ജിഷിനും അമേയയും വിവാഹിതരായി; സോഷ്യൽ മീഡിയ വിമർശനങ്ങൾക്ക് ഇരുവരും നൽകിയ മറുപടി ഇതാ 

കൊച്ചി: (KVARTHA) മിനിസ്ക്രീൻ താരങ്ങളായ ജിഷിൻ മോഹനും അമേയ നായരും വിവാഹിതരായി. ഏറെ നാളത്തെ പ്രണയത്തിനും ലിവിങ് റിലേഷനും ശേഷമാണ് ഇരുവരും തങ്ങളുടെ ബന്ധം ഔദ്യോഗികമാക്കാൻ തീരുമാനിച്ചത്. ഗുരുവായൂർ ശ്രീകൃഷ്ണ ക്ഷേത്രത്തിൽ വെച്ച് അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ ലളിതമായ ചടങ്ങിലായിരുന്നു വിവാഹം. ഇരുവരുടെയും രണ്ടാം വിവാഹമാണിത്.

വിമർശകർക്ക് മറുപടിയുമായി ജിഷിൻ

വിവാഹശേഷം ഇരുവരും ഒന്നിച്ചെത്തിയ പുതിയ അഭിമുഖത്തിൽ സോഷ്യൽ മീഡിയയിൽ ഉയർന്നു വന്ന വിമർശനങ്ങൾക്ക് ജിഷിൻ മറുപടി നൽകുന്നുണ്ട്. 'ഇവൻ ഇവളേയും കളഞ്ഞിട്ട് പോകുമെന്ന് വരെ ആളുകൾ പറഞ്ഞിരുന്നു. അവരോടായി എനിക്ക് പറയാനുള്ളത് ഇതാണ്, ഞങ്ങൾ രണ്ട് വർഷം ഒരുമിച്ച് താമസിച്ച ശേഷമാണ് വിവാഹം കഴിക്കാമെന്ന് തീരുമാനിച്ചത്. 

ലിവിങ് റിലേഷനിൽ നിന്ന് പരസ്പരം മനസിലാക്കിയ ശേഷം വിവാഹം കഴിച്ചാൽ മതി. ജീവിതം വെച്ച് കളിക്കുമ്പോൾ പറ്റുമോയെന്ന് തോന്നിയാൽ മാത്രം മതി വിവാഹം. എന്തൊക്കെ തല്ലും വഴക്കുമുണ്ടായാലും ഞാൻ ഇവളെ വിട്ടും ഇവൾ എന്നെ വിട്ടും പോകില്ലെന്ന് പൂർണ്ണമായി ബോധ്യമായ ശേഷമാണ് ഞങ്ങൾ വിവാഹിതരായത്', ജിഷിൻ കൂട്ടിച്ചേർത്തു.

തെറ്റിദ്ധാരണകൾ മാറ്റാൻ ബിഗ് ബോസിന് ശേഷം തീരുമാനം

വിവാഹം കഴിക്കാമെന്ന തീരുമാനം തൻ്റെ ഭാഗത്തുനിന്നുണ്ടായതാണെന്നും, ബിഗ് ബോസ് ഷോയ്ക്ക് ശേഷം അമേയയോട് ഇക്കാര്യം സംസാരിക്കുകയുമായിരുന്നുവെന്നും ജിഷിൻ പറയുന്നു. ബിഗ് ബോസിൽ വെച്ച് അമേയയെ വിവാഹം കഴിക്കണമെന്ന് താൻ ആഗ്രഹിച്ചത് കേവലം ഷോയുടെ ഭാഗമായുള്ള കണ്ടൻ്റിന് വേണ്ടിയല്ല, മറിച്ച് ആളുകളുടെ ഇടയിലുള്ള തെറ്റിദ്ധാരണകൾ മാറ്റാൻ കൂടിയാണെന്ന് അദ്ദേഹം വ്യക്തമാക്കി. 

നിയമപരമായി വിവാഹം കഴിച്ചതോടെ തങ്ങൾക്ക് കൂടുതൽ സുരക്ഷിതത്വവും സമാധാനവും അനുഭവപ്പെടുന്നുണ്ടെന്ന് ഇരുവരും പറയുന്നു. വളരെ സിംപിളായി വിവാഹം നടത്താനാണ് ആഗ്രഹിച്ചതെന്നും, സമയം നോക്കിയപ്പോൾ കുടുംബാംഗങ്ങൾ ഗുരുവായൂരിൽ വെച്ച് തന്നെ വേണമെന്ന് നിർദേശിക്കുകയായിരുന്നുവെന്നും ഇരുവരും അഭിമുഖത്തിൽ പറഞ്ഞു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: TV stars Jishin Mohan and Ameya Nair got married in a simple ceremony at Guruvayur Temple after a period of living together. Jishin addressed social media criticisms, stating they decided to marry only after being confident in their commitment to each other, and emphasized that their decision was aimed at clearing misconceptions.

#JishinAmeyaWedding #MalayalamTelevision #MiniscreenStars #JishinMohan #AmeyaNair #GuruvayurTemple #CelebrityNews