മുംബൈ: (KVARTHA) ബോളിവുഡ് സിനിമയിലെ പ്രശസ്തമായ ദമ്പതികളാണ് ദീപിക പദുകോണും രൺവീർ സിംഗും. ഇരുവരും അവരുടെ ആറാം വിവാഹ വാർഷികം ആഘോഷിക്കുകയാണ് ഇന്ന്. ഇൻസ്റ്റാഗ്രാമിൽ പങ്കുവച്ച പോസ്റ്റിലൂടെ ദീപികയോടുള്ള തന്റെ അനന്തമായ സ്നേഹം രൺവീർ പ്രകടിപ്പിച്ചു.

എല്ലാ ദിവസവും നിന്നെ സ്നേഹിക്കുന്ന ദിവസമാണ്, പക്ഷേ ഇന്ന് പ്രത്യേകം. വിവാഹ വാർഷിക ആശംസകൾ, എന്റെ പ്രിയതമേ! എന്നൊരു അടികുറിപ്പോടെ ദീപികയുടെ മനോഹരമായ ചിത്രങ്ങളും വീഡിയോകളുമൊക്കെ പങ്കുവച്ചാണ് രൺവീർ തന്റെ ആശംസകൾ അറിയിച്ചത്. 

ദീപികയ്ക്ക് മധുരപലഹാരങ്ങൾ എത്രമാത്രം ഇഷ്ടമാണെന്ന് കാണിക്കുന്ന ചില രസകരമായ ചിത്രങ്ങളാണ്  രൺവീർ പങ്കുവച്ചത്. വാനില കോൺ, കുക്കി ഡോഫ് കപ്പ് ഐസ്‌ക്രീം എന്നിവ കൈയിൽ പിടിച്ചുള്ള ദീപികയുടെ ചിത്രങ്ങൾ എത്രമാത്രം മനോഹരമാണ്! പാൻകേക്കിനൊപ്പം വാനില ഐസ്‌ക്രീം, ചോക്ലേറ്റ് സിറപ്പ് എന്നിവ ആസ്വദിക്കുന്ന ദീപികയുടെ ചിത്രവും ഇതിലുണ്ട്.

ഈ വർഷം സെപ്റ്റംബർ എട്ടിനാണ് ദീപിക പദുകോനിനും രൺവീർ സിംഗിനും പെൺകുഞ്ഞ് ജനിച്ചത്. തങ്ങളുടെ കുടുംബത്തിലേക്ക് ഒരു പുതിയ അംഗം എത്തിയ സന്തോഷം സോഷ്യൽ മീഡിയയിലൂടെ ആരാധകരുമായി പങ്കുവച്ചു. എന്നാൽ കുഞ്ഞിന്റെ ചിത്രമോ മറ്റു വിശേഷങ്ങളോ പുറത്തുവിട്ടിരുന്നില്ല. 'ദുആ പദുകോൺ സിങ്' എന്നാണ് കുഞ്ഞിന് പേരിട്ടിരിക്കുന്നത്. ദീപാവലിക്കാണ് താരങ്ങൾ ഇത്‌ പുറത്തുവിട്ടത്. കുഞ്ഞിന്റെ കാലുകളുടെ ചിത്രങ്ങൾക്കൊപ്പമാണ് അവർ പേര് പങ്കുവച്ചത്.

#DeepikaRanveer #BollywoodCouple #Anniversary #BollywoodNews #DeepVeer