫറിന് പിന്തുണയുമായി സംവിധായകൻ മേജർ രവി രംഗത്ത്. 

'ഇതൊക്കെ മനുഷ്യർ ഉണ്ടാക്കുന്ന പ്രശ്‌നങ്ങളാണ്' എന്നാണ് അദ്ദേഹം അഭിപ്രായപ്പെട്ടത്. ഒരു അഭിമുഖത്തിലാണ് മേജർ രവി നിലപാട് വ്യക്തമാക്കിയത്.

ബിഗ് ബോസ് റിയാലിറ്റി ഷോയിലൂടെ ശ്രദ്ധേയയായ ജാസ്മിൻ ജാഫർ ഗുരുവായൂർ ക്ഷേത്രക്കുളത്തിൽവെച്ച് റീൽസ് ചിത്രീകരിച്ച് സോഷ്യൽ മീഡിയയിൽ പങ്കുവെച്ചിരുന്നു. ഇതിനു പിന്നാലെ വലിയ രീതിയിലുള്ള സൈബർ ആക്രമണമാണ് അവർക്ക് നേരിടേണ്ടിവന്നത്. 

സംഭവത്തിൽ ക്ഷേത്രം അധികൃതർ പോലീസിൽ പരാതി നൽകുകയും ചെയ്തിരുന്നു. തുടർന്ന് ജാസ്മിൻ വീഡിയോ നീക്കം ചെയ്യുകയും മാപ്പ് പറയുകയും ചെയ്തിരുന്നു.

അഹിന്ദുവായ ജാസ്മിൻ ക്ഷേത്രക്കുളത്തിൽ ഇറങ്ങിയതുകൊണ്ട് ക്ഷേത്രത്തിൽ പുണ്യാഹം നടത്തുകയും ആറ് ദിവസത്തെ പൂജകളും ശീവേലിയും ആവർത്തിക്കുകയും ചെയ്തിരുന്നു. 

ഈ വിഷയത്തെക്കുറിച്ചുള്ള ചോദ്യത്തിന് മേജർ രവിയുടെ പ്രതികരണം ഇങ്ങനെയായിരുന്നു: ‘എന്റെ കാഴ്ചപ്പാട് ഇങ്ങനെയാണ്, ആര് കയറി, ആര് കയറിയില്ല എന്നൊക്കെ കൃഷ്ണന് കാണാൻ പറ്റുന്നുണ്ട്. മൂപ്പർ ഒരു പ്രശ്‌നവും ഉണ്ടാക്കുന്നില്ലല്ലോ. നിങ്ങൾ ഇത് അറിഞ്ഞതുകൊണ്ട് മാത്രമല്ലേ, മനുഷ്യന്മാരുണ്ടാക്കുന്ന പ്രശ്‌നമാണിത്.’ ജാസ്മിൻ അറിയപ്പെടുന്ന ഒരു വ്യക്തിയായതുകൊണ്ടാണ് ഈ സംഭവം വലിയ വിവാദമായതെന്നും, എന്നാൽ അറിയാതെ എത്രയോ ആളുകൾ ക്ഷേത്രത്തിൽ പ്രവേശിച്ചിട്ടുണ്ടാകാമെന്നും അദ്ദേഹം പറഞ്ഞു. 

റീൽസ് ചിത്രീകരിച്ചത് ഹൈകോടതി നിരോധനമുള്ള നടപ്പുരയിലാണെന്ന് ചൂണ്ടിക്കാട്ടിയാണ് ജാസ്മിനെതിരെ പരാതി നൽകിയിരുന്നത്. മതവികാരം വ്രണപ്പെടുത്താനും കലാപം സൃഷ്ടിക്കാനും ശ്രമിച്ചു എന്നുള്ള ആരോപണങ്ങളും പരാതിയിൽ ഉണ്ടായിരുന്നു.

ഈ വാർത്തയെക്കുറിച്ചുള്ള നിങ്ങളുടെ പ്രതികരണം കമന്റ് ചെയ്യൂ, കൂടുതൽ ആളുകളിലേക്ക് എത്തിക്കാൻ ഷെയർ ചെയ്യൂ.

Article Summary: Major Ravi supports social media influencer Jasmin Jaffer in Guruvayur temple reels controversy.

#MajorRavi #JasminJaffer #GuruvayurTemple #KeralaNews #Controversy #SocialMedia