സോഷ്യൽ മീഡിയ ഇൻഫ്ലുവൻസറായ ഇച്ചാപ്പി ഗർഭിണിയാണോ എന്ന ആരാധകരുടെ ചോദ്യങ്ങൾക്ക് മറുപടിയുമായി താരവും ഭർത്താവ് സൗരവും

കൊച്ചി: (KVARTHA) സോഷ്യൽ മീഡിയ ഇൻഫ്ലുവൻസറായ 'ഇച്ചാപ്പി' എന്ന ശ്രീലക്ഷ്മിയും ഭർത്താവ് സൗരവും തങ്ങളുടെ പുതിയ വ്ലോഗിലൂടെ ആരാധകരുടെ ചോദ്യങ്ങൾക്ക് മറുപടി നൽകി. വിവാഹശേഷവും വ്ലോഗുകളുമായി സജീവമായ ഇച്ചാപ്പിയുടെ വീഡിയോകളിൽ ഇപ്പോൾ ഭർത്താവും സ്ഥിരസാന്നിധ്യമാണ്. ഇച്ചാപ്പി ഗർഭിണിയാണോ എന്നതായിരുന്നു ആരാധകർ ഏറ്റവും കൂടുതൽ ചോദിച്ച ചോദ്യം. ഇതിന് വ്യക്തമായ മറുപടിയാണ് ഇരുവരും നൽകിയത്.

ഗ്ലോ വന്നു, പക്ഷേ ഗർഭിണിയല്ല

'അവൾ കുറച്ച് തടിച്ചിട്ടുണ്ട്, സുന്ദരിയായിട്ടുണ്ട്, ഗ്ലോ വന്നിട്ടുണ്ട്. പക്ഷേ ഗർഭിണിയല്ല. ഇപ്പോൾ ഞങ്ങൾ അങ്ങനെ ഒരു തീരുമാനത്തിലേക്ക് പോകുന്നില്ല' എന്ന് സൗരവാണ് ആദ്യം വ്യക്തമാക്കിയത്. കല്യാണം കഴിഞ്ഞിട്ടേയുള്ളൂവെന്നും തങ്ങൾ മാത്രമുള്ള ജീവിതം കുറച്ചുകൂടെ ആസ്വദിക്കണമെന്നാണ് ആഗ്രഹിക്കുന്നതെന്നും ഇച്ചാപ്പിയും കൂട്ടിച്ചേർത്തു. ചെറിയ വീട്ടിലെ ചെറിയ സൗകര്യങ്ങളിൽ നിന്നും കണ്ടൻ്റുകൾ സൃഷ്ടിച്ചു തുടങ്ങിയ ഇച്ചാപ്പി, 19-ാം വയസിൽ സ്വന്തം അധ്വാനം കൊണ്ട് വീടു വെച്ച കഥ സമൂഹമാധ്യമങ്ങളിൽ വൈറലായിരുന്നു.

കുഞ്ഞ് വലിയൊരു ഉത്തരവാദിത്തം

ഇപ്പോൾ ഒരു വാടക വീട്ടിലാണുള്ളതെന്നും ഒന്ന് സെറ്റിൽ ആയിട്ട് മതി കുട്ടികൾ എന്നതാണ് ഇപ്പോഴത്തെ തീരുമാനമെന്നും ഇരുവരും പറഞ്ഞു. 'വളരെ നേരത്തെ കല്യാണം കഴിഞ്ഞതുകൊണ്ട് തന്നെ ആ പക്വത ഞങ്ങൾക്ക് വന്നിട്ടില്ല. കുഞ്ഞ് എന്നത് വലിയൊരു ഉത്തരവാദിത്തമാണ്. ഒരുപാട് കഷ്ടപ്പാടുകൾ അനുഭവിച്ചിട്ടുള്ളവരാണ് ഞങ്ങൾ രണ്ടുപേരും. 

നാളെ ഞങ്ങൾക്കൊരു കുഞ്ഞ് ഉണ്ടാകുമ്പോൾ അത്തരമൊരു സാഹചര്യത്തിലൂടെ അവർ കടന്നുപോകരുതെന്നുണ്ട്. അത്തരമൊരു സുരക്ഷിതത്വ ബോധം ഞങ്ങൾക്കുണ്ടാകണം' എന്ന് ഇച്ചാപ്പി വ്യക്തമാക്കി. സ്വപ്നങ്ങളുടെ ആദ്യ പടികൾ വെച്ചുതുടങ്ങിയതേയുള്ളൂവെന്നും കൃത്യമായ സാഹചര്യം വരുമ്പോൾ കുഞ്ഞിനെ കുറിച്ച് ആലോചിക്കുമെന്നും ഇവർ പറയുന്നു.

ഈ വാർത്ത നിങ്ങളുടെ സുഹൃത്തുക്കൾക്കും പങ്കുവെക്കുക. പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: Social media influencer Sreelakshmi, popularly known as Ichappi, and her husband Saurav have addressed pregnancy rumors in their latest vlog. Clarifying that she is not pregnant, Saurav mentioned that her recent glow and weight gain led to the speculation.

#Ichappi #Sreelakshmi #Saurav #MalayalamVlogger #SocialMediaInfluencer #EntertainmentNews #AmmuNews