ബിഗ് ബഡ്‌ജറ്റ് ഫാൻ്റസി ത്രില്ലർ 'ഐ ആം ഗെയിം' റിലീസിനൊരുങ്ങുന്നു; ദുൽഖർ ചിത്രം 5 ഭാഷകളിൽ

(KVARTHA) ദുൽഖർ സൽമാനെ നായകനാക്കി നഹാസ് ഹിദായത്ത് സംവിധാനം ചെയ്യുന്ന 'ഐ ആം ഗെയിം' വ്യാഴാഴ്ച (സെപ്ത് 3) റിലീസിനൊരുങ്ങുകയാണ്. ചിത്രത്തിന്റെ ആദ്യ ഷോ രാവിലെ 9 മണിക്ക് തുടങ്ങുമെന്നാണ് അണിയറപ്രവർത്തകർ അറിയിച്ചിരിക്കുന്നത്. സെൻസറിങ് പൂർത്തിയായ ചിത്രത്തിന് യു/എ (U/A) സർട്ടിഫിക്കറ്റാണ് ലഭിച്ചിരിക്കുന്നത്. 2 മണിക്കൂർ 53 മിനിറ്റ് ആണ് ചിത്രത്തിൻ്റെ ദൈർഘ്യം.

ബിഗ് ബഡ്‌ജറ്റ് ഫാൻ്റസി ത്രില്ലർ

ദുൽഖർ സൽമാൻ്റെ കരിയറിലെ ഏറ്റവും വലിയ ചിത്രങ്ങളിലൊന്നായി ഒരുങ്ങുന്ന 'ഐ ആം ഗെയിം' ഒരു ബിഗ് ബഡ്‌ജറ്റ് ഫാൻ്റസി ത്രില്ലറാണ്. വേഫെറർ ഫിലിംസിൻ്റെ ബാനറിൽ ദുൽഖർ സൽമാനും ജോം വർഗീസും ചേർന്നാണ് ചിത്രം നിർമിക്കുന്നത്. ദുൽഖർ സൽമാൻ്റെ 40-ാമത്തെ ചിത്രം കൂടിയാണിത്.

മലയാളം, തമിഴ്, തെലുങ്ക്, ഹിന്ദി, കന്നഡ എന്നീ അഞ്ച് ഭാഷകളിലായി പാൻ ഇന്ത്യൻ റിലീസായാണ് ചിത്രം എത്തുന്നത്. സജീർ ബാബ, ഇസ്മാഈൽ അബൂബക്കർ, ബിലാൽ മൊയ്‌ദു എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. സംഭാഷണങ്ങൾ രചിച്ചിരിക്കുന്നത് സജീർ ബാബ, ആദർശ് സുകുമാരൻ, ഷബാസ് റഷീദ് എന്നിവർ ചേർന്നാണ്.

തരംഗമായി ട്രെയിലറും പാട്ടുകളും

ചിത്രത്തിലെ 'ലൂസർ', 'മഴവില്ലായെ' എന്നീ ഗാനങ്ങൾ ഇതിനോടകം സമൂഹമാധ്യമങ്ങളിൽ ശ്രദ്ധ നേടിയിട്ടുണ്ട്. ദുൽഖർ സൽമാൻ തന്നെയാണ് ‘ലൂസർ’ എന്ന ഗാനം ആലപിച്ചിരിക്കുന്നത്. ചിത്രത്തിന്റെ ട്രെയിലറിനും വമ്പൻ പ്രതികരണമാണ് ലഭിച്ചത്. ത്രസിപ്പിക്കുന്ന തിയേറ്റർ അനുഭവമാണ് പ്രേക്ഷകരെ കാത്തിരിക്കുന്നത് എന്ന സൂചനയാണ് ട്രെയിലർ നൽകിയത്.

ആൻ്റണി വർഗീസ്, മിഷ്കിൻ, കായദു ലോഹർ, കതിർ, പാർത്ഥ് തിവാരി, സംയുക്ത വിശ്വനാഥൻ തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങൾ.

പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായം ഞങ്ങളുടെ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: Dulquer Salmaan's fantasy thriller 'I Am Game' releases in theaters tomorrow.

#DulquerSalmaan #IAmGame #MalayalamCinema #PanIndianMovie #NahasHidayath #Kvartha #AnjanaNews