(KVARTHA) ‘എമ്പുരാൻ’ സിനിമയുമായി ബന്ധപ്പെട്ട വിവാദങ്ങൾ തുടരുന്നതിനിടെ, സംവിധായകനും നടനുമായ മേജർ രവി കൂടുതൽ വിശദീകരണങ്ങളുമായി രംഗത്ത്.
മോഹൻലാൽ ചിത്രം മുഴുവനായി കാണുന്നുണ്ടായിരുന്നില്ലെന്നും, സിനിമയിലെ ചില വിവാദഭാഗങ്ങൾ ഒഴിവാക്കാൻ മോഹൻലാൽ ആവശ്യപ്പെട്ടിരുന്നതായി മേജർ രവി നേരത്തെ പറഞ്ഞിരുന്നു. ഇതിനു പിന്നാലെയാണ് നടിയും പൃഥ്വിരാജിന്റെ അമ്മയുമായ മല്ലിക സുകുമാരൻ രൂക്ഷവിമർശനവുമായി രംഗത്തെത്തിയത്.
‘പൃഥ്വിരാജ് ആരെയും ചതിച്ചിട്ടില്ല. മോഹൻലാൽ അങ്ങനെ ഒരിക്കലും പറയും എന്ന് കരുതില്ല. മേജർ രവി പൃഥ്വിരാജിനെ വേട്ടയാടുകയാണ്. ഇത് വേണ്ട കാര്യമല്ല’ - മല്ലിക അഭിപ്രായപ്പെട്ടു. പട്ടാള ഗ്രൂപ്പുകളിൽ ചില ആശയങ്ങൾ വന്നതിനെ തുടർന്ന് പ്രതികരിച്ചുവെന്നാണ് രവി വിശദീകരിച്ചത്.
‘ഞാൻ എപ്പോഴും മോഹൻലാലിനൊപ്പം നിലകൊള്ളുന്നവനാണ്. പൃഥ്വിരാജിനെതിരെ നേരിട്ട് ഒന്നും പറഞ്ഞിട്ടില്ല. സിനിമ സാങ്കേതികമായി മികച്ചതാണ്, എന്നാൽ രാജ്യദ്രോഹപരമായ ഉള്ളടക്കമുണ്ടെന്ന് ആരോപണങ്ങൾ ഉണ്ട്. അതിനാൽ ഞാൻ സംസാരിച്ചത് ജനങ്ങൾ രംഗത്തിറങ്ങിയ ശേഷമാണ്.’
‘മല്ലിക ചേച്ചിയുടെ മോനേ ഒറ്റപ്പെടുത്തി എന്നൊന്നും ഞാൻ പറഞ്ഞിട്ടില്ല. സത്യാവസ്ഥ മറച്ച് സിനിമ ചെയ്യുകയാണെന്ന് മാത്രമാണ് ഞാൻ പറഞ്ഞത്. മോഹൻലാലിനെ ആരെങ്കിലും കുറ്റപ്പെടുത്തി എങ്കിൽ പ്രതികരിക്കാൻ എനിക്ക് ആരുടെയും അനുവാദം വേണ്ട. ഞാനാകെ അദ്ദേഹത്തിൻ്റെ ചങ്കാണ്, എന്നും രവി പറഞ്ഞു.
സൈബർ ആക്രമണങ്ങളെ താൻ ഭയപ്പെടുന്നില്ലെന്നും, ‘ബുള്ളറ്റിനെ പേടിച്ചില്ല, പിന്നെയാണോ സൈബർ അറ്റാക്ക്? എന്നും അദ്ദേഹം കൂട്ടിചേർത്തു.

 The ‘Empuraan’ controversy has escalated into a verbal clash between director Major Ravi and actress Mallika Sukumaran. Following Major Ravi's statements about Mohanlal's views on the film, Mallika Sukumaran criticized him for allegedly hunting Prithviraj. Major Ravi defended his stance, stating his loyalty to Mohanlal and concerns about alleged anti-national content, while also dismissing fears of cyber attacks.

#Empuraan #MajorRavi #MallikaSukumaran #Mohanlal #MalayalamCinema #Controversy