പേടിപ്പിക്കും ചിരിപ്പിക്കും ഈ 'കണിമംഗലം കോവിലകം'; വൈറൽ താരങ്ങളുടെ വൈബ് ട്രെയിലർ പുറത്ത്

(KVARTHA) മലയാളത്തിലെ ഹിറ്റ് വെബ് സീരീസ് 'കണിമംഗലം കോവിലകം' സിനിമയാകുന്നു എന്ന വാർത്തകൾക്കും ചിത്രത്തിന്റെ പ്രൊമോ ഗാനങ്ങൾക്കും പിന്നാലെ സിനിമയുടെ ട്രെയിലർ പുറത്തിറങ്ങി. 'തീപ്പൊരി ബെന്നി' എന്ന ചിത്രത്തിലൂടെ ശ്രദ്ധേയനായ രാജേഷ് മോഹൻ രചനയും സംവിധാനവും നിർവഹിക്കുന്ന ചിത്രം, യുവത്വത്തിന്റെ കഥയാണ് പറയുന്നതെന്ന സൂചനയോടെയാണ് ട്രെയിലർ അവതരിപ്പിച്ചിരിക്കുന്നത്.

കോളേജ്–ഹോസ്റ്റൽ ജീവിതവും സൗഹൃദ നിമിഷങ്ങളും ഉൾക്കൊള്ളുന്ന ട്രെയിലർ, സിനിമ ഒരു പൂർണ്ണ ഫൺ റൈഡ് ആയിരിക്കുമെന്ന പ്രതീക്ഷയാണ് നൽകുന്നത്. അതോടൊപ്പം ഇതൊരു ഹൊറർ–കോമഡി ജോണറിലുള്ള ചിത്രമാണെന്ന സൂചനയും ട്രെയിലറിലുണ്ട്. 

മുഹമ്മദ് റാഫി, അജ്മൽ ഖാൻ, അഭി കൃഷ്, ടോണി കെ ജോസ്, അനൂപ് മുടിയൻ, വിഘ്നേഷ്, സാന്ദ്ര ചാണ്ടി, അമൃത അമ്മൂസ്, ഹിഫ്രാസ്, സിജോ സാജൻ, റിഷാദ് എൻ കെ, ഗോപു നായർ, അശ്വന്ത് അനിൽകുമാർ, ധനിൽ ശിവറാം എന്നിവർ ഉൾപ്പെടെയുള്ള വലിയ താരനിരയാണ് ചിത്രത്തിലുള്ളത്. കൂടാതെ ചലച്ചിത്ര താരങ്ങളായ സ്മിനു സിജോ, ശരത് സഭ തുടങ്ങിയവരും പ്രധാന വേഷങ്ങളിലെത്തുന്നു.

യുവപ്രേക്ഷകർക്കും കുടുംബങ്ങൾക്കും ഒരുപോലെ ആസ്വാദ്യകരമായ രീതിയിലാണ് ചിത്രം ഒരുക്കിയിരിക്കുന്നത്. ചിത്രം ഫെബ്രുവരിയിൽ തിയേറ്ററുകളിൽ പ്രദർശനത്തിനെത്തും.

ക്ലാപ്പ് ബോർഡ്‌ ഫിലിംസ്, ബ്രിട്ടീഷ് സിനിമാസ് എന്നീ ബാനറുകളിൽ ഹാരിസ് മൊയ്ദൂട്ടി, രാജേഷ് മോഹൻ, ജിഷ്ണു ശങ്കർ, ശ്രീധർ ചേനി എന്നിവർ ചേർന്നാണ് ചിത്രം നിർമ്മിക്കുന്നത്. അജയ് ഫ്രാൻസിസ് ജോർജ് ഛായാഗ്രഹണവും പ്രേംസായ് എഡിറ്റിംഗും നിർവഹിക്കുന്നു. 

പ്രൊഡക്ഷൻ ഡിസൈൻ- അരുൺ വെഞ്ഞാറമ്മൂട്, കലാസംവിധാനം- അനൂപ് വിജയകുമാർ, വസ്ത്രാലങ്കാരം- സുനിൽ ജോർജ്, കൊറിയോഗ്രഫി- ഷെരീഫ് മാസ്റ്റർ, പ്രൊഡക്ഷൻ കൺട്രോളർ- ഗിരീഷ് കൊടുങ്ങല്ലൂർ, കളറിസ്റ്റ്- ദീപക് ഗംഗാധരൻ, മേക്കപ്പ്- സുധി സുരേന്ദ്രൻ, ആക്ഷൻ കൊറിയോഗ്രാഫർ- അഭിഷേക് ശ്രീനിവാസ്, സ്റ്റണ്ട്സ്- അഷ്‌റഫ്‌ ഗുരുക്കൾ, ഫൈനൽ മിക്സിങ്- ഡാൻ ജോസ് എന്നിവരാണ് മറ്റ് അണിയറ പ്രവർത്തകർ.

കണിമംഗലം കോവിലകം ട്രെയിലർ കണ്ടോ? ഇഷ്ടപ്പെട്ടെങ്കിൽ കൂട്ടുകാർക്കും ഷെയർ ചെയ്യൂ. 

Article Summary: The trailer of 'Kanimangalam Kovilakam', based on the popular web series, is out. Directed by Rajesh Mohan, the horror-comedy is set for a February release.

#KanimangalamKovilakam #MalayalamCinema #HorrorComedy #TrailerOut #NewRelease #WebSeriesToMovie