ഹിന്ദി ദേശീയ ഭാഷയല്ലെന്ന് കിച്ച സുധീപ്; അജയ് ദേവ്ഗണ്‍ എതിര്‍ത്തതോടെ ട്വിറ്ററില്‍ പൊരിഞ്ഞ വാക്പോര്, 'ഞാന്‍ കന്നടയില്‍ ട്വീറ്റ് ചെയ്തിരുന്നെങ്കില്‍ എന്ത് സംഭവിച്ചേനെ'
കിച്ച സുദീപിന്റെ 'ഹിന്ദി ഇനി ഒരു ദേശീയ ഭാഷയല്ല' എന്ന കമന്റിന് ശേഷം അജയ് ദേവ്ഗണ്‍ ട്വീറ്റ് ചെയ്തു, ഞാന്‍ ഇതിനെ എതിര്‍ക്കുന്നു. അജയ്ക്ക് മറുപടിയായി കിച്ച സുദീപ് ഇങ്ങനെ എഴുതി,
'ഹലോ @ajaydevgn sir.. ഞാന്‍ പറഞ്ഞതില്‍ നിന്ന് വ്യത്യസ്തമായ രീതിയിലാണ് കാര്യങ്ങള്‍ താങ്കള്‍ മനസിലാക്കിയതെന്ന് ഊഹിക്കുന്നു. ഇത് ആരെയെങ്കിലും വേദനിപ്പിക്കാനോ, പ്രകോപിപ്പിക്കാനോ സംവാദം തുടങ്ങാനോ ആയിരുന്നില്ല. ഞാന്‍ എന്തിന് അങ്ങനെ ചെയ്യണം സാര്‍ ' കിച്ച സുദീപ് മറുപടി നല്‍കി.
അടുത്ത ട്വീറ്റില്‍ അദ്ദേഹം ഇങ്ങനെ കുറിച്ചു, 'രാജ്യത്തെ എല്ലാ ഭാഷകളെയും ഞാന്‍ സ്നേഹിക്കുകയും ബഹുമാനിക്കുകയും ചെയ്യുന്നു സാര്‍. തികച്ചും വ്യത്യസ്തമായ ഒരു സന്ദര്‍ഭത്തില്‍ ഞാന്‍ പറഞ്ഞതുപോലെ, ഈ വിഷയം അവസാനിപ്പിക്കണമെന്ന് ഞാന്‍ ആഗ്രഹിക്കുന്നു. നിങ്ങള്‍ക്ക് സന്തോഷവും ആശംസകളും നേരുന്നു. ഉടന്‍ നേരില്‍ കാണാനാകുമെന്ന് പ്രതീക്ഷിക്കുന്നു.
Hello @ajaydevgn sir.. the context to why i said tat line is entirely different to the way I guess it has reached you. Probably wil emphasis on why the statement was made when I see you in person. It wasn't to hurt,Provoke or to start any debate. Why would I sir 😁 https://t.co/w1jIugFid6
— Kichcha Sudeepa (@KicchaSudeep) April 27, 2022
And sir @ajaydevgn ,,
— Kichcha Sudeepa (@KicchaSudeep) April 27, 2022
I did understand the txt you sent in hindi. Tats only coz we all have respected,loved and learnt hindi.
No offense sir,,,but was wondering what'd the situation be if my response was typed in kannada.!!
Don't we too belong to India sir.
🥂
തെന്നിന്ത്യന്‍ സിനിമകള്‍ ബോക്‌സ് ഓഫീസില്‍ റെകോര്‍ഡുകള്‍ തകര്‍ത്തതിന്റെ പശ്ചാത്തലത്തില്‍, കര്‍ണാടക ടാകിന് നല്‍കിയ പ്രത്യേക അഭിമുഖത്തില്‍, ഹിന്ദി ഇനി ഒരു ദേശീയ ഭാഷയല്ലെന്ന് കിച്ച സുധീപ് പറഞ്ഞു. അതിന് മറുപടിയായി അജയ് ദേവ്ഗണ്‍, 'സഹോദരാ, ഹിന്ദി നമ്മുടെ ദേശീയ ഭാഷയല്ലെങ്കില്‍ പിന്നെ എന്തിനാണ് നിങ്ങളുടെ മാതൃഭാഷാ ചിത്രങ്ങള്‍ ഹിന്ദിയില്‍ ഡബ്ബ് ചെയ്ത് റിലീസ് ചെയ്യുന്നത്? ഹിന്ദി അന്നും ഇന്നും എന്നും നമ്മുടെ മാതൃഭാഷയും ദേശീയ ഭാഷയുമായിരിക്കും. ജന ഗണ മന'
.@KicchaSudeep मेरे भाई,
— Ajay Devgn (@ajaydevgn) April 27, 2022
आपके अनुसार अगर हिंदी हमारी राष्ट्रीय भाषा नहीं है तो आप अपनी मातृभाषा की फ़िल्मों को हिंदी में डब करके क्यूँ रिलीज़ करते हैं?
हिंदी हमारी मातृभाषा और राष्ट्रीय भाषा थी, है और हमेशा रहेगी।
जन गण मन ।
അജയ് ദേവ്ഗണിന്റെയും കിച്ച സുധീപിന്റെയും ട്വീറ്റുകള്‍ സമൂഹ മാധ്യമങ്ങളില്‍ വൈറലാകുകയാണ്. ഹിന്ദി എല്ലാ സംസ്ഥാനങ്ങളിലും നിര്‍ബന്ധിത പാഠ്യവിഷയമാക്കണമെന്ന് കേന്ദ്ര ആഭ്യന്തരമന്ത്രി അമിത് ഷാ അടുത്തിടെ പ്രസ്താവിച്ചത് വലിയ വിവാദമായിരുന്നു.
