അതിഥി തൊഴിലാളികളോടുള്ള കരുതലിന് ആദരം; കൊല്ക്കത്തയിലെ ദുര്ഗാപൂജ പന്തലില് ആരാധകരുടെ 'സൂപ്പര് ഹീറോ'യുടെ പ്രതിമ
Oct 23, 2020, 08:57 IST
ADVERTISEMENT
കൊല്ക്കത്ത: (www.kvartha.com 23.10.2020) കൊല്ക്കത്തയിലെ ദുര്ഗാപൂജ പന്തലില് സമൂഹമാധ്യമങ്ങളും ആരാധകരും സൂപ്പര് ഹീറോ എന്ന് വിളിക്കുന്ന ബോളിവുഡ് താരം സോനു സൂദിന്റെ പ്രതിമയാണ്. കാരണം സോനുവിന്റെ സല്പ്രവൃത്തിയും സമൂഹനന്മയും ഉന്നമിട്ടുള്ള നിസ്വാര്ത്ഥ സേവനത്തിനാണ് ഈ ആദരം. ലോക്ക്ഡൗണില് കുടുങ്ങിപ്പോയ നിരവധി അതിഥി തൊഴിലാളികളെ നാട്ടിലെത്തിച്ചതിന്, മഹാരാഷ്ട്രയിലെ തന്റെ ആറു നിലയുള്ള ആഡംബര ഹോട്ടല് ആരോഗ്യപ്രവര്ത്തകര്ക്ക് താമസിക്കാനായി വിട്ടു നല്കിയതിന്, ഇതോക്കെയാണ് താരത്തിന് സൂപ്പര് ഹീറോ പരിവേഷം നല്കിയത്.
അതിഥി തൊഴിലാളികളെ നാട്ടിലെത്തിച്ചതിന് സോനു സൂദിന് ആദരം അര്പ്പിക്കുകയാണ് കൊല്ക്കത്തയിലെ ദുര്ഗാപന്തല്. ജീവനുറ്റ സോനുവിന്റെ പ്രതിമ സ്ഥാപിച്ചാണ് അധികൃതര് സോനുവിന് ആദരം അര്പ്പിക്കുന്നത്. കെഷ്തോപൂര് പ്രഫുല്ല കാനന് ദുര്ഗാ പൂജ കമ്മിറ്റിയുടെ നേതൃത്വത്തിലാണ് ദുര്ഗാ പൂജയ്ക്കുള്ള പന്തലില് സോനു സൂദിന്റെ പ്രതിമ സ്ഥാപിച്ചിരിക്കുന്നത്.
അതിഥി തൊഴിലാളി കൊണ്ടു പോകുന്നതിനുള്ള ഒരു ബസിന്റെ പശ്ചാത്തലത്തിലാണ് സോനുവിന്റെ പ്രതിമ സ്ഥാപിച്ചിരിക്കുന്നത്. അതേസമയം, തന്റെ ജീവിതത്തില് ലഭിച്ച ഏറ്റവും വലിയ അംഗീകാരമാണ് ഈ പ്രതിമയെന്ന് സോനു ട്വീറ്റ് ചെയ്തു.
സോനുവിനെ കൂടാതെ അതിഥി തൊഴിലാളികളുടെ പാലായനം പശ്ചാത്തമാക്കി നിരവധി പ്രതിമകള് ദുര്ഗാപൂജ പന്തലില് ഒരുക്കിയിട്ടുണ്ട്.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
