കണ്ണൂർ: (KVARTHA) നടിയെ ആക്രമിച്ച കേസിൽ വിധി വരാനിരിക്കെ, മലയാള സിനിമയിലെ പ്രമുഖ നടൻ ദിലീപ് കണ്ണൂരിലെ പ്രധാന ക്ഷേത്രങ്ങളിൽ ദർശനം നടത്തി.

കേസിലെ പ്രതിയായ ദിലീപ് ചൊവ്വാഴ്ച രാവിലെ തളിപ്പറമ്പ് രാജരാജേശ്വര ക്ഷേത്രത്തിലെത്തി പൊന്നിൻകുടം വെച്ച് പ്രാർത്ഥിച്ചു. ഏകദേശം ഒൻപതരയോടെയായിരുന്നു അദ്ദേഹം ക്ഷേത്രത്തിൽ എത്തിയത്. തുടർന്ന് മുഴക്കുന്ന് മൃദംഗശൈലേശ്വരി ക്ഷേത്രത്തിലും ദിലീപ് സന്ദർശനം നടത്തി. അദ്ദേഹത്തോടൊപ്പം മാനേജരും മറ്റ് ചിലരും ഉണ്ടായിരുന്നു.

തളിപ്പറമ്പ് രാജരാജേശ്വര ക്ഷേത്രത്തിലെത്തിയ ദിലീപിനെ ക്ഷേത്ര ജീവനക്കാരും നാട്ടുകാരും ചേർന്ന് പൊന്നാടയണിയിച്ച് സ്വീകരിച്ചു. ദിലീപിനെ കാണാനായി നിരവധി ഭക്തജനങ്ങൾ ക്ഷേത്രത്തിൽ തടിച്ചുകൂടിയിരുന്നു. പലർക്കും അദ്ദേഹത്തോടൊപ്പം സെൽഫിയെടുക്കാനും അവസരം ലഭിച്ചു.

ഈ വാർത്തയെക്കുറിച്ചുള്ള അഭിപ്രായങ്ങളും ഇത് സംബന്ധിച്ച് നിങ്ങൾ അറിയുന്ന മറ്റ് കാര്യങ്ങളും കമന്റ് ബോക്സിൽ പങ്കുവെക്കുക. സുഹൃത്തുകൾക്ക് ഈ വിവരങ്ങൾ എത്താനായി ഷെയർ ചെയ്യാനും മറക്കരുത്.

Summary: Actor Dileep, an accused in the actress assault case awaiting verdict, visited the Rajarajeshwara Temple in Thaliparamba and the Mridangasaileswari Temple in Muzhakkunnu, Kannur. He was greeted by devotees and temple staff, with many fans eager to take selfies with him.

 #Dileep #ThaliparambaTemple #KeralaNews #ActressAssaultCase #SpiritualJourney #FanMoment