50 കോടി ക്ലബ്ബിൽ ഇടംപിടിച്ച് ‘എക്കോ’; മിസ്റ്ററി ത്രില്ലർ ചിത്രം ഡിസംബർ 31 മുതൽ നെറ്റ്ഫ്ലിക്സിൽ സ്ട്രീമിംഗ് ആരംഭിക്കും

കൊച്ചി: (KVARTHA) ലോകവ്യാപകമായി ഭാഷാ ഭേദമന്യേ പ്രേക്ഷകരുടെയും നിരൂപകരുടെയും പ്രശംസ പിടിച്ചുപറ്റി മുന്നേറുന്ന മിസ്റ്ററി ത്രില്ലർ ചിത്രം ‘എക്കോ’ തകർപ്പൻ വിജയത്തിലേക്ക്. ചിത്രം ആഗോള ബോക്സ് ഓഫീസിൽ നിന്നും ഇതിനകം 50 കോടി രൂപയുടെ ഗ്രോസ് കളക്ഷൻ സ്വന്തമാക്കിയതായി അണിയറ പ്രവർത്തകർ അറിയിച്ചു.

തിയേറ്ററുകളിൽ ഇപ്പോഴും ഹൗസ്ഫുൾ ഷോകളുമായി പ്രദർശനം തുടരുന്നതിനിടെയാണ് ചിത്രത്തിന്റെ ഒടിടി റിലീസ് സംബന്ധിച്ച വിവരങ്ങളും പുറത്തുവന്നിരിക്കുന്നത്. വരുന്ന ബുധനാഴ്ച, 2025 ഡിസംബർ 31 മുതൽ ചിത്രം പ്രമുഖ ഒടിടി പ്ലാറ്റ്‌ഫോമായ നെറ്റ്ഫ്ലിക്സിൽ സ്ട്രീമിംഗ് ആരംഭിക്കും.

സംവിധായകൻ ദിൻജിത് അയ്യത്താൻ, തിരക്കഥാകൃത്തും ഛായാഗ്രാഹകനുമായ ബാഹുൽ രമേശ് എന്നിവരുടെ ശക്തമായ കൂട്ടുകെട്ടിൽ ഒരുങ്ങിയ ഈ മിസ്റ്ററി ത്രില്ലർ തിയേറ്ററുകളിൽ പുതുചരിത്രമാണ് സൃഷ്ടിച്ചിരിക്കുന്നത്.

ആരാധ്യ സ്റ്റുഡിയോസിന്റെ ബാനറിൽ എം ആർ കെ ജയറാം നിർമ്മിച്ച ചിത്രത്തിൽ സന്ദീപ് പ്രദീപ്, സൗരബ് സച്ചിദേവ്, വിനീത്, നരേൻ, അശോകൻ, ബിനു പപ്പു, സഹീർ മുഹമ്മദ്, ബിയാന മോമിൻ, സീ ഫൈ, രഞ്ജിത് ശങ്കർ, ശ്രീലക്ഷ്മി എന്നിവരാണ് പ്രധാന വേഷങ്ങളിൽ എത്തുന്നത്.

സന്ദീപ് പ്രദീപിന്റെ കരിയറിലെ തന്നെ ഏറ്റവും മികച്ച പ്രകടനമാണ് എക്കോയിലേതെന്ന് പ്രേക്ഷകർ അഭിപ്രായപ്പെടുന്നു. വലിയ താരങ്ങൾക്കൊപ്പം ചെറുതും വലുതുമായ വേഷങ്ങൾ ചെയ്ത ഓരോ അഭിനേതാക്കളും ഗംഭീരമായ പ്രകടനമാണ് സിനിമയിൽ കാഴ്ചവെച്ചിരിക്കുന്നത്.

സാങ്കേതിക മികവിലും ചിത്രം ഏറെ മുന്നിലാണ്. മുജീബ് മജീദിന്റെ സംഗീതവും സൂരജ് ഇ.എസ് നിർവ്വഹിച്ച എഡിറ്റിംഗും സിനിമയുടെ വേഗത നിലനിർത്തുന്നതിൽ വലിയ പങ്കുവഹിച്ചു. സജീഷ് താമരശ്ശേരിയുടെ കലാസംവിധാനവും വിഷ്ണു ഗോവിന്ദിന്റെ ഓഡിയോയോഗ്രാഫിയും എക്കോയുടെ സിനിമാറ്റിക് എക്സ്പീരിയൻസിന് കരുത്തേകി. മിസ്റ്ററി വിഭാഗത്തിലുള്ള ചിത്രങ്ങൾക്ക് കേരളത്തിന് പുറത്തും മികച്ച സ്വീകാര്യത ലഭിക്കുന്നത് എക്കോയുടെ വിജയത്തിന് മാറ്റുകൂട്ടുന്നു.

ചിത്രത്തിന്റെ മറ്റു അണിയറപ്രവർത്തകർ ഇവരാണ്: പ്രൊഡക്ഷൻ കൺട്രോളർ ഷാഫി ചെമ്മാട്, മേക്കപ്പ് റഷീദ് അഹമ്മദ്, കോസ്റ്റ്യൂം ഡിസൈൻ സുജിത്ത് സുധാകരൻ, പ്രോജക്റ്റ് ഡിസൈനർ സന്ദീപ് ശശിധരൻ, ഡിഐ കളർ പ്ലാനറ്റ് സ്റ്റുഡിയോസ്, കളറിസ്റ്റ് ശ്രീക് വാര്യർ, ടീസർ കട്ട് മഹേഷ് ഭുവനേന്ദ്, ചീഫ് അസോസിയേറ്റ് ഡയറക്ടർ സാഗർ, വിഎഫ്എക്സ് ഐവിഎഫ്എക്സ്, സ്റ്റിൽസ് റിൻസൺ എം ബി, സബ്ടൈറ്റിൽസ് വിവേക് രഞ്ജിത്. ഐക്കൺ സിനിമാസ് വിതരണത്തിനെത്തിച്ച ചിത്രത്തിന്റെ വിഷ്വൽ പ്രൊമോഷൻസ് സ്നേക്ക്പ്ലാന്റ്, പബ്ലിസിറ്റി ഡിസൈൻസ് യെല്ലോ ടൂത്ത്സ് എന്നിവർ നിർവ്വഹിച്ചു. പ്രതീഷ് ശേഖറാണ് ചിത്രത്തിന്റെ പി.ആർ.ഓ.

ഈ വിശേഷം സിനിമ പ്രേമികളായ കൂട്ടുകാർക്കും ഉടൻ പങ്കുവെക്കൂ! 

Article Summary: Mystery thriller 'Echo' enters 50 crore club and starts Netflix streaming on Dec 31.

#EchoMovie #MalayalamCinema #NetflixIndia #MysteryThriller #BoxOfficeCollection #Din jithAyyathan