'ലക്കി ഭാസ്‌കറി'ന് ശേഷം ദുൽഖർ വീണ്ടും തെലുങ്കിൽ; 'ആകാശം ലോ ഒക താര'യുടെ ഒടിടി അവകാശം നെറ്റ്ഫ്ലിക്സിന്

ഹൈദരാബാദ്: (KVARTHA) 'ലക്കി ഭാസ്‌കറി'ലൂടെ തെലുങ്ക് പ്രേക്ഷകരുടെ മനം കവർന്ന ദുൽഖർ സൽമാൻ വീണ്ടും ടോളിവുഡിൽ തിളങ്ങാനൊരുങ്ങുന്നു. പവൻ സദിനേനി സംവിധാനം ചെയ്യുന്ന പുതിയ തെലുങ്ക് ചിത്രം 'ആകാശം ലോ ഒക താര'യുടെ നിർണ്ണായകമായ ഒടിടി അപ്‌ഡേറ്റ് പുറത്തുവന്നു. 

വമ്പൻ പ്രതീക്ഷയോടെ അണിയറയിൽ ഒരുങ്ങുന്ന ചിത്രത്തിന്റെ ഒടിടി അവകാശം പ്രമുഖ സ്ട്രീമിംഗ് പ്ലാറ്റ്‌ഫോമായ നെറ്റ്ഫ്ലിക്സാണ് സ്വന്തമാക്കിയിരിക്കുന്നത്. തിയേറ്റർ റിലീസിന് ശേഷമാകും ചിത്രം നെറ്റ്ഫ്ലിക്സിലൂടെ പ്രേക്ഷകരിലേക്ക് എത്തുക.

വ്യത്യസ്തമായ കഥപറച്ചിലിനും സിനിമാറ്റിക് സമീപനത്തിനും പേരുക്കേട്ട സംവിധായകനാണ് പവൻ സദിനേനി. അതുകൊണ്ട് തന്നെ ദുൽഖറുമായുള്ള ഈ കൂട്ടുകെട്ടിനെ സിനിമാലോകം വലിയ ആകാംക്ഷയോടെയാണ് നോക്കിക്കാണുന്നത്. മഹാനടി, സീതാ രാമം, കൽക്കി, ഒടുവിൽ പുറത്തിറങ്ങിയ ലക്കി ഭാസ്‌കർ എന്നീ ചിത്രങ്ങളിലെ മികച്ച പ്രകടനങ്ങളിലൂടെ തെലുങ്കിൽ തന്റേതായ ഒരിടം കണ്ടെത്താൻ ദുൽഖറിന് സാധിച്ചിട്ടുണ്ട്.

അണിയറ പ്രവർത്തകർ

വൻതാരനിരയും സാങ്കേതിക തികവും ഉറപ്പുനൽകുന്നതാണ് ചിത്രത്തിന്റെ അണിയറ വിശേഷങ്ങൾ. തെന്നിന്ത്യൻ സംഗീത ലോകത്തെ പ്രശസ്തനായ ജി.വി. പ്രകാശ് കുമാറാണ് ചിത്രത്തിന് വേണ്ടി സംഗീതമൊരുക്കുന്നത്. 

സന്ദീപ് ഗണ്ണവും രമ്യ ഗണ്ണവും ചേർന്ന് നിർമ്മിക്കുന്ന ചിത്രം അവതരിപ്പിക്കുന്നത് തെലുങ്കിലെ വമ്പൻ നിർമ്മാണ കമ്പനികളായ ഗീത ആർട്സ്, സ്വപ്ന സിനിമ, ലൈറ്റ്ബോക്സ് മീഡിയ എന്നിവർ ചേർന്നാണ്.

മലയാളത്തിലേക്ക് തിരിച്ചുവരവ്

തെലുങ്കിൽ തിരക്കേറുമ്പോഴും മലയാള സിനിമയിലും സജീവമാകാൻ ഒരുങ്ങുകയാണ് ദുൽഖർ. നഹാസ് ഹിദായത്ത് സംവിധാനം ചെയ്യുന്ന 'ഐ ആം ഗെയിം' ആണ് ദുൽഖർ നായകനാകുന്ന ഏറ്റവും പുതിയ മലയാള ചിത്രം. 'കിങ്ങ് ഓഫ് കൊത്ത'യ്ക്ക് ശേഷം ദുൽഖർ മലയാളത്തിൽ നായകനാകുന്ന ചിത്രം എന്ന പ്രത്യേകതയും ഇതിനുണ്ട്.

വേഫെറർ ഫിലിംസിന്റെ ബാനറിൽ ദുൽഖർ സൽമാൻ, ജോം വർഗീസ് എന്നിവർ ചേർന്നാണ് ചിത്രം നിർമ്മിക്കുന്നത്. സജീർ ബാബ, ഇസ്മായിൽ അബൂബക്കർ, ബിലാൽ മൊയ്തു എന്നിവർ തിരക്കഥ രചിച്ച ചിത്രത്തിൻ്റെ സംഭാഷണങ്ങൾ ഒരുക്കിയിരിക്കുന്നത് ആദർശ് സുകുമാരനും ഷഹബാസ് റഷീദുമാണ്. ഈ വർഷം ഓണം റിലീസായി ചിത്രം തിയേറ്ററുകളിൽ എത്തിക്കാനാണ് അണിയറ പ്രവർത്തകർ ലക്ഷ്യമിടുന്നത്.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യുക.

Article Summary: Netflix acquires OTT rights for Dulquer Salmaan's upcoming Telugu movie 'Aakasham Lo Oka Tara'. Directed by Pavan Sadineni, the film features music by GV Prakash.

#DulquerSalmaan #AakashamLoOkaTara #Netflix #Tollywood #LuckyBaskhar #IAmGame #MalayalamCinema