മുംബൈ: (KVARTHA) പ്രശസ്ത ബ്രിട്ടീഷ് സംഗീത ബാന്റായ കോൾഡ്‌പ്ലേയുടെ 'മ്യൂസിക് ഓഫ് ദി സ്ഫിയേഴ്സ്' വേൾഡ് ടൂറിൻ്റെ ഭാഗമായുള്ള മുംബൈയിലെ സംഗീത പരിപാടിക്കുള്ള അധിക ടിക്കറ്റുകൾ വിൽപ്പനയ്ക്ക് എത്തുന്നു. ജനുവരി 18, 19, 21 തീയതികളിൽ നവി മുംബൈയിലെ ഡി വൈ പാട്ടീൽ സ്റ്റേഡിയത്തിലാണ് പരിപാടി അരങ്ങേറുന്നത്. ടിക്കറ്റുകൾ ശനിയാഴ്ച (ജനുവരി 11) വൈകുന്നേരം നാല് മണി മുതൽ ബുക്ക് മൈ ഷോയിൽ.

മുൻപ് ടിക്കറ്റ് ലഭിക്കാത്തവർക്കും, ഇനിയും ടിക്കറ്റ് എടുക്കാൻ ആഗ്രഹിക്കുന്നവർക്കും ഇതൊരു സുവർണാവസരമാണ്. അതേസമയം ബുക്ക് മൈ ഷോയിൽ വലിയ ട്രാഫിക് ഉണ്ടാകാൻ സാധ്യതയുണ്ട്. ഓട്ടോമേറ്റഡ് സിസ്റ്റം വഴിയായിരിക്കും ആളുകൾക്ക് ടിക്കറ്റ് വാങ്ങാനുള്ള അവസരം ലഭിക്കുക. ഒരാൾക്ക് പരമാവധി നാല് ടിക്കറ്റുകൾ വരെ വാങ്ങാൻ സാധിക്കും.

ഈ സംഗീത പരിപാടിയുടെ പ്രത്യേകത ഭിന്നശേഷിയുള്ള ആളുകൾക്കും പരിപാടി കൂടുതൽ ആസ്വാദ്യകരമാക്കാൻ സഹായിക്കുന്ന സജ്ജീകരണങ്ങൾ ഉണ്ടെന്നുള്ളതാണ്. മുംബൈയിലെ മൂന്ന് ഷോകൾ കൂടാതെ, അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ രണ്ട് ഷോകളും കോൾഡ്‌പ്ലേ അവതരിപ്പിക്കും.

#Coldplay #MumbaiConcert #TicketSale #BookMyShow #ColdplayTour #MusicOfTheSpheres