സാമ്പത്തിക തട്ടിപ്പ് കേസ്; നടി ലീന മരിയ പോളിനെ കസ്റ്റഡിയില് വിട്ടു
Sep 6, 2021, 17:57 IST
ADVERTISEMENT
ന്യൂഡെല്ഹി: (www.kvartha.com 06.09.2021) സാമ്പത്തിക തട്ടിപ്പ് കേസില് അറസ്റ്റിലായ നടി ലീന മരിയ പോളിനെ 15 ദിവസത്തേക്ക് കസ്റ്റഡിയില് വിട്ടു. സാമ്പത്തിക കുറ്റാന്വേഷണ വിഭാഗത്തിന്റെ കസ്റ്റഡിയിലാണ് വിട്ടത്. ലീനയടക്കം 3 പേരെയാണ് സാമ്പത്തിക കുറ്റാന്വേഷണ വിഭാഗത്തിന്റെ കസ്റ്റഡിയില് വിട്ടിരിക്കുന്നത്. 2 പേരെ 7 ദിവസത്തെ പൊലീസ് കസ്റ്റഡിയിലും വിട്ടിട്ടുണ്ട്.
വ്യവസായിയുടെ ഭാര്യയെ കബളിപ്പിച്ച് 200 കോടി രൂപ തട്ടിയെടുത്ത കേസില് ഞായറാഴ്ചയാണ് ലീന മരിയ പോളിനെ ഡെല്ഹി പൊലീസ് അറസ്റ്റ് ചെയ്തത്. മുന് ഫോര്ടിസ് ഹെല്ത് കെയറിന്റെ മുന് പ്രമോടര് ശിവേന്ദര് സിങ്ങിന്റെ ഭാര്യയില് നിന്നാണ് സുകേഷും സംഘവും 200 കോടി വാങ്ങി തട്ടിപ്പ് നടത്താന് പദ്ധതിയിട്ടത്. വായ്പ തട്ടിപ്പ്, കള്ളപണം വെളുപ്പിക്കല് തുടങ്ങിയ കുറ്റങ്ങള്ക്ക് ജയിലില് കഴിയുന്ന ശിവേന്ദര് സിങ്ങിനെയും സഹോദരന് മല്വീന്ദര് മോഹന് സിങ്ങിനെയും പുറത്തിറക്കാന് 200 കോടി രൂപ ആവശ്യപ്പെടുകയായിരുന്നു. ചെന്നൈ സ്വദേശി സുകേഷ് ചന്ദ്രശേഖര് ഉള്പെട്ടതാണ് കേസ്.
നിലവില് പൊലീസ് കസ്റ്റഡിയിലുള്ള സുകേഷ് ഉപയോഗിച്ച ഫോണ് വിദഗ്ധ പരിശോധനയ്ക്കായി ഗുജറാത്തിലെ ലബോറടറിയിലേക്ക് അയച്ചിരിക്കുകയാണ്. കേസുമായി ബന്ധപ്പെട്ട് ഇഡി ലീന മരിയ പോളിനെ ചോദ്യം ചെയ്തിരുന്നു. സുകേഷ് ചന്ദ്രശേഖറുടെ പങ്കാളിയായിരുന്ന ലീന മരിയ പോള്. കാനറ ബാങ്കിന്റെ അമ്പത്തൂര് ശാഖയില് നിന്നും 19 കോടിയും വസ്ത്രവ്യാപാരിയെ കബളിപ്പിച്ച് 62 ലക്ഷവും തട്ടിയെടുത്ത കേസിലും 2013 മേയില് ഇരുവരും അറസ്റ്റിലായിരുന്നു.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
