മുത്തുവേൽ പാണ്ഡ്യനായി വീണ്ടും രജനികാന്ത്; 'ജയിലർ 2' കേരളത്തിൽ റെക്കോർഡ് റിലീസിന്, കൗണ്ട്ഡൗൺ പോസ്റ്റർ പുറത്ത്; ആദ്യ ഷോ പുലർച്ചെ 6 ന്

കൊച്ചി: (KVARTHA) രജനികാന്തിനെ നായകനാക്കി നെൽസൺ സംവിധാനം ചെയ്യുന്ന ബിഗ് ബജറ്റ് ചിത്രം 'ജയിലർ 2' റിലീസിന് ഇനി വെറും ആറ് ദിവസം മാത്രം. ചിത്രത്തിന്റെ റിലീസിനോട് അനുബന്ധിച്ചുള്ള പുതിയ കൗണ്ട്ഡൗൺ പോസ്റ്റർ അണിയറ പ്രവർത്തകർ പുറത്തുവിട്ടു. ഒക്ടോബർ 15-നാണ് സിനിമയുടെ ആഗോള റിലീസ്. ബ്ലോക്ക്ബസ്റ്റർ വിജയമായ 'ജയിലർ'ക്ക് ശേഷം മുത്തുവേൽ പാണ്ഡ്യനായി രജനികാന്ത് വീണ്ടും എത്തുന്ന ചിത്രമെന്ന നിലയിൽ വലിയ പ്രതീക്ഷയാണ് 'ജയിലർ 2' പ്രേക്ഷകരിൽ ഉണ്ടാക്കിയിരിക്കുന്നത്.   

കേരളത്തിൽ വമ്പൻ റിലീസിന് ശ്രീ ഗോകുലം മൂവീസ്

ജയിലർ രണ്ടാം ഭാഗത്തിന് കേരളത്തിൽ വലിയ വരവേൽപ്പാണ് ലഭിക്കാൻ പോകുന്നത്. പുലർച്ചെ ആറ് മണിക്ക് തന്നെ ചിത്രത്തിന്റെ ആദ്യ പ്രദർശനം ആരംഭിക്കും. ഗോകുലം ഗോപാലന്റെ ശ്രീ ഗോകുലം മൂവീസ് റെക്കോർഡ് തുകയ്ക്കാണ് കേരളത്തിലെ വിതരണാവകാശം സ്വന്തമാക്കിയത്. കേരളത്തിൽ ഓൾ ടൈം റെക്കോർഡ് റിലീസാണ് ചിത്രത്തിന് ഒരുക്കുന്നത്. ഡ്രീം ബിഗ് ഫിലിംസാണ് ചിത്രത്തിന്റെ കേരളത്തിലെ ഡിസ്ട്രിബ്യൂഷൻ പാർട്ണർ. സൺ പിക്ചേഴ്സിന്റെ ബാനറിൽ കലാനിധി മാരൻ നിർമിക്കുന്ന ചിത്രം കർണാടകയിൽ വിതരണം ചെയ്യുന്നതും ശ്രീ ഗോകുലം മൂവീസ് ആണ്. റിലീസ് തീയതി അടുത്തതോടെ കേരളത്തിലെ രജനികാന്ത് ആരാധകരെ ആവേശത്തിലാക്കിക്കൊണ്ട് ചിത്രത്തിന്റെ അഡ്വാൻസ് ബുക്കിങ് വരും ദിവസങ്ങളിൽ തന്നെ ആരംഭിക്കും.   

ലാലേട്ടനും സുരാജും; കാത്തിരിപ്പോടെ മലയാളികൾ   

ആദ്യ ഭാഗത്തിലെ കഥാപാത്രങ്ങൾക്കൊപ്പം പുതിയ താരങ്ങളെയും അണിനിരത്തിയാണ് രണ്ടാം ഭാഗം ഒരുക്കിയിരിക്കുന്നത്. ആദ്യ ഭാഗത്തിൽ അതിഥി വേഷത്തിലെത്തിയ മോഹൻലാലും ശിവരാജ്കുമാറും രണ്ടാം ഭാഗത്തിലും എത്തുന്നുണ്ട്. ട്രെയിലറിൽ മോഹൻലാലിനെ മാസ് ലുക്കിൽ അവതരിപ്പിച്ചതും മലയാളി പ്രേക്ഷകർക്കിടയിൽ ചിത്രത്തിന്റെ ആവേശം വർധിപ്പിച്ചിട്ടുണ്ട്.   

ദിലീപ് എന്ന് പേരുള്ള കഥാപാത്രമായി അതിനിർണായകമായ വില്ലൻ വേഷത്തിൽ ചിത്രത്തിൽ സുരാജ് വെഞ്ഞാറമൂട് എത്തുന്നു എന്നതാണ് മറ്റൊരു പ്രത്യേകത. ഇതിന്റെ സൂചനയും ട്രെയിലറിലുണ്ട്. എസ്.ജെ. സൂര്യ, വിദ്യ ബാലൻ, മിഥുൻ ചക്രവർത്തി, യോഗി ബാബു, ഹക്കീം ഷാജഹാൻ തുടങ്ങിയവരും ചിത്രത്തിന്റെ താരനിരയിലുണ്ട്.   

ആദ്യ ഭാഗത്തേക്കാൾ വലിയ കാൻവാസിലുള്ള മാസ് ആക്ഷൻ എന്റർടെയ്നറായിരിക്കും രണ്ടാം ഭാഗമെന്നാണ് സൂചന. ആക്ഷൻ രംഗങ്ങൾ, പഞ്ച് ഡയലോഗുകൾ, സ്റ്റൈലിഷ് അവതരണം, വൈകാരിക രംഗങ്ങൾ, നെൽസൺ ദിലീപ്കുമാറിന്റെ ബ്ലാക്ക് ഹ്യൂമർ എന്നിവയ്ക്കൊപ്പം അനിരുദ്ധ് രവിചന്ദറിന്റെ സംഗീതവും പശ്ചാത്തല സംഗീതവും ചിത്രത്തിന്റെ പ്രധാന ആകർഷണങ്ങളാകും. ചിത്രത്തിലെ 'അല്ല ബോലലോ' ഉൾപ്പെടെയുള്ള ഗാനങ്ങൾ ഇതിനോടകം ശ്രദ്ധ നേടിയിട്ടുണ്ട്.

പ്രധാന അണിയറ പ്രവർത്തകർ   

രചന, സംവിധാനം: നെൽസൺ ദിലീപ്കുമാർ, നിർമാതാവ്: കലാനിധി മാരൻ, ബാനർ: സൺ പിക്ചേഴ്സ‌സ്, സംഗീതം: അനിരുദ്ധ് രവിചന്ദർ, ഛായാഗ്രഹണം: വിജയ് കാർത്തിക് കണ്ണൻ, എഡിറ്റിങ്: ആർ. നിർമൽ,  പ്രൊഡക്ഷൻ ഡിസൈനർ: ഡോ. കെ. കിരൺ, ആക്ഷൻ: ചേതൻ ഡി'സൂസ, കോസ്റ്റ്യൂം ഡിസൈൻ: പല്ലവി സിങ്, മുതുൽ ഹഫീസ്,  സൗണ്ട് മിക്സ്: സുരേൻ ജി, സൗണ്ട് ഡിസൈൻ: സുരേൻ ജി, എസ്. അളഗിയകൂത്തൻ, കളറിസ്റ്റ്: ആൻഡ്രിയാസ് ബ്രൂക്കൽ (ഡിഐ ലാബ്: അന്നപൂർണ സ്റ്റുഡിയോസ്), വിഎഫ്എക്സ‌് പ്രൊഡ്യൂസർ: സന്തോഷ് രാജു, മേക്കപ്പ്: പട്ടണം റഷീദ്, സി. ഹരിനാഥ്, സ്റ്റിൽസ്: വി. സിത്തിരസു, പബ്ലിസിറ്റി ഡിസൈൻ: കബിലൻ ചെല്ലയ്യ, പ്രൊഡക്ഷൻ കൺട്രോളർ: ഡി. രമേഷ് കുച്ചിരായർ, ആർ.എസ്. സുരേഷ് മണിയൻ, എക്സിക്യൂട്ടീവ് പ്രൊഡ്യൂസർ: സുനിൽ റെഡ്ഡി, പിആർഒ: ശബരി.

കൂടുതൽ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്. 

Article Summary: Rajinikanth's 'Jailer 2' releases on Oct 15 with 6 AM early shows in Kerala.   

#Jailer2 #Rajinikanth #Mohanlal #NelsonDilipkumar #SunPictures #SurajVenjaramoodu #MalayalamCinemaNews #AnirudhRavichander #Kvartha #AnjanaNews